- Билимли ёлмез, билимсиз кёрмез.
- Аджашханны ызындагъы кёреди, джангылгъанны джанындагъы биледи.
- Эски джаугъа ышанма.
- Ариуну – ауруу кёб.
- Халкъны юйю – туугъан джери.
- Эте билген, этген этеди, эте билмеген, юретген этеди!
- Джети тилни билген джети кишиди.
- Тулпарлыкъ, билекден тюл – джюрекден.
- Иги джашны ышаны – аз сёлешиб, кёб тынгылар.
- Юй ишлеген балта эшикде къалыр.
- Арбаз сайлама да, хоншу сайла.
- Чабакъсыз кёлге къармакъ салгъанлыкъгъа, чабакъ тутмазса.
- Ашыкъгъанны этеги бутуна чырмалыр.
- Рысхы джалгъанды: келген да этер, кетген да этер.
- Къонагъы джокъну – шоху джокъ.
- Минг тенг да азды, бир джау да кёбдю.
- Кийиминг бла танылма, адамлыкъ бла таныл.
- Джаш къарыу бла кючлю, къарт акъыл бла кючлю.
- Адеби болмагъан къыз – тузсуз хант.
- Ач да бол, токъ да бол – намысынга бек бол.
- Бет бетге къараса, бет да джерге къарар.
- Чакъырылмагъан къонакъ тёрге атламаз.
- Этек чакъмакълары баш джаргъан, сёлешген сёзлери таш джаргъан.
- Байма, деб да, къууанма, джарлыма, деб да, джылама.
- Ойнай-ойнай кёз чыгъар.
- Ётюрюкчюню шагъаты – къатында.
- Джашда акъыл джокъ, къартда къарыу джокъ.
- Эри аманны, къатыны – аман.
- Кимни – тили, тиши онглу, кимни – къолу, иши онглу.
- Къанны къан бла джуума, аманны аман бла къуума.
- Тас болгъан бычакъны сабы – алтын.
- Халкъгъа джарагъан, джарлы къалмаз.
- Борчунг бар эсе, хурджунунга ойлаб узал.
- Юйюнг бла джау болгъандан эсе, элинг бла джау бол.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кюн кёрмеген, кюн кёрсе, кюндюз чыракъ джандырыр.
- Кёз – сюйген джерде, къол – ауругъан джерде.
- Иги – алгъыш этер, аман – къаргъыш этер.
- Сютден ауузу кюйген, суугъа юфгюре эди.
- Адамны сабийин сюйген джюреги, бычакъча, джитиди.
- Кёзню ачылгъаны – иги, ауузну джабылгъаны – иги.
- Ашхы адам – халкъ байлыгъы, ашхы джер – джашау байлыгъы.
- Ишлегенде эринме, ишде чолакъ кёрюнме.
- Керти сёзге тёре джокъ.
- Эринчекни аурууу – кёб.
- Бир абыннган – минг сюрюнюр.
- Ариу сёз джыланны орнундан чыгъарыр.
- Къайгъы тюбю – тенгиз.
- Биреуге кёлтюрген таягъынг, кесинги башынга урур.
- Иесиз малны бёрю ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72