- Кёбге таш атма.
- Артына баргъанны, къатына барма.
- Байлыкъдан саулукъ ашхыды.
- Этек чакъмакълары баш джаргъан, сёлешген сёзлери таш джаргъан.
- Намысы джокъну – дуниясы джокъ.
- Термилгенинги табмазса, кюлгенинге тюберсе.
- Сормай – алма, чакъырылмай – барма.
- Итли къонакъ джарашмаз.
- Эте билген, этген этеди, эте билмеген, юретген этеди!
- Бойнуму джети джерден кессенг да, мен ол ишни этеллик тюлме.
- Сёз сёзню айтдырыр.
- Айтылгъан сёз ызына къайтмаз.
- Гугук кесини атын айтыб къычыргъанча, мен, мен деб нек тураса?
- Къонакъ болсанг, ийнакъ бол.
- Эски джаугъа ышанма.
- Кёлсюзден сёзсюз тууар.
- Туз, гырджын аша, тюзлюк бла джаша.
- Джыгъылгъанны сырты джерден тоймаз.
- Адеб базарда сатылмаз.
- Тойгъан джерге джети къайт.
- Магъанасыз сёз – тауушсуз сыбызгъы.
- Ашлыкъны арба юйге келтирир, чана базаргъа элтир.
- Эринчекни аурууу – кёб.
- Ачлыкъда тары гырджын халыуадан татлы.
- Джети тилни билген джети кишиди.
- Тойгъа алгъа да барма, тойда артха да къалма.
- Иги джашны ышаны – аз сёлешиб, кёб тынгылар.
- Бозанг болмагъан джерге, къалагъынгы сукъма.
- Тенги кёбню джау алмаз, акъылы кёбню дау алмаз.
- Суу да къайтады чыкъгъан джерине.
- Мени джылытмагъан кюн, меннге тиймесин!
- Кесинге джетмегенни, кёб сёлешме.
- Кёлю джокъну – джолу джокъ.
- Бёрю да ач къалмасын, эчки да ашалмасын.
- Намысы болмагъанны, сыйы болмаз.
- Юйюнг бла джау болгъандан эсе, элинг бла джау бол.
- Азыкъ аз болса, эртде орун сал.
- Аллахха ийнаннган кишини, Аллах онгдурур ишин.
- Сабий кёргенин унутмаз.
- Кюл тюбюндеги от кёрюнмейди.
- Рысхысына кёре, джаш ёсер, къышлыгъына кёре, мал ёсер.
- Джашлыкъ этмеген, башлыкъ этмез.
- Ишленмеклик адамлыкъды.
- Айраннга суу къош, телиге джол бош.
- Келгинчи, къонакъ уялыр, келгенден сора, къонакъбай уялыр.
- Кимни – тили, тиши онглу, кимни – къолу, иши онглу.
- Экиндини кеч къылсанг, чабыб джетер ашхам.
- Ач – эснер, ат – кишнер.
- Алтыннга тот къонмаз.
- Биреуню къыйынлыгъы бла кесинге джол ишлеме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72