- Къонакъ аз олтурур, кёб сынар.
- Айтхан – тынч, этген – къыйын.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Артына баргъанны, къатына барма.
- Окъдан джара эртде-кеч болса да бителир, сёз джара, ёмюрге къалыр.
- Накъырданы арты керти болур.
- Ауузу аманнга «иги», деме.
- Мураты болгъанны джюрек тебюую башхады.
- Соргъан айыб тюлдю, билмеген айыбды.
- Чабакъ башындан чирийди.
- Кютгени беш эчки, сызгъыргъаны уа, джерни джарады.
- Эллинг бла джау болсанг да, юйюнг бла джау болма.
- Сакъ юйюне сау барыр.
- Адам боллукъ, атламындан белгили болур.
- Чакъырылмай келген къонакъ сыйланмай кетер.
- Тилчиден кери бол.
- Мухарны эси – ашарыкъда.
- Насыб бютеу халкъны юлюшюдю.
- Келлик заман – къартлыкъ келтирир, кетген заман – джашлыкъ ёлтюрюр.
- Джыгъылгъанны сырты джерден тоймаз.
- Джюрек кёзден алгъа кёрюр.
- Джылар джаш, атасыны сакъалы бла ойнар.
- Шапа кёб болса, аш татымсыз болур.
- Мен да «сен», дейме, сен да «кесим», дейсе.
- Кёз – сюйген джерде, къол – ауругъан джерде.
- Тыш элде солтан болгъандан эсе, кесинги элде олтан болгъан игиди!
- Келгинчи, къонакъ уялыр, келгенден сора, къонакъбай уялыр.
- Эл бла кёргенинг эрелей.
- Байдан умут эте, джарлыдан ёгюз багъасы къорады.
- Ариу сёз джыланны орнундан чыгъарыр.
- Айырылмаз джууугъунга, унутмаз сёзню айтма.
- Эр сокъур болсун, къатын тилсиз болсун.
- Сагъышы джокъ – джукъучу, акъылы джокъ – къаугъачы.
- Иги джашны ышаны – аз сёлешиб, кёб тынгылар.
- Ауругъан – джашаудан умутчу.
- Къобан да къуру да къобханлай турмайды, адам да къуру да патчахлай турмайды.
- Хунаны тюбюн къазсанг, юсюнге ауар.
- Эртде тургъан бла эртде юйленнген сокъуранмаз.
- Ашын ашагъанынгы, башын да сыйла.
- Джогъун бар этген, барын бал этген.
- Айтылгъан буйрукъ, сёгюлмез
- Алтыннга тот къонмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Асхат ашлыкъ сата, юйдегиси ачдан къата.
- Ана – юйню кюн джарыгъы.
- Аз сёлешген, къайгъысыз турур.
- Борчунг бар эсе, хурджунунга ойлаб узал.
- Окъугъан – асыу, окъумагъан – джарсыу.
- Билимли ёлмез, билимсиз кёрмез.
- Тешик этген тынчды, аны джамагъан къыйынды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72