- Эрни эр этерик да, къара джер этерик да, тиширыуду.
- Мухардан ач ычхынмаз.
- Ётюрюк хапар аякъ тюбю бла джюрюйдю.
- Урама да – ёледи, сатама да – келеди.
- Адамны сабийин сюйген джюреги, бычакъча, джитиди.
- Къыйынлы джети элге оноу этер.
- Бек ашыкъгъан меннге джетсин, дегенди аракъы.
- Джыйырма къойну юч джыйырма эбзе кюте эди.
- Биреуге аманлыкъ этиб, кесинге игилик табмазса.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тилчи тилден къаныкъмаз.
- Олтуруб кёрюнмей эди да, ёрге туруб кёрюне эди.
- Джырына кёре эжиую.
- Аман къатын сабий табса, бий болур…
- Джуртун къоругъан озар.
- Тойгъа барсанг, тоюб бар, эски тонунгу къоюб бар.
- Ашыкъгъан cуу, тенгизге джетмез.
- Къаллай салам берсенг, аллай джууаб алырса.
- Ата Джуртча джер болмаз, туугъан элча эл болмаз.
- Джылкъыдан – ат чыгъар, тукъумдан – джаш чыгъар.
- Акъыллы башны – тили къысха.
- Танг атмайма десе да, кюн къоярыкъ тюйюлдю.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бети бедерден, намыс сакълама.
- Къарнынг тойгъунчу аша да, белинг талгъынчы ишле.
- Къонакъ болсанг, ийнакъ бол.
- Aдам боллукъ, сыфатындан белгили.
- Кесинге джетмегенни, кёб сёлешме.
- Уллу атлама – абынырса, уллу къабма – къарылырса.
- Тойгъан джерден туугъан джер игиди.
- Ёлюр джаннга, ёкюл джокъ.
- Душманны тышы – акъ, ичи – къара.
- Булут кёкге джарашыу, уят бетге джарашыу.
- Хазыр ашха – терен къашыкъ.
- Чарсда алчыны эл кёреди.
- Байны оноуу, джарлыгъа джарамаз.
- Ач уят къоймаз.
- Эл тойса, тоймагъан, эл къойса, къоймагъан.
- Дууулдаса – бал чибин, къонса – къара чибин.
- Къыз чыгъаргъан – къызыл къымжа.
- «Ёгюз, джаргъа джууукъ барма, меннге джюк боллукъса», - дегенди эшек.
- Рысхысына кёре, джаш ёсер, къышлыгъына кёре, мал ёсер.
- Эл элде бирер малынг болгъандан эсе, бирер тенгинг болсун.
- Кюл тюбюндеги от кёрюнмейди.
- Къолунгдан къуймакъ ашатсанг да, атаны борчундан къутулмазса.
- Аман адам этегингден тутса, кес да къач.
- Къарыусузгъа кюлме, онгсузгъа тийме.
- Мени джылытмагъан кюн, меннге тиймесин!
- «Ма», - дегенни билмесенг, «бер», - дегенни билмезсе.
- Мухар, кеси тойса да, кёзю тоймаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72