- Эте билген, этген этеди, эте билмеген, юретген этеди!
- Джангыз терек къынгыр ёсер.
- Элиб деген, элге болушур.
- Ургъан суудан башынгы сакъла.
- Къозулугъунда тоймагъан, къойлугъунда тоймаз.
- Алгъанда – джууукъ, бергенде – джау.
- Тёрде – темир таякълы, къаяда – чыпчыкъ аякълы.
- Акъыллы айтыр эди, акъылсыз къоймайды.
- Тили узунну, намысы – къысха.
- Окъ къызбайны джокълайды.
- Ёмюрлюк шохлукъну джел элтмез.
- Тилде сюек болмаса да, сюек сындырыр.
- Ишлемеген – тишлемез.
- Кюлме джашха – келир башха.
- Тамырсыз терекге таянма – джыгъылырса.
- Аманны эки битли тону болур, бирин сеннге кийдирир, бирин кеси киер.
- Тилсиз миллет джокъ болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Бек анасы джыламаз.
- Тил джюрекге джол ишлейди.
- Ариу сёз аурууунгу алыр.
- Джангызны оту джарыкъ джанмаз!
- Къая джолда джортма, ачыкъ сёзден къоркъма.
- Джигер – джаннга къыйынлыкъ.
- Аджашханны ызындагъы кёреди, джангылгъанны джанындагъы биледи.
- Кеси юйюмде мен да ханма.
- Хатерли къул болур.
- Ата Джуртун танымагъан, атасын да танымаз.
- Кесине оноу эте билмеген, халкъына да эте билмез.
- Бал – татлы, балдан да бала – татлы.
- Суугъа – таянма, джаугъа – ийнанма.
- Юйюнгден чыкъдынг – кюнюнгден чыкъдынг.
- Хоншуну тауугъу къаз кёрюнюр, келини къыз кёрюнюр.
- Алтыда кюлмеген, алтмышда кюлмез.
- Аш иеси бла татлыды.
- Миллетни бойну – базыкъ, аны бла кюрешген – джазыкъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Огъурлуну сёзю – суу, огъурсузну сёзю – уу.
- Ашыкъгъанны этеги бутуна чырмалыр.
- Байлыкъ тауусулур, билим тауусулмаз.
- Адамны аты башхача, акъылы да башхады.
- Джашда акъыл джокъ, къартда къарыу джокъ.
- Къызын тута билмеген, тул этер, джашын тута билмеген, къул этер.
- Эринчекни эр алмаз, эр алса да, кёл салмаз, кёл салса да, кёб бармаз!
- Агъач халкъгъа алтынды, иссиликге салкъынды.
- Азыкъ аз болса, эртде орун сал.
- Чомартха Тейри да борчлуду.
- Тюзлюк тас болмайды.
- Джыйырма къойну юч джыйырма эбзе кюте эди.
- Аз сёлеш, кёб ишле.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72