- Къалгъан ишге къар джауар.
- Телини эшигин, махтау джабар.
- Тойгъандан сора, ашны сёкме.
- Джыйырма къойну юч джыйырма эбзе кюте эди.
- Бастасын ашагъан, хантусун да ичер.
- Азыгъы аз, алгъа къабар, аты аман, алгъа чабар.
- Таш бла ургъанны, аш бла ур.
- Джарлыны эшигин махтагъан джабар.
- Гырджын – тепсини тамадасы.
- Аман киши кеси юйюнде – къонакъ.
- Акъыллы башны – тили къысха.
- Элиб деген, элге болушур.
- Ётген ёмюр – акъгъан суу.
- Ашына кёре табагъы, балына кёре къалагъы.
- Адамны аманы адамны бети бла ойнар.
- «Ма», - дегенни билмесенг, «бер», - дегенни билмезсе.
- Ёгюзню мюйюзлери ауурлукъ этмейдиле.
- Аш хазыр болса, иш харам болур.
- Тойгъа барсанг, тоюб бар, эски тонунгу къоюб бар.
- Эте билген, этген этеди, эте билмеген, юретген этеди!
- Тешигини къатында, чычхан да батыр болур.
- Аманны тукъумуна къарама, игини тукъумун сорма.
- Рысхы – насыбха къор.
- Кёпюр салгъан кеси ётер, уру къазгъан кеси кетер.
- Тилчи тилден къаныкъмаз.
- Джумушакъ сёз къаты таякъны сындырыр.
- Эр абынмай, эл танымаз.
- Бир абыннган – минг сюрюнюр.
- Сютден ауузу кюйген, суугъа юфгюре эди.
- Чомартха хар кюн да байрамды.
- Билмезни кёзю кёрмез, этмезни къулагъы эшитмез.
- Ариуну – ауруу кёб.
- Аз сёлеш, кёб ишле.
- Иги адам абынса да, джангылмаз.
- Джырчы ёлсе, джыры къалыр.
- Акъыл аздырмаз, билим тоздурмаз.
- Ашхы – джыяр, аман – джояр.
- Суугъа – чабакъ, къаягъа – ыргъакъ.
- Мен да «сен», дейме, сен да «кесим», дейсе.
- Бетинги сатма, малынгы сат.
- Кёзюнде тереги болгъан, чёбю болгъаннга кюле эди.
- Эки ойлашыб, бир сёлешген.
- Чомарт бергенин айтмаз.
- Джарлы джети элни сёзюн этер.
- Ачыкъ джюрекге джол – ачыкъ.
- От кюйдюрген, сау болса да, тот кюйдюрген, сау болмаз.
- Ётюрюкню къуйругъу – бир тутум.
- Алим болгъандан эсе, адам болгъан къыйынды.
- Ханы къызы буюгъа-буюгъа киштик болду.
- Айтылгъан буйрукъ, сёгюлмез
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72