- Къартны бурнун сюрт да, оноугъа тут.
- Бастасын ашагъан, хантусун да ичер.
- Уллу атлама – абынырса, уллу къабма – къарылырса.
- Башда акъыл болмаса, эки аякъгъа кюч джетер.
- Эски джаугъа ышанма.
- Сёз къанатсыз учар.
- Къоркъакъны кёзю экили кёрюр.
- Джюрек кёзден алгъа кёрюр.
- Таш бла ургъанны, аш бла ур.
- Хазыр ашха – терен къашыкъ.
- Тиширыусуз юй – отсуз от джагъа.
- Мухардан ач ычхынмаз.
- Аууз сакълагъан – джан сакълар.
- Борчунг бар эсе, хурджунунга ойлаб узал.
- Айран тёгюлсе, джугъусу къалыр.
- Къызны минг тилер, бир алыр.
- Эрни эр этерик да, къара джер этерик да, тиширыуду.
- Ата джурт – алтын бешик.
- Башынга джетмегенни сорма.
- Тёрде – темир таякълы, къаяда – чыпчыкъ аякълы.
- Тура эдим джата, къайдан чыкъды хата?
- Чомартны къолу берекет.
- Акъылсызны джууукъгъа алма, акъыллыны кенгнге салма.
- Ашда уялгъан – мухар, ишде уялгъан – хомух.
- Ариуну – ауруу кёб.
- Ёгюзню мюйюзюнден тутадыла, адамны сёзюнден тутадыла.
- Этим кетсе да, сюегим къалыр.
- Босагъа таш юйге кирмей эди, тыбыр таш эшикге чыкъмай эди.
- Чакъырылмай келген къонакъ сыйланмай кетер.
- Тюзлюк тас болмайды.
- Къыз чыгъаргъан – къызыл къымжа.
- Кесине оноу эте билмеген, халкъына да эте билмез.
- Окъуусуз билим – джокъ, билимсиз кюнюнг – джокъ.
- Ургъан суудан башынгы сакъла.
- Ойнай-ойнай кёз чыгъар.
- Акъыл сабырлыкъ берир.
- Къобан да къуру да къобханлай турмайды, адам да къуру да патчахлай турмайды.
- Билмезни кёзю кёрмез, этмезни къулагъы эшитмез.
- Къайгъы тюбю – тенгиз.
- Тил – миллетни джаны.
- Эллинг бла джау болсанг да, юйюнг бла джау болма.
- Кирсизни – саны таза, халалны – къаны таза.
- Тойгъан джерге джети къайт.
- Тёгюлген тюгел джыйылмайды.
- Аш иеси бла татлыды.
- Насыблы элин сюер, насыбсыз кесин сюер.
- Бал ашаргъа сюе эсенг, чибин ургъаннга тёз.
- Джарлы эскисин джамаса, къууаныр.
- Чомарт бергенин айтмаз.
- Къарт айтханны этмеген, къартаймаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72