- Алим болгъандан эсе, адам болгъан къыйынды.
- Бети къызарыучу адамны, джюреги харам болмаз.
- Экиндини кеч къылсанг, чабыб джетер ашхам.
- Нафысынгы айтханын этме, намысынгы айтханын эт.
- Билим ат болуб да чабар, къуш болуб да учар.
- Аджашханны ызындагъы кёреди, джангылгъанны джанындагъы биледи.
- Тил бла келеди джыр да.
- Илму – джашауну джолу.
- Чабакъгъа акъыл, табагъа тюшсе келеди.
- Аманны къуугъан, аманлыкъ табар.
- Джарлыны эшигин махтагъан джабар.
- Адам боллукъ, атламындан белгили болур.
- Биреуню эскиси биреуге джангы болмайды.
- Босагъа таш юйге кирмей эди, тыбыр таш эшикге чыкъмай эди.
- Аманны тукъумуна къарама, игини тукъумун сорма.
- Эски джаугъа ышанма.
- Ургъан суудан башынгы сакъла.
- Бойнуму джети джерден кессенг да, мен ол ишни этеллик тюлме.
- Баланы адам этген анады.
- Къар – келтирди, суу – элтди.
- Кёл ашады да, кеси ашады.
- Билмезни кёзю кёрмез, этмезни къулагъы эшитмез.
- Къыз чыгъаргъан – къызыл къымжа.
- Къайгъыны сюйген, къайгъы табар.
- Ётюрюкню башын керти кесер.
- Азыгъы аз, алгъа къабар, аты аман, алгъа чабар.
- Къарыусузгъа кюлме, онгсузгъа тийме.
- Аманны эки битли тону болур, бирин сеннге кийдирир, бирин кеси киер.
- Таукел тауну аудурур.
- Дуния малгъа сатылма, кесингден телиге къатылма.
- Мадар болса, къадар болур.
- Эшекге миннген – биринчи айыб, андан джыгъылгъан – экинчи айыб.
- Ётюрюк хапар аякъ тюбю бла джюрюйдю.
- Эл элде бирер малынг болгъандан эсе, бирер тенгинг болсун.
- Ашын ашагъанынгы, башын да сыйла.
- Окъдан джара эртде-кеч болса да бителир, сёз джара, ёмюрге къалыр.
- Джаным-тиним – окъуу, билим.
- Атадан ёксюз – бир ёксюз, анадан ёксюз – эки ёксюз.
- Агъач халкъгъа алтынды, иссиликге салкъынды.
- Тау башында, тау болмаз, джангыз терек, бау болмаз.
- Сёз – кюмюш, джыр – алтын.
- Намыс сатылыб алынмайды.
- Борчунг бар эсе, хурджунунга ойлаб узал.
- Шапа кёб болса, аш татымсыз болур.
- Джаш болсун, къыз болсун, акъылы, саны тюз болсун.
- Уллу сёзде уят джокъ.
- Тилчиден кери бол.
- Билим – акъылны чырагъы.
- Гугук кесини атын айтыб къычыргъанча, мен, мен деб нек тураса?
- Сёлеш деб шай берген, тохта деб, сом берген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72