- Къартха ушагъан джаш – акъыллы, джашха ушагъан къарт – тели.
- Чомартны къолу берекет.
- Къонагъы джокъну – шоху джокъ.
- Билим – акъылны чырагъы.
- Къыз чыгъаргъан – къызыл къымжа.
- Ашыкъгъанны этеги бутуна чырмалыр.
- Сютден ауузу кюйген, суугъа юфгюре эди.
- Джахил болса анасы, не билликди баласы?
- Ариу сёзде ауруу джокъ.
- Чабар ат – джетген къыз.
- Айырылгъанланы айю ашар, бёлюннгенлени бёрю ашар.
- Сабийни джумушха джибер да, ызындан бар.
- Башы джабылгъан челекге, кир тюшмез.
- Тойну къарнашы – харс, джырны къарнашы – эжиу.
- Джерни букъусу кёкге къонмаз.
- Ариуну – ауруу кёб.
- Адеб базарда сатылмаз.
- Элиб деген, элге болушур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ётюрюкню башын керти кесер.
- Ёлмесенг да, къарт дамы болмазса?
- Ач бёрюге мекям джокъ.
- Бёрю да ач къалмасын, эчки да ашалмасын.
- Экеулен сёлеше тура эселе, орталарына барыб кирме.
- Ачылгъан эт джабылыр, кёрген кёз унутмаз.
- Алтыда кюлмеген, алтмышда кюлмез.
- Игилик игилик бла сингдирилиучю затды.
- Мен да «сен», дейме, сен да «кесим», дейсе.
- Кийимни бир кюнню аясанг, минг кюннге джарар.
- Зар адамны насыбы болмаз.
- Билимсиз иш бармаз.
- Хантына кёре тузу, юйюне кёре къызы.
- Къолунгдан къуймакъ ашатсанг да, атаны борчундан къутулмазса.
- Аз сёлеш, кёб ишле.
- Адеби болмагъан къыз – тузсуз хант.
- Татлы сёз – балдан татлы.
- Ойнаб айтсанг да, эслеб айт.
- Адамны сыфатына къарама, сёзюне къара.
- Халкъгъа джарагъан, джарлы къалмаз.
- Баргъанынга кёре болур келгенинг.
- Сескекли кесин билдирир.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тюзню ётмеги тюзде къалса да, тас болмаз.
- Ач – эснер, ат – кишнер.
- Къайгъыны сюйген, къайгъы табар.
- Сёз сёзню айтдырыр.
- Акъыл бла адеб эгизледиле.
- Аджашхан тёгерек айланыр.
- Юйлю уругъа ит чабмаз.
- Биреу ашаб къутулур, биреу джалаб тутулур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72