- Бермеген къол, алмайды.
- «Ма», - дегенни билмесенг, «бер», - дегенни билмезсе.
- Атлыны кёрсе, джаяуну буту талыр.
- Аман адам элни бир-бирине джау этер.
- Акъыл сабырлыкъ берир.
- Аууздан келген, къолдан келсе, ким да патчах болур эди.
- Ач келгенни – тойдур, кеч келгенни – къондур.
- Адебсиз адам – джюгенсиз ат.
- Къазанны башы ачыкъ болса, итге уят керекди.
- Онгсузну – джакъла, тенгликни – сакъла.
- Аджал соруб келмез, келсе, къайтыб кетмез.
- Таш ата билмеген, башына урур.
- Баланы адам этген анады.
- Аз сёлеш, кёб ишле.
- Аманны тукъумуна къарама, игини тукъумун сорма.
- Ашхы – джыяр, аман – джояр.
- Мен да «сен», дейме, сен да «кесим», дейсе.
- Адам къаллай бир ишленмесе, аллай бир кесин уллу кёреди.
- Ана кёлю – балада, бала кёлю – талада.
- Аджаллыгъа окъсуз шкок атылыр.
- Аш берме да, къаш бер.
- Ашаса, ашамаса да, бёрюню ауузу – къан.
- Окъумагъан сокъурду, сокъур ташха абыныр!
- Окъуу – билимни ачхычы, окъуу – дунияны бачхычы.
- Къан бла кирген, джан бла чыгъар.
- Таукел тауну аудурур.
- Кёбге таш атма.
- Тешик этген тынчды, аны джамагъан къыйынды.
- Таугъа чыгъаллыкъ эсенг, тюзде къалма.
- Ётюрюкню къуйругъу – бир тутум.
- Чёбню кёлтюрсенг, тюбюнден сёз чыгъар.
- Ёгюзню мюйюзлери ауурлукъ этмейдиле.
- Уясында не кёрсе, учханында аны этер.
- Бёрю да ач къалмасын, эчки да ашалмасын.
- Юй кюйдю да, кюйюз чыкъды, ортасындан тюйюш чыкъды.
- Экеулен сёлеше тура эселе, орталарына барыб кирме.
- Магъанасыз сёз – тауушсуз сыбызгъы.
- Биреуню тёрюнден, кесинги эшик артынг игиди.
- Тюзлюк шохлукъну бегитир.
- Джашны джигитлиги сорулур, къызны джигерлиги сорулур.
- Аманнга игилик этсенг, юйюнге сау бармазса.
- Ауругъаннга – кийик саулукъ, джетген къызгъа – чилле джаулукъ.
- Къобан да къуру да къобханлай турмайды, адам да къуру да патчахлай турмайды.
- Татлы тилде – сёз ариу, чемер къолда – иш ариу.
- Тойгъанлыкъ къойгъа джарашады.
- Ата – баланы уясы.
- Окъуусуз билим – джокъ, билимсиз кюнюнг – джокъ.
- Ариу – кёзге, акъыл – джюрекге.
- Эринчекге кюн узун.
- Биреуню эскиси биреуге джангы болмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72