- Берекет берсин деген джерде, берекет болур.
- Чарсда алчыны эл кёреди.
- Джырчы джырчыгъа – къарнаш.
- Чомартха Тейри да борчлуду.
- Киштикге къанат битсе, чыпчыкъ къалмаз эди.
- Айырылгъанланы айю ашар, бёлюннгенлени бёрю ашар.
- Кесинг сынамагъан затны, адамгъа буюрма.
- Кёб джашагъан – кёб билир.
- Башда акъыл болмаса, эки аякъгъа кюч джетер.
- Юй кюйдю да, кюйюз чыкъды, ортасындан тюйюш чыкъды.
- Чомарт къонакъ юй иесин сыйлар.
- Къарын къуру болса, джюрек уру болур.
- Джукъу тёшек сайламайды.
- Джарлы тюеге минсе да, ит къабар.
- Джогъун бар этген, барын бал этген.
- Адебни адебсизден юрен.
- Ат да турмайды бир териде.
- Ишни ахырын ойламай, аллын башлама.
- Эски джаугъа ышанма.
- Къыйынлы джети элни къайгъысын этер.
- Джыланны къуйругъундан басарынг келсе, аны башы болгъанын унутма.
- Мухарны эси – ашарыкъда.
- Чабакъгъа акъыл, табагъа тюшсе келеди.
- Терслик кетер, тюзлюк джетер.
- Джырчы ёлсе, джыры къалыр.
- Хата – гитчеден.
- Къайгъы тюбю – тенгиз.
- Эли джокъну – кёлю джокъ.
- Аллахдан тилесенг, кёб тиле.
- Таш бла ургъанны, аш бла ур.
- Игилик игилик бла сингдирилиучю затды.
- Ишленмеген джаш – джюгенсиз ат, ишленмеген къыз – тузсуз хант.
- Биреуге аманлыкъны тилеме да, кесинге ашхылыкъны тиле.
- Тамырсыз терекге таянма – джыгъылырса.
- Суугъа – таянма, джаугъа – ийнанма.
- Къазанны башы ачыкъ болса, итге уят керекди.
- Тилчиден кери бол.
- Асхат ашлыкъ сата, юйдегиси ачдан къата.
- Ёпкелегенни ашы татлы болады.
- Ач отунчуну ачыуу – бурнунда.
- Намыс болмагъан джерде, насыб болмаз.
- Байма, деб да, къууанма, джарлыма, деб да, джылама.
- Акъылсызны джууукъгъа алма, акъыллыны кенгнге салма.
- Акъыллы – эл иеси, тели – эл баласы.
- Намыс сатылыб алынмайды.
- Аманны къуугъан, аманлыкъ табар.
- Малны кют, джерни тюрт.
- Билимден уллу байлыкъ джокъду.
- Джаралыны джастыгъында сау ёлюр.
- Бёрю да ач къалмасын, эчки да ашалмасын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72