Эльбрусоид :: Форум :: Архив форумов

Къарыусузгъа кюлме, онгсузгъа тийме.
Къыз тиширыу кеси юйюнде да къонакъды.
Ана – юйню кюн джарыгъы.
Окъуу – билимни ачхычы, окъуу – дунияны бачхычы.
Адамгъа аман кюн соруб келмейди.
Къозулугъунда тоймагъан, къойлугъунда тоймаз.
Чёбню кёлтюрсенг, тюбюнден сёз чыгъар.
Чакъырылмагъан къонакъ – орунсуз.
Джангыз терек къынгыр ёсер.
Аууз сакълагъан – джан сакълар.
Ёлюк кебинсиз къалмаз.
Ауругъанны сау билмез, ач къарынны токъ билмез.
Тили узунну, намысы – къысха.
Къан бла кирген, джан бла чыгъар.
Джаралыны джастыгъында сау ёлюр.
Тура эдим джата, къайдан чыкъды хата?
Хар ишни да аллы къыйынды.
Уруну арты – къуру.
Бир абыннган – минг сюрюнюр.
Къатын байлыкъны сюер, эр саулукъну сюер.
Келинни – келгинчи, бёркню кийгинчи кёр.
Джангыз торгъай джырламаз.
Атадан ёксюз – бир ёксюз, анадан ёксюз – эки ёксюз.
Ариу сёз – къылычдан джити.
Чомарт къонакъ юй иесин сыйлар.
Дженгил джетерикме деб, узун джолну къоюб, къысхасын барма.
Тенги кёбню джау алмаз, акъылы кёбню дау алмаз.
Билеги кючлю, бирни джыгъар, билими кючлю, мингни джыгъар.
Ётюрюкню башын керти кесер.
Ойнай билмеген, оюн бузар.
Сёз садакъдан кючлюдю.
Мухарны эси – ашарыкъда.
Рысхы – насыбха къор.
Джашда акъыл джокъ, къартда къарыу джокъ.
Къарны аманнга къазан такъдырма, къолу аманнга от джакъдырма.
Аз сёлешген, къайгъысыз турур.
Аман киши кеси юйюнде – къонакъ.
Сабийликде юретмесенг, уллу болса – тюзелмез.
Окъугъанны бети джарыкъ.
Туз, гырджын аша, тюзлюк бла джаша.
Кийим тукъум сордурур.
Урама да – ёледи, сатама да – келеди.
Къонагъынгы артмагъын алма да, алгъышын ал.
Ашын ашагъанынгы, башын да сыйла.
Кёзден кетген, кёлден да кетеди.
Аман хансны – урлугъу кёб.
Тиширыусуз юй – отсуз от джагъа.
Билгенни къолу къарны джандырыр.
Чакъырылмагъан къонакъ тёрге атламаз.
Ата Джуртуму башы болмасам да, босагъасында ташы болайым.

Логин:
Пароль:
	Запомнить меня на этом компьютере

Забыли свой пароль?
Регистрация