- Сёз сёзню айтдырыр.
- Аджашхан тёгерек айланыр.
- Джукъу тёшек сайламайды.
- Этек чакъмакълары баш джаргъан, сёлешген сёзлери таш джаргъан.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аууз сакълагъан – джан сакълар.
- Къууут – джелге, берне – бошха.
- Адебсиз адам – джюгенсиз ат.
- Тил бла келеди джыр да.
- Биреуге аманлыкъ этиб, кесинге игилик табмазса.
- Бетинги сатма, малынгы сат.
- Байны оноуу, джарлыгъа джарамаз.
- Хатерли къул болур.
- Сууда джау джокъ, кёб сёзде магъана джокъ.
- Насыблы элин сюер, насыбсыз кесин сюер.
- Кёзю сокъурдан – къоркъма, кёлю сокъурдан – къоркъ.
- Джети тилни билген джети кишиди.
- Башынга джетмегенни сорма.
- От кюйдюрген, сау болса да, тот кюйдюрген, сау болмаз.
- Урунуу – насыбны анасы.
- Сакъалы текени да бар, мыйыгъы киштикни да бар.
- Къан бла кирген, джан бла чыгъар.
- Кюн кёрмеген, кюн кёрсе, кюндюз чыракъ джандырыр.
- Ашда – бёрю, ишде – ёлю.
- Мадар болса, къадар болур.
- Ёксюзню тилеги къабыл болур.
- Джыланны къуйругъундан басарынг келсе, аны башы болгъанын унутма.
- Айтхан сёзюне табылгъан.
- Ётюрюкден тюбю джокъ, кёлтюрюрге джиби джокъ.
- Билим къая тешер.
- Акъылсызны джууукъгъа алма, акъыллыны кенгнге салма.
- Бал чибинни ургъаны – ачы, балы – татлы.
- Чакъырылгъанны аты, чакъырылмагъанны багъасы болур.
- Чалманны аллы къалай башланса, арты да алай барады.
- Хунаны тюбюн къазсанг, юсюнге ауар.
- Къарын къуру болса, джюрек уру болур.
- Мен да «сен», дейме, сен да «кесим», дейсе.
- Аман киши кеси юйюнде – къонакъ.
- Ашарыкъда сайлагъаннга – чий гырджын.
- Тойгъа алгъа да барма, тойда артха да къалма.
- Джырына кёре эжиую.
- Сакъ юйюне сау барыр.
- Ата Джуртча джер болмаз, туугъан элча эл болмаз.
- Насыб бютеу халкъны юлюшюдю.
- Бюгюн дуния кибик, тамбла ахыратды.
- Аз сёлешген, къайгъысыз турур.
- Юре билмеген ит, къонакъ келтирир.
- Джолда аягъынга сакъ бол, ушакъда тилинге сакъ бол.
- Ким бла джюрюсенг, аны кёзю бла кёрюнюрсе.
- Ёксюзню къалачы уллу кёрюнюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72