- Аууздан келген, къолдан келсе, ким да патчах болур эди.
- Джарашыу сюйген – джалынчакъ.
- Сескекли кесин билдирир.
- Таула не мийик болсала да, аууш табылыр.
- Атадан ёксюз – бир ёксюз, анадан ёксюз – эки ёксюз.
- Кёбден умут этиб, аздан къуру къалма.
- Чакъырылмагъан къонакъ тёрге атламаз.
- Ата джурт – алтын бешик.
- Сууда джау джокъ, кёб сёзде магъана джокъ.
- Джашынгы кесинг юретмесенг, джашау юретир.
- Уллу къашыкъ эрин джыртар.
- Тау башында, тау болмаз, джангыз терек, бау болмаз.
- Тойну къарнашы – харс, джырны къарнашы – эжиу.
- Къатын къылыкъсыз, эр тынчлыкъсыз.
- Ана къойну – балагъа джандет.
- Къуллукъчума, деб махтанма, къуллукъ – хаух джамчыды!
- Ариу – кёзге, акъыл – джюрекге.
- Къызын тута билмеген, тул этер, джашын тута билмеген, къул этер.
- Бал – татлы, балдан да бала – татлы.
- Иги болса, тамадама – махтау, аман болса, меннге – айыб.
- Къаллай салам берсенг, аллай джууаб алырса.
- Кёзден кетген, кёлден да кетеди.
- Адамны джюреги нени кёрюрге сюйсе, кёзю да аны кёрюрге ёч болады.
- Айранын берсенг, челегин да къызгъанма.
- Кийимни бичсенг, кенг бич, тар этген къыйын тюлдю.
- Джахил болса анасы, не билликди баласы?
- Кесине оноу эте билмеген, халкъына да эте билмез.
- Туз, гырджын аша, тюзлюк бла джаша.
- Тойгъа барсанг, тоюб бар, эски тонунгу къоюб бар.
- Къарнынг тойгъунчу аша да, белинг талгъынчы ишле.
- Аз сёлеш, кёб ишле.
- Сибиртки да сыйлы болду, кюрек да кюнлю болду.
- Киштикге къанат битсе, чыпчыкъ къалмаз эди.
- Джырчы джырчыгъа – къарнаш.
- Къарт бла баш аша, джаш бла аякъ аша.
- Къарнынг ауруса, ауузунгу тый
- Къая джолда джортма, ачыкъ сёзден къоркъма.
- Айраннга суу къош, телиге джол бош.
- Иги адамны бир сёзю эки болмаз.
- Нафысынгы айтханын этме, намысынгы айтханын эт.
- Джашлыкъ этмеген, башлыкъ этмез.
- Айтхан сёзюне табылгъан.
- Къоркъакъны кёзю экили кёрюр.
- Кёбге таш атма.
- Эл элде бирер малынг болгъандан эсе, бирер тенгинг болсун.
- Таукел тауну аудурур.
- Башсыз урчукъ тюзюне айланмаз.
- Битмегеннге сакъал – танг.
- Ишин билген, аны сыйын чыгъарады.
- Гугурук къычырмаса да, тангны атары къалмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72