- Къызбайны юйюне дери сюрсенг, батыр болур.
- Аманны тукъумуна къарама, игини тукъумун сорма.
- Джаным-тиним – окъуу, билим.
- Ёгюзню мюйюзюнден тутадыла, адамны сёзюнден тутадыла.
- Чомартны къолун джокълукъ байлар.
- Дженгил джетерикме деб, узун джолну къоюб, къысхасын барма.
- Адамны адамлыгъы къыйынлыкъда айгъакъланады.
- Арыгъан къош чамчы болур.
- Суугъа – чабакъ, къаягъа – ыргъакъ.
- Къралынгы – душмандан, башынгы от бла суудан сакъла.
- Ауурну тюбю бла, дженгилни башы бла джюрюген.
- Джол бла сёзню къыйыры джокъ.
- Къонакъ хазыр болгъанлыкъгъа, къонакъбай хазыр тюлдю.
- Джети тилни билген джети кишиди.
- Малны кют, джерни тюрт.
- Атлыны кёрсе, джаяуну буту талыр.
- Ишлегенде эринме, ишде чолакъ кёрюнме.
- Эм уллу байлыкъ – джан саулукъ.
- Чёбню кёлтюрсенг, тюбюнден сёз чыгъар.
- Тамбла алтындан бюгюн багъыр ашхы.
- Атадан ёксюз – бир ёксюз, анадан ёксюз – эки ёксюз.
- Ишленмеклик адамлыкъды.
- Айраннга суу къош, телиге джол бош.
- Бермеген къол, алмайды.
- Бек ашыкъгъан меннге джетсин, дегенди аракъы.
- Адам къаллай бир ишленмесе, аллай бир кесин уллу кёреди.
- Кёпюр салгъан кеси ётер, уру къазгъан кеси кетер.
- Къонакъ аз олтурур, кёб сынар.
- Джыланны къуйругъундан басарынг келсе, аны башы болгъанын унутма.
- Башы ишлегенни, ауузу да ишлер.
- Эки итни арасына сюек атма, эки адамны арасында сёз чыгъарма.
- Хунаны тюбюн къазсанг, юсюнге ауар.
- Биреуге аманлыкъны тилеме да, кесинге ашхылыкъны тиле.
- Оюмсуз атлагъан, аджалсыз ёлюр.
- Ётюрюк хапар аякъ тюбю бла джюрюйдю.
- Терслик кетер, тюзлюк джетер.
- Ач, тоймам, дейди, тойгъан, ач болмам, дейди.
- Къонагъы джокъну – шоху джокъ.
- Тыш элде солтан болгъандан эсе, кесинги элде олтан болгъан игиди!
- Арпа, будай – ащды, алтын, кюмюш а – ташды.
- Насыблы элин сюер, насыбсыз кесин сюер.
- Ургъан суудан башынгы сакъла.
- Байны къызы баймакъ болса да, юйде къалмаз!
- Къалгъан ишге къар джауар.
- Сангырау къулакъ эл бузар.
- Аз сёлешген, къайгъысыз турур.
- Баланы адам этген анады.
- Байны оноуу, джарлыгъа джарамаз.
- Аууздан келген, къолдан келсе, ким да патчах болур эди.
- Телиге от эт десенг, юйюнге от салыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72