- Кёлсюзден сёзсюз тууар.
- Ашыкъгъанны этеги бутуна чырмалыр.
- Тамбла алтындан бюгюн багъыр ашхы.
- Джолда аягъынга сакъ бол, ушакъда тилинге сакъ бол.
- Ата – билек, ана – джюрек!
- Арбаз сайлама да, хоншу сайла.
- Харам къарнашдан, халал тенг ашхы.
- Къуру гыбыт бек дыгъырдар.
- Кёлю джокъну – джолу джокъ.
- Къарт бла баш аша, джаш бла аякъ аша.
- Ач келгенни – тойдур, кеч келгенни – къондур.
- Ашхылыкъ джерде джатмайды, аманлыкъ суугъа батмайды.
- Экеулен сёлеше тура эселе, орталарына барыб кирме.
- Хансыз джомакъ болмаз.
- Джюрек кёзден алгъа кёрюр.
- Рысхы – сют юсюнде кёмюк кибикди.
- Тенгни тенглиги джашай барсанг билинир.
- Чомарт бергенин айтмаз.
- Байны къызы баймакъ болса да, юйде къалмаз!
- Къарт болгъан джерде, берекет болур, сабий болгъан джерде, оюн болур.
- Таукел адам тау тешер.
- Аманны эки битли тону болур, бирин сеннге кийдирир, бирин кеси киер.
- Билгенни къолу къарны джандырыр.
- Окъ къызбайны джокълайды.
- Тойчу джашха къарама, къойчу джашха къара.
- Ойнай билмеген, оюн бузар.
- Тин – байлыгъынг, терен саулугъунг.
- Таукел къуру къалмаз.
- Кенгеш болса, уруш болмаз.
- Тойгъандан сора, ашны сёкме.
- Къарны аманнга къазан такъдырма, къолу аманнга от джакъдырма.
- Чабар ат – джетген къыз.
- Дженгил джетерикме деб, узун джолну къоюб, къысхасын барма.
- Къыйынлы джети элге оноу этер.
- Ач отунчуну ачыуу – бурнунда.
- Тил бла келеди джыр да.
- Эринчекни аурууу – кёб.
- Эки итни арасына сюек атма, эки адамны арасында сёз чыгъарма.
- Къанны къан бла джуума, аманны аман бла къуума.
- Иги – алгъыш этер, аман – къаргъыш этер.
- Адамны аманы адамны бети бла ойнар.
- Кютгени беш эчки, сызгъыргъаны уа, джерни джарады.
- Чакъырылмагъан къонакъ тёрге атламаз.
- Соргъан айыб тюлдю, билмеген айыбды.
- Чомартны къолу берекет.
- Халкъны джырын джырласанг, халкъ санга эжиу этер.
- Джуртун къоругъан озар.
- Билим – акъылны чырагъы.
- Къазанда болса, чолпугъа чыгъар.
- Ойнаб айтсанг да, эслеб айт.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72