- Итли къонакъ джарашмаз.
- Ата – баланы уясы.
- Гугук кесини атын айтыб къычыргъанча, мен, мен деб нек тураса?
- Байма, деб да, къууанма, джарлыма, деб да, джылама.
- Къралынгы – душмандан, башынгы от бла суудан сакъла.
- Ач да бол, токъ да бол – намысынга бек бол.
- Башы джабылгъан челекге, кир тюшмез.
- Эте билген, этген этеди, эте билмеген, юретген этеди!
- Махтаннган къыз, тойда джукълар.
- Джюз элде джюз ёгюзюм болгъандан эсе, джюз джууугъум болсун.
- Халкъгъа джарагъан, джарлы къалмаз.
- Адамны аманы адамны бети бла ойнар.
- Тин – байлыгъынг, терен саулугъунг.
- Билимден уллу байлыкъ джокъду.
- Хунаны тюбюн къазсанг, юсюнге ауар.
- Кийимни бичсенг, кенг бич, тар этген къыйын тюлдю.
- Зарда марда джокъ.
- Чакъырылмагъан джерге барма, чакъырылгъан джерден къалма.
- Тойгъан джерден туугъан джер игиди.
- Ашхылыкъ джерде джатмайды, аманлыкъ суугъа батмайды.
- Минг тенг да азды, бир джау да кёбдю.
- Насыб бютеу халкъны юлюшюдю.
- Къобан да къуру да къобханлай турмайды, адам да къуру да патчахлай турмайды.
- Ёксюзню къалачы уллу кёрюнюр.
- Терслик кетер, тюзлюк джетер.
- Ашарыкъда сайлагъаннга – чий гырджын.
- Къая джолда джортма, ачыкъ сёзден къоркъма.
- Ана къолу ачытмаз.
- Ётген ёмюр – акъгъан суу.
- Орундукъ тюбюнде атылсам да, орта джиликме, де да айлан.
- Уллу къашыкъ эрин джыртар.
- Аджал соруб келмез, келсе, къайтыб кетмез.
- Аманны къуугъан, аманлыкъ табар.
- Сыфатында болмагъаны, суратында болмаз.
- Мухарны эси – ашарыкъда.
- Джаш болсун, къыз болсун, акъылы, саны тюз болсун.
- Телиге от эт десенг, юйюнге от салыр.
- Тюзню ётмеги тюзде къалса да, тас болмаз.
- Къанны къан бла джуума, аманны аман бла къуума.
- Тилчиден кери бол.
- Сагъышы джокъ – джукъучу, акъылы джокъ – къаугъачы.
- Къозулугъунда тоймагъан, къойлугъунда тоймаз.
- Байны оноуу, джарлыгъа джарамаз.
- Адам сёзге тынгыла, акъыл сёзню ангыла.
- Аман къатын алгъан, арыр, иги къатын алгъан джарыр.
- Эрине къаргъыш этген къатын, эрнин къабар.
- Уллу айтханны этмеген – уллаймаз.
- Джарлыны тону джаз битер.
- Биреу ашаб къутулур, биреу джалаб тутулур.
- Этни бети бла шорпасы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72