- Бичгенде ашыкъма, тикгенде ашыкъ.
- Джюз элде джюз ёгюзюм болгъандан эсе, джюз джууугъум болсун.
- Адам сёзге тынгыла, акъыл сёзню ангыла.
- Ашхы – джыяр, аман – джояр.
- Ашхылыкъ джерде джатмайды, аманлыкъ суугъа батмайды.
- Къатын къылыкъсыз, эр тынчлыкъсыз.
- Кийимни бир кюнню аясанг, минг кюннге джарар.
- Эки къатын алгъанны къулагъы тынгнгаймаз.
- Агъач – джерни чырайы, кийим – эрни чырайы.
- Кёбню кёрген – кёб билир.
- Тойгъан джерге джети къайт.
- Чакъырылмагъан джерге барма, чакъырылгъан джерден къалма.
- Кийиминг бла танылма, адамлыкъ бла таныл.
- Алтыда кюлмеген, алтмышда кюлмез.
- Эл ауузу – элек, анга ийнаннган – халек.
- Аман эсирсе, юйюн ояр.
- Ёмюрлюк шохлукъну джел элтмез.
- Ашатыргъа иш – ашхы, ишлетирге аш – ашхы.
- Чомартны къолун джокълукъ байлар.
- Нафысынгы айтханын этме, намысынгы айтханын эт.
- «Ма», - дегенни билмесенг, «бер», - дегенни билмезсе.
- Тамбла алтындан бюгюн багъыр ашхы.
- От этилмеген джерден тютюн чыкъмайды.
- Окъ къызбайны джокълайды.
- Ариу джол аджал келтирмез.
- Къыйынлы джети элни къайгъысын этер.
- Байдан умут эте, джарлыдан ёгюз багъасы къорады.
- Кийим тукъум сордурур.
- Эски джаугъа ышанма.
- Джюрек кёзден алгъа кёрюр.
- Адамгъа аман кюн соруб келмейди.
- Иги – алгъыш этер, аман – къаргъыш этер.
- Аурууну келиую тынч, кетиую – къыйын.
- Тойгъанлыкъ къойгъа джарашады.
- Башынга джетмегенни сорма.
- Тойгъа барсанг, тоюб бар, эски тонунгу къоюб бар.
- Эл элде бирер малынг болгъандан эсе, бирер тенгинг болсун.
- Акъдан къара болмаз.
- Чакъырылмагъан къонакъ къачан кетерин сормаз.
- Башы ишлегенни, ауузу да ишлер.
- Джерни букъусу кёкге къонмаз.
- Тил бла келеди джыр да.
- Бети къызарыучу адамны, джюреги харам болмаз.
- Чоюнну башы ачыкъ болса, итге уят керекди.
- Бек анасы джыламаз.
- Келгинчи, къонакъ уялыр, келгенден сора, къонакъбай уялыр.
- Къыз чыгъаргъан – къызыл къымжа.
- Аш иеси бла татлыды.
- Аз сёлеш, кёб ишле.
- Кюн кёрмеген, кюн кёрсе, кюндюз чыракъ джандырыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72