- Кесинг сынамагъан затны, адамгъа буюрма.
- Келлик заман – къартлыкъ келтирир, кетген заман – джашлыкъ ёлтюрюр.
- Кирсизни – саны таза, халалны – къаны таза.
- Эм ашхы къайын ана мамукъ бла башынгы тешер.
- Адебни адебсизден юрен.
- Айран тёгюлсе, джугъусу къалыр.
- Чакъырылмагъан къонакъ – орунсуз.
- Нафысынгы айтханын этме, намысынгы айтханын эт.
- Билим къая тешер.
- Билим насыб берир, билим джолну керир.
- Байдан умут эте, джарлыдан ёгюз багъасы къорады.
- Къонакъ болсанг, ийнакъ бол.
- Билим ат болуб да чабар, къуш болуб да учар.
- Окъдан джара эртде-кеч болса да бителир, сёз джара, ёмюрге къалыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ёксюзню къалачы уллу кёрюнюр.
- Сабийликде юретмесенг, уллу болса – тюзелмез.
- Адамны бетине къарама, адетине къара.
- Гугурук къычырмаса да, тангны атары къалмаз.
- Билимден уллу байлыкъ джокъду.
- Туз, гырджын аша, тюзлюк бла джаша.
- Айраннга суу къош, телиге джол бош.
- Шекер бла туз – бир болмаз, ушамагъан – юй болмаз.
- Иши джокъну, сыйы джокъ.
- Нёгерсизни джолу узун.
- Чабакъсыз кёлге къармакъ салгъанлыкъгъа, чабакъ тутмазса.
- Абынмазлыкъ аякъ джокъ, джангылмазлыкъ джаякъ джокъ.
- Чарсда алчыны эл кёреди.
- Адам боллукъ, атламындан белгили болур.
- Кёзню ачылгъаны – иги, ауузну джабылгъаны – иги.
- Танг атмайма десе да, кюн къоярыкъ тюйюлдю.
- Ариу сёз – джаннга азыкъ, аман сёз – башха къазыкъ.
- Игини сыйлагъан адетди.
- Ачлыкъ отха секиртир.
- Ёлюк кебинсиз къалмаз.
- Джарлы эскисин джамаса, къууаныр.
- Эринчекге кюн узун.
- Ариуну – ауруу кёб.
- Ашхы болсанг, атынг чыгъар, аман болсанг, джанынг чыгъар.
- Кимни – тили, тиши онглу, кимни – къолу, иши онглу.
- Баш болса, бёрк табылыр.
- Ойнай билмеген, оюн бузар.
- Бетинги сатма, малынгы сат.
- Эри аманны, къатыны – аман.
- Азыкъ аз болса, эртде орун сал.
- Тилсиз миллет джокъ болур.
- Кёл ашады да, кеси ашады.
- От кюйдюрген, сау болса да, тот кюйдюрген, сау болмаз.
- Джерни букъусу кёкге къонмаз.
- Аманнга игилик этсенг, юйюнге сау бармазса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72