- Джаз бир кюнню джатсанг, къыш талай кюнню абынырса.
- Бастасын ашагъан, хантусун да ичер.
- Билим къая тешер.
- Окъ къызбайны джокълайды.
- Иши джокъну, сыйы джокъ.
- Эрине къаргъыш этген къатын, эрнин къабар.
- Джол бла сёзню къыйыры джокъ.
- Ёнгкюч къууана барыр, джылай келир.
- Ашаса, ашамаса да, бёрюню ауузу – къан.
- Чакъырылмагъан джерге барма, чакъырылгъан джерден къалма.
- Тил джюрекге джол ишлейди.
- Ёлмесенг да, къарт дамы болмазса?
- Этни да ашады, бетни да ашады.
- Аш хазыр болса, иш харам болур.
- Огъурлуну сёзю – суу, огъурсузну сёзю – уу.
- Кёбге таш атма.
- Акъыл къартда, джашда тюйюлдю – башдады.
- Къыз чыгъаргъан – къызыл къымжа.
- Ачлыкъда тары гырджын халыуадан татлы.
- Тенги кёбню джау алмаз, акъылы кёбню дау алмаз.
- Уллу атлама – абынырса, уллу къабма – къарылырса.
- Айран тёгюлсе, джугъусу къалыр.
- Ариу сёз аурууунгу алыр.
- Окъугъанны бети джарыкъ.
- Аш берме да, къаш бер.
- Ёзденликни джайгъан – джокълукъ.
- Кёрмегеннге кебек – танг, битмегеннге сакъал – танг.
- Кечеси – аяз, кюню – къыш, джарлы къаргъагъа бир аш тюш!
- Ашда – бёрю, ишде – ёлю.
- Аман хансны – урлугъу кёб.
- Джырчы джырчыгъа – къарнаш.
- Миллетни бойну – базыкъ, аны бла кюрешген – джазыкъ.
- Къанны къан бла джуума, аманны аман бла къуума.
- Тюз сёз баргъан сууну тыяр.
- Джылар джаш, атасыны сакъалы бла ойнар.
- Хатерли къул болур.
- Алма терегинден кери кетмез.
- Джаханимни кёрмей, джандетге кёл салмазса.
- Нёгерсизни джолу узун.
- Джолунга кёре – джюрюшюнг, джагъанга кёре – юлюшюнг.
- Башсыз урчукъ тюзюне айланмаз.
- Суугъа – таянма, джаугъа – ийнанма.
- Эки итни арасына сюек атма, эки адамны арасында сёз чыгъарма.
- Айырылмаз джууугъунга, унутмаз сёзню айтма.
- Ёмюрлюк шохлукъну джел элтмез.
- Шайтан алдады, тюзлюк къаргъады.
- Аз сёлеш, кёб ишле.
- Джыгъылгъанны сырты джерден тоймаз.
- Бетинги сатма, малынгы сат.
- Аман эсирсе, юйюн ояр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72