Эльбрусоид :: Форум :: Архив форумов

Атлыны ашхысы, ат тизгининден билинир
Ушамагъан – джукъмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Билмейме деген – бир сёз
Къонакъ кёб келюучю юйню, къазаны отдан тюшмез.
Таула не мийик болсала да, аууш табылыр.
Билимден уллу байлыкъ джокъду.
Ариу джол аджал келтирмез.
Оюмсуз атлагъан, аджалсыз ёлюр.
Джаш къарыу бла кючлю, къарт акъыл бла кючлю.
Къошда джокъгъа – юлюш джокъ.
Огъурлуну сёзю – суу, огъурсузну сёзю – уу.
Къазанда болса, чолпугъа чыгъар.
Джогъун бар этген, барын бал этген.
Киштикге къанат битсе, чыпчыкъ къалмаз эди.
Билим ат болуб да чабар, къуш болуб да учар.
Ашхы болсанг, атынг чыгъар, аман болсанг, джанынг чыгъар.
«Ёгюз, джаргъа джууукъ барма, меннге джюк боллукъса», - дегенди эшек.
Чомартха Тейри да борчлуду.
Кийиминг бла танылма, адамлыкъ бла таныл.
Тамчы таш тешер.
Аманнга да, игиге да оноусуз къатышма.
Къарт бла баш аша, джаш бла аякъ аша.
Къазанны башы ачыкъ болса, итге уят керекди.
Экеу тутушса, биреу джыгъылыр.
Ургъан суудан башынгы сакъла.
Бичгенде ашыкъма, тикгенде ашыкъ.
Аман адам элни бир-бирине джау этер.
Сакъламагъан затынга джолукъсанг, не бек къууанаса, не бек ачыйса.
Элни кючю – эмеген.
Ашына кёре табагъы, балына кёре къалагъы.
Аманнга алтын чыдамаз.
Кёбге таш атма.
Суу да къайтады чыкъгъан джерине.
Аджаллыгъа окъсуз шкок атылыр.
Орундукъ тюбюнде атылсам да, орта джиликме, де да айлан.
Ат да турмайды бир териде.
Ата джурт – алтын бешик.
Телиге от эт десенг, юйюнге от салыр.
Бал чибинни ургъаны – ачы, балы – татлы.
Тил джюрекге джол ишлейди.
Намыс сатылыб алынмайды.
Кийимни бичсенг, кенг бич, тар этген къыйын тюлдю.
Кёзюнде тереги болгъан, чёбю болгъаннга кюле эди.
Уллу къашыкъ эрин джыртар.
Сабий болмагъан джерде, мёлек болмаз.
Чомартха хар кюн да байрамды.
Эл элде бирер малынг болгъандан эсе, бирер тенгинг болсун.
Кюн – узун, ёмюр – къысха.
Адам туугъан джеринде, ит тойгъан джеринде.

Логин:
Пароль:
	Запомнить меня на этом компьютере

Забыли свой пароль?
Регистрация