- Джолда аягъынга сакъ бол, ушакъда тилинге сакъ бол.
- Тилде сюек болмаса да, сюек сындырыр.
- Чакъырылгъанны аты, чакъырылмагъанны багъасы болур.
- Арыгъан къош чамчы болур.
- Къонакъны къачан кетерин сорма, къачан келлигин сор.
- Адеб базарда сатылмаз.
- Сабийни джумушха джибер да, ызындан бар.
- Арба аугъандан сора, джол кёргюзтюучю кёб болур.
- Тилчи бир сагъатха айлыкъ хата этер.
- Мухар, кеси тойса да, кёзю тоймаз.
- Ашыкъгъан cуу, тенгизге джетмез.
- Тамырсыз терекге таянма – джыгъылырса.
- Айтылгъан буйрукъ, сёгюлмез
- Халкъны джырын джырласанг, халкъ санга эжиу этер.
- Сёз – кюмюш, джыр – алтын.
- Адамны сыфатына къарама, сёзюне къара.
- Ашда уялгъан – мухар, ишде уялгъан – хомух.
- Адам боллукъ, атламындан белгили болур.
- Ханы къызы буюгъа-буюгъа киштик болду.
- Ариу сёзде ауруу джокъ.
- Тойгъан антын унутур.
- Элде адам къалмаса, ит тахтагъа минер.
- Сютню башын джалагъан къутулур, тюбюн ичген тутулур.
- Душманны тышы – акъ, ичи – къара.
- Тиширыусуз юй – отсуз от джагъа.
- Аманнга да, игиге да оноусуз къатышма.
- Сёз сёзню айтдырыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чомарт къолда мал къалмаз.
- Сабий кёргенин унутмаз.
- Биреуге аманлыкъ этиб, кесинге игилик табмазса.
- Ишленмеген джаш – джюгенсиз ат, ишленмеген къыз – тузсуз хант.
- Аман адамны тепсинге олтуртсанг, къызынгы тилер.
- Байма, деб да, къууанма, джарлыма, деб да, джылама.
- Босагъагъа джууукъ орун болса, ашыгъыб тёрге озма.
- Игиге айтсанг – билир, аманнга айтсанг – кюлюр.
- Тойгъандан сора, ашны сёкме.
- Тыш элде солтан болгъандан эсе, кесинги элде олтан болгъан игиди!
- Ётген ёмюр – акъгъан суу.
- Тау башында, тау болмаз, джангыз терек, бау болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Къызын тута билмеген, тул этер, джашын тута билмеген, къул этер.
- Татлы тилде – сёз ариу, чемер къолда – иш ариу.
- Эл элде бирер малынг болгъандан эсе, бирер тенгинг болсун.
- Иесиз малны бёрю ашар.
- Чакъырылмагъан къонакъ – орунсуз.
- Къаллай салам берсенг, аллай джууаб алырса.
- Окъуу – билимни ачхычы, окъуу – дунияны бачхычы.
- Келлик заман – къартлыкъ келтирир, кетген заман – джашлыкъ ёлтюрюр.
- Къайтырыкъ эшигинги, къаты уруб чыкъма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72