Эльбрусоид :: Форум :: Архив форумов

Эркишини аманы тиширыуну джылатыр.
Тамчы таш тешер.
Къонакъ кёб келюучю юйню, къазаны отдан тюшмез.
Къатын байлыкъны сюер, эр саулукъну сюер.
Адам сёзге тынгыла, акъыл сёзню ангыла.
Кёкдеги болмаса, джердегин кёрмейди.
Кёбден умут этиб, аздан къуру къалма.
Ач къалгъандан, кеч къалгъан къолай.
Тёрени джагъы джокъ.
Къуру гыбыт бек дыгъырдар.
Зарда марда джокъ.
Булут кёкге джарашыу, уят бетге джарашыу.
Адамны адамлыгъы къыйынлыкъда айгъакъланады.
Мени джылытмагъан кюн, меннге тиймесин!
Сёз къанатсыз учар.
Арыгъан къош чамчы болур.
Рысхы – насыбха къор.
Кёзден кетген, кёлден да кетеди.
Уллу атлама – абынырса, уллу къабма – къарылырса.
Ёлген эшек бёрюден къоркъмайды.
Сыфатында болмагъаны, суратында болмаз.
Ишни ахырын ойламай, аллын башлама.
Кёзюнде тереги болгъан, чёбю болгъаннга кюле эди.
Чомартха хар кюн да байрамды.
Аякъларынгы джууургъанынга кёре узат.
Ушамагъан – джукъмаз.
Этим кетсе да, сюегим къалыр.
Эте билген, этген этеди, эте билмеген, юретген этеди!
Келгинчи, къонакъ уялыр, келгенден сора, къонакъбай уялыр.
Ариу джол аджал келтирмез.
Алим болгъандан эсе, адам болгъан къыйынды.
Джумушакъ сёз къаты таякъны сындырыр.
Илму – джашауну джолу.
От кюйдюрген, сау болса да, тот кюйдюрген, сау болмаз.
Халкъны джырын джырласанг, халкъ санга эжиу этер.
Намыс болмагъан джерде, насыб болмаз.
Бойнуму джети джерден кессенг да, мен ол ишни этеллик тюлме.
Арба аугъандан сора, джол кёргюзтюучю кёб болур.
Окъдан джара эртде-кеч болса да бителир, сёз джара, ёмюрге къалыр.
Биреуге аманлыкъны тилеме да, кесинге ашхылыкъны тиле.
Адам туугъан джеринде, ит тойгъан джеринде.
Бети бедерден, намыс сакълама.
Ата – билек, ана – джюрек!
Туз, гырджын аша, тюзлюк бла джаша.
Тёзгеннге, джабылгъан эшик ачылыр.
Къарт айтханны этмеген, къартаймаз.
Хантына кёре тузу, юйюне кёре къызы.
Аман эсирсе, юйюн ояр.
Аман киши кеси юйюнде – къонакъ.
Ашарыкъда сайлагъаннга – чий гырджын.

Логин:
Пароль:
	Запомнить меня на этом компьютере

Забыли свой пароль?
Регистрация