- Ачыкъ джюрекге джол – ачыкъ.
- Джюрекге ариу – кёзге да ариу.
- Айырылмаз джууугъунга, унутмаз сёзню айтма.
- Сибиртки да сыйлы болду, кюрек да кюнлю болду.
- Хаухну атма, ёнгкючню сатма.
- Башсыз урчукъ тюзюне айланмаз.
- Тёрдеги кюлсе, эшикдеги ышарыр.
- Адамны артындан къара сабан сюрме.
- Къыйынлы джети элге оноу этер.
- Джырына кёре эжиую.
- Ачлыкъда тары гырджын халыуадан татлы.
- Эм уллу байлыкъ – джан саулукъ.
- Хазыр ашха – терен къашыкъ.
- Эки къатын алгъан – эки ташны ортасына башын салгъан.
- Къонакъ хазыр болгъанлыкъгъа, къонакъбай хазыр тюлдю.
- Эринчекге кюн узун.
- Таукел тауну аудурур.
- Ата – баланы уясы.
- Баргъанынга кёре болур келгенинг.
- Эртде тургъан бла эртде юйленнген сокъуранмаз.
- Ёгюзню мюйюзлери ауурлукъ этмейдиле.
- Тилчиден кери бол.
- Сабий кёргенин унутмаз.
- Кюлме джашха – келир башха.
- Сабийни джумушха джибер да, ызындан бар.
- Къазанны башы ачыкъ болса, итге уят керекди.
- Накъырданы арты керти болур.
- Чабакъсыз кёлге къармакъ салгъанлыкъгъа, чабакъ тутмазса.
- Эки къатын алгъанны къулагъы тынгнгаймаз.
- Къарны аманнга къазан такъдырма, къолу аманнга от джакъдырма.
- Кёб ант этген, кёб ётюрюк айтыр.
- Этни бети бла шорпасы.
- Уллу къазанда бишген эт, чий къалмаз.
- Къазанчы аман болса, къазаны къайнамаз.
- Насыб бютеу халкъны юлюшюдю.
- Мухар, кеси тойса да, кёзю тоймаз.
- Окъдан джара эртде-кеч болса да бителир, сёз джара, ёмюрге къалыр.
- Джогъун бар этген, барын бал этген.
- Берекет берсин деген джерде, берекет болур.
- Дженгил джетерикме деб, узун джолну къоюб, къысхасын барма.
- Билимли ёлмез, билимсиз кёрмез.
- Сескекли кесин билдирир.
- Нёгерсизни джолу узун.
- Айырылгъанланы айю ашар, бёлюннгенлени бёрю ашар.
- От кюйдюрген, сау болса да, тот кюйдюрген, сау болмаз.
- Ашха уста, юйюнде болсун
- Аманнга да, игиге да оноусуз къатышма.
- Эркишиге тары кебек танг кёрюнюр.
- Аман эсирсе, юйюн ояр.
- Азыкълы ат арымаз, къатыны аман джарымаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72