- Намыс сатылыб алынмайды.
- Эм ашхы къайын ана мамукъ бла башынгы тешер.
- Къыйынлы джети элни къайгъысын этер.
- Алма терегинден кери кетмез.
- Орундукъ тюбюнде атылсам да, орта джиликме, де да айлан.
- Аш берме да, къаш бер.
- Тилчиден кери бол.
- Ётюрюкню къуйругъу – бир тутум.
- Агъач халкъгъа алтынды, иссиликге салкъынды.
- Джашда акъыл джокъ, къартда къарыу джокъ.
- Ишлегенден, къарагъан уста.
- Аманнга да, игиге да оноусуз къатышма.
- Къонагъынгы артмагъын алма да, алгъышын ал.
- Джылыгъа джылан илешир.
- Уясында не кёрсе, учханында аны этер.
- Азыкълы ат арымаз, къатыны аман джарымаз.
- Сёз сёзню айтдырыр.
- Ачны эсинде – аш.
- Бёрю да ач къалмасын, эчки да ашалмасын.
- Къыйынлы джети элге оноу этер.
- Башсыз урчукъ тюзюне айланмаз.
- Намыс болмагъан джерде, насыб болмаз.
- Айныгъанлы алты кюн, тогъайгъанлы тогъуз кюн.
- Узун джолну барсанг, бюгюн келирсе, къысха джолну барсанг, тамбла келирсе.
- Джарлы тюеге минсе да, ит къабар.
- Аууздан келген, къолдан келсе, ким да патчах болур эди.
- Адамны джюреги нени кёрюрге сюйсе, кёзю да аны кёрюрге ёч болады.
- Таукел тауну аудурур.
- Эшекге миннген – биринчи айыб, андан джыгъылгъан – экинчи айыб.
- Баланы адам этген анады.
- Ариу сёз – къылычдан джити.
- Ашхы – джыяр, аман – джояр.
- Адам къыйынлыгъын кёлтюрюр, зауукълугъун кёлтюрмез.
- Къыз чыгъаргъан – къызыл къымжа.
- Борчунг бар эсе, хурджунунга ойлаб узал.
- Таш ата билмеген, башына урур.
- Шайтан алдады, тюзлюк къаргъады.
- Кютгени беш эчки, сызгъыргъаны уа, джерни джарады.
- Тешигини къатында, чычхан да батыр болур.
- Аманны тукъумуна къарама, игини тукъумун сорма.
- Ашатыргъа иш – ашхы, ишлетирге аш – ашхы.
- Халкъны джырын джырласанг, халкъ санга эжиу этер.
- Аманны эки битли тону болур, бирин сеннге кийдирир, бирин кеси киер.
- Адебни адебсизден юрен.
- Кёл – къызбай, къол – батыр.
- От кюйдюрген, сау болса да, тот кюйдюрген, сау болмаз.
- Тёзген – тёш ашар!
- Джаханимни кёрмей, джандетге кёл салмазса.
- Къатын байлыкъны сюер, эр саулукъну сюер.
- Аманны къуугъан, аманлыкъ табар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72