- Хоншуну тауугъу къаз кёрюнюр, келини къыз кёрюнюр.
- Ачыу алгъа келсе, акъыл артха къалады.
- Адамны аты башхача, акъылы да башхады.
- Намыс сатылыб алынмайды.
- Окъуусуз билим – джокъ, билимсиз кюнюнг – джокъ.
- Кёлю джокъну – джолу джокъ.
- Биреуню тёрюнден, кесинги эшик артынг игиди.
- Эли джокъну – кёлю джокъ.
- Ёнгкюч къууана барыр, джылай келир.
- Къарын къуру болса, джюрек уру болур.
- Агъач – джерни чырайы, кийим – эрни чырайы.
- Малны кют, джерни тюрт.
- Тыш элде солтан болгъандан эсе, кесинги элде олтан болгъан игиди!
- Накъырда – кертини келечиси.
- Аман киши кеси юйюнде – къонакъ.
- Бюгюн дуния кибик, тамбла ахыратды.
- Билген билмегенни юретген адетди.
- Кюн кёрмеген, кюн кёрсе, кюндюз чыракъ джандырыр.
- Эрине къаргъыш этген къатын, эрнин къабар.
- Ашына кёре табагъы, балына кёре къалагъы.
- Чомартха хар кюн да байрамды.
- Ашхы сёз таш тешер.
- Сормай – алма, чакъырылмай – барма.
- Игилик игилик бла сингдирилиучю затды.
- Игиге айтсанг – билир, аманнга айтсанг – кюлюр.
- Къолунгдан къуймакъ ашатсанг да, атаны борчундан къутулмазса.
- Адамгъа аман кюн соруб келмейди.
- Атлыны ашхысы, ат тизгининден билинир
- Халкъны юйю – туугъан джери.
- Таугъа чыгъаллыкъ эсенг, тюзде къалма.
- Телиге от эт десенг, юйюнге от салыр.
- Къалгъан ишге къар джауар.
- Бозанг болмагъан джерге, къалагъынгы сукъма.
- Адамны сыфатына къарама, сёзюне къара.
- Сууда джау джокъ, кёб сёзде магъана джокъ.
- Къар – келтирди, суу – элтди.
- Аш берме да, къаш бер.
- Эшекге миннген – биринчи айыб, андан джыгъылгъан – экинчи айыб.
- Ишни аллы бла къууанма да, арты бла къууан.
- Иги сеники эсе да, сюйген кесимикин этеме.
- Чомарт къонакъ юй иесин сыйлар.
- Олтуруб кёрюнмей эди да, ёрге туруб кёрюне эди.
- Къумурсхала джыйылсала, пилни да джыгъадыла.
- Башланнган иш битер, къымылдагъан тиш тюшер.
- Джарлы джети элни сёзюн этер.
- «Ма», - дегенни билмесенг, «бер», - дегенни билмезсе.
- Иги адам абынса да, джангылмаз.
- Аууздан келген, къолдан келсе, ким да патчах болур эди.
- Къартны сыйын кёрмеген, къартлыгъында сыйлы болмаз.
- Къолу уллу – асыу, аягъы уллу – джарсыу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72