- Джан саулукъ бермей, сан саулукъ бермезсе.
- Босагъагъа джууукъ орун болса, ашыгъыб тёрге озма.
- Бал ашаргъа сюе эсенг, чибин ургъаннга тёз.
- Джерни букъусу кёкге къонмаз.
- Аджаллыгъа окъсуз шкок атылыр.
- Адамны сыфатына къарама, сёзюне къара.
- Таукел къуру къалмаз.
- Эркишиге тары кебек танг кёрюнюр.
- Ким бла джюрюсенг, аны кёзю бла кёрюнюрсе.
- Ашлыкъны арба юйге келтирир, чана базаргъа элтир.
- Тёзгеннге, джабылгъан эшик ачылыр.
- Джюрекге ариу – кёзге да ариу.
- Окъдан джара эртде-кеч болса да бителир, сёз джара, ёмюрге къалыр.
- Ишлерге уял да, ашаргъа табма.
- Эшекге миннген – биринчи айыб, андан джыгъылгъан – экинчи айыб.
- Атадан ёксюз – бир ёксюз, анадан ёксюз – эки ёксюз.
- Чомартха Тейри да борчлуду.
- Чалманны аллы къалай башланса, арты да алай барады.
- Къартха ушагъан джаш – акъыллы, джашха ушагъан къарт – тели.
- Эл ауузу – элек, анга ийнаннган – халек.
- Билимли ёлмез, билимсиз кёрмез.
- Намысы джокъну – дуниясы джокъ.
- Аман эсирсе, юйюн ояр.
- Сабийликде юретмесенг, уллу болса – тюзелмез.
- Элиб деген, элге болушур.
- Билим насыб берир, билим джолну керир.
- Кёзюнде тереги болгъан, чёбю болгъаннга кюле эди.
- Айтхан сёзюне табылгъан.
- Биреу къой излей, биреу той излей.
- От кюйдюрген, сау болса да, тот кюйдюрген, сау болмаз.
- Сютню башын джалагъан къутулур, тюбюн ичген тутулур.
- Ишлегенде эринме, ишде чолакъ кёрюнме.
- Бал – татлы, балдан да бала – татлы.
- Бастасын ашагъан, хантусун да ичер.
- Сёз садакъдан кючлюдю.
- Рысхы джалгъанды: келген да этер, кетген да этер.
- Джарлы тюеге минсе да, ит къабар.
- Къарыусузгъа кюлме, онгсузгъа тийме.
- Аманнга да, игиге да оноусуз къатышма.
- Ана къойну – балагъа джандет.
- Игини сыйлагъан адетди.
- Аш иеси бла татлыды.
- Ашхы адам – халкъ байлыгъы, ашхы джер – джашау байлыгъы.
- Къарт бла баш аша, джаш бла аякъ аша.
- Ашхы – джыяр, аман – джояр.
- Айраннга суу къош, телиге джол бош.
- Тилсиз миллет джокъ болур.
- Адебни адебсизден юрен.
- Суугъа – чабакъ, къаягъа – ыргъакъ.
- Татлы сёз – балдан татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72