- Эркишиге тары кебек танг кёрюнюр.
- Уллу айтханны этмеген – уллаймаз.
- Махтаннган къыз, тойда джукълар.
- Ишни аллы бла къууанма да, арты бла къууан.
- Къонакъ кёб келюучю юйню, къазаны отдан тюшмез.
- Ёлюр джаннга, ёкюл джокъ.
- Къобан да къуру да къобханлай турмайды, адам да къуру да патчахлай турмайды.
- Аз айтсам, кёб ангылагъыз.
- Айырылмаз джууугъунга, унутмаз сёзню айтма.
- Келинни – келгинчи, бёркню кийгинчи кёр.
- Сёлеш деб шай берген, тохта деб, сом берген.
- Мухардан ач ычхынмаз.
- Дуния мал дунияда къалады.
- Ёгюзню мюйюзлери ауурлукъ этмейдиле.
- Тас болгъан бычакъны сабы – алтын.
- Байны къызы баймакъ болса да, юйде къалмаз!
- Къайгъы тюбю – тенгиз.
- Ат басханны джер билед.
- Ашыкъгъанны этеги бутуна чырмалыр.
- Къаллай салам берсенг, аллай джууаб алырса.
- Окъуу – билимни ачхычы, окъуу – дунияны бачхычы.
- Илму – джашауну джолу.
- Тешигини къатында, чычхан да батыр болур.
- Чакъырылмагъан къонакъ тёрге атламаз.
- Эр сокъур болсун, къатын тилсиз болсун.
- Чабакъгъа акъыл, табагъа тюшсе келеди.
- Ёгюзню мюйюзюнден тутадыла, адамны сёзюнден тутадыла.
- Тенгни тенглиги джашай барсанг билинир.
- Джерни букъусу кёкге къонмаз.
- Чомартны къолун джокълукъ байлар.
- Кийимни бичсенг, кенг бич, тар этген къыйын тюлдю.
- Аман адамны тепсинге олтуртсанг, къызынгы тилер.
- Ёлген аслан – сау чычхан.
- Айыбны суу бла джууалмазса.
- Джылыгъа джылан илешир.
- Акъыл бла адеб эгизледиле.
- Дженгил джетерикме деб, узун джолну къоюб, къысхасын барма.
- Къумурсхала джыйылсала, пилни да джыгъадыла.
- Кёб къычыргъандан – къоркъма, тынч олтургъандан – къоркъ.
- Ойнай билмеген, уруб къачар.
- Ата – билек, ана – джюрек!
- Миллетни бойну – базыкъ, аны бла кюрешген – джазыкъ.
- Джашлыкъ этмеген, башлыкъ этмез.
- Гыдай эчки суугъа къараб, мюйюзле кёрмесе, джашма алкъын, дегенди.
- «Ма», - дегенни билмесенг, «бер», - дегенни билмезсе.
- Иги бла джюрюсенг, джетерсе муратынга, аман бла джюрюсенг, къалырса уятха.
- Бал – татлы, балдан да бала – татлы.
- Ашхы – джыяр, аман – джояр.
- Кечеси – аяз, кюню – къыш, джарлы къаргъагъа бир аш тюш!
- Ач да бол, токъ да бол – намысынга бек бол.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72