- Тулпарлыкъ, билекден тюл – джюрекден.
- Джиби бир къат джетмей эди да, эки къат тарта эди.
- Бёрю да ач къалмасын, эчки да ашалмасын.
- Эртде тургъан джылкъычыны эркек аты тай табар.
- Харам къарнашдан, халал тенг ашхы.
- Ишлегенден, къарагъан уста.
- Бал – татлы, балдан да бала – татлы.
- Орундукъ тюбюнде атылсам да, орта джиликме, де да айлан.
- Адеб джокъда, намыс джокъ.
- Бозаны арты дауур болур.
- Къарнынг тойгъунчу аша да, белинг талгъынчы ишле.
- Ёлмесенг да, къарт дамы болмазса?
- Джаханимни кёрмей, джандетге кёл салмазса.
- Къыйынлы джети элге оноу этер.
- Баргъанынга кёре болур келгенинг.
- Илму – джашауну джолу.
- Ач уят къоймаз.
- Айранны сюйген, ийнек тутар.
- Аман адам элни бир-бирине джау этер.
- Бир онгсуз адам адет чыгъарды, деб эштирик тюлсе.
- Тили узунну, намысы – къысха.
- Игиге айтсанг – билир, аманнга айтсанг – кюлюр.
- Минг тенг да азды, бир джау да кёбдю.
- Кюлме джашха – келир башха.
- Сыфатында болмагъаны, суратында болмаз.
- Ана кёлю – балада, бала кёлю – талада.
- Нарт сёз къарт болмаз.
- Эрине къаргъыш этген къатын, эрнин къабар.
- Айран ичген – къутулду, джугъусун джалагъан – тутулду.
- Окъ къызбайны джокълайды.
- Эм ашхы къайын ана мамукъ бла башынгы тешер.
- Къонагъы джокъну – шоху джокъ.
- Кийим тукъум сордурур.
- Бюгюн дуния кибик, тамбла ахыратды.
- Экеу тутушса, биреу джыгъылыр.
- Ётюрюкден тюбю джокъ, кёлтюрюрге джиби джокъ.
- Ауурну тюбю бла, дженгилни башы бла джюрюген.
- Кийиминг бла танылма, адамлыкъ бла таныл.
- Къартха ушагъан джаш – акъыллы, джашха ушагъан къарт – тели.
- Тил – кесген бычакъ, сёз – атылгъан окъ.
- Уллу къазанда бишген эт, чий къалмаз.
- Джангыз торгъай джырламаз.
- Тойгъа барсанг, тоюб бар, эски тонунгу къоюб бар.
- Ариуну – ауруу кёб.
- Къазанда болса, чолпугъа чыгъар.
- Тамчы таш тешер.
- Кёз – сюйген джерде, къол – ауругъан джерде.
- Терек ауса, отунчу – кёб.
- Ач къалгъандан, кеч къалгъан къолай.
- Борчунг бар эсе, хурджунунга ойлаб узал.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72