Эльбрусоид :: Форум :: Архив форумов

Юй ишлеген балта эшикде къалыр.
Ауурну тюбю бла, дженгилни башы бла джюрюген.
Биреуню тёрюнден, кесинги эшик артынг игиди.
Этни да ашады, бетни да ашады.
Хата – гитчеден.
Мухарны эси – ашарыкъда.
Бал – татлы, балдан да бала – татлы.
Къулакъдан эсе, кёзге ышан.
Къарт болгъан джерде, берекет болур, сабий болгъан джерде, оюн болур.
Иги адамны бир сёзю эки болмаз.
Ачыу алгъа келсе, акъыл артха къалады.
Ётюрюкден тюбю джокъ, кёлтюрюрге джиби джокъ.
Эки къатын алгъан – эки ташны ортасына башын салгъан.
Аджашхан тёгерек айланыр.
Уллу айтханны этмеген – уллаймаз.
Гыдай эчки суугъа къараб, мюйюзле кёрмесе, джашма алкъын, дегенди.
Кёл ашады да, кеси ашады.
«Ёгюз, джаргъа джууукъ барма, меннге джюк боллукъса», - дегенди эшек.
Джигер – джаннга къыйынлыкъ.
Айыбны суу бла джууалмазса.
Кёбге таш атма.
Битмегеннге сакъал – танг.
Сёз сёзню айтдырыр.
Тик ёргени, тик энгишгеси да болады.
Ашлыкъ – бюртюкден, джюн – тюкден.
Къарт айтханны этмеген, къартаймаз.
Кёзю сокъурдан – къоркъма, кёлю сокъурдан – къоркъ.
Адамны аманы адамны бети бла ойнар.
Дженгил джетерикме деб, узун джолну къоюб, къысхасын барма.
Эм уллу байлыкъ – джан саулукъ.
Чыкълы кюнде чыкъмагъан, чыкъса къуру кирмеген.
Адам сёзюнден белгили.
Суу ичген шауданынга тюкюрме.
Джаным-тиним – окъуу, билим.
Насыб бютеу халкъны юлюшюдю.
Онгсузну – джакъла, тенгликни – сакъла.
Ётюрюк хапар аякъ тюбю бла джюрюйдю.
Къобан да къуру да къобханлай турмайды, адам да къуру да патчахлай турмайды.
Мураты болгъанны джюрек тебюую башхады.
Ашха уста, юйюнде болсун
Къуллукъчума, деб махтанма, къуллукъ – хаух джамчыды!
Эл ауузу – элия.
Юйюнгден чыкъдынг – кюнюнгден чыкъдынг.
Элге къуллукъ этмеген, элге ие болмаз.
Алтыннга тот къонмаз.
Къатын къылыкъсыз, эр тынчлыкъсыз.
Игини сыйлагъан адетди.
Джашлыкъ этмеген, башлыкъ этмез.
Кесинге джетмегенни, кёб сёлешме.
Ач къарынны, токъ билмез

Логин:
Пароль:
	Запомнить меня на этом компьютере

Забыли свой пароль?
Регистрация