- Татлы сёз – балдан татлы.
- Эл тойса, тоймагъан, эл къойса, къоймагъан.
- Джюрек кёзден алгъа кёрюр.
- Джарлыны эшигин махтагъан джабар.
- Аджашхан тёгерек айланыр.
- Уруну арты – къуру.
- Таукел къуру къалмаз.
- Ауузу аманнга «иги», деме.
- Ойнаб айтсанг да, эслеб айт.
- Къартны бурнун сюрт да, оноугъа тут.
- Эринчекни эр алмаз, эр алса да, кёл салмаз, кёл салса да, кёб бармаз!
- Ишлемеген – тишлемез.
- Тёрени джагъы джокъ.
- Аман хансны – урлугъу кёб.
- Билгенни къолу къарны джандырыр.
- Бал – татлы, балдан да бала – татлы.
- Суу да къайтады чыкъгъан джерине.
- Мураты болгъанны джюрек тебюую башхады.
- Акъыл къартда, джашда тюйюлдю – башдады.
- Эл ауузу – элия.
- Этек чакъмакълары баш джаргъан, сёлешген сёзлери таш джаргъан.
- Намыс болмагъан джерде, насыб болмаз.
- Ёлюр джаннга, ёкюл джокъ.
- Къартха ушагъан джаш – акъыллы, джашха ушагъан къарт – тели.
- Тенги кёбню джау алмаз, акъылы кёбню дау алмаз.
- Мал кёб болса, джууукъ кёб болур.
- Ёпкелегенни ашы татлы болады.
- Уллу суу бла уллу ауруудан башынгы сакъла.
- Атлыны ашхысы, ат тизгининден билинир
- Ашатыргъа иш – ашхы, ишлетирге аш – ашхы.
- Бек ашыкъгъан меннге джетсин, дегенди аракъы.
- Аууздан келген, къолдан келсе, ким да патчах болур эди.
- Ашхы тенг джолгъа салыр, аман тенг джолдан тайдырыр.
- Къуру гыбыт бек дыгъырдар.
- Алтыда кюлмеген, алтмышда кюлмез.
- Кюл тюбюндеги от кёрюнмейди.
- Ашхы болсанг, атынг чыгъар, аман болсанг, джанынг чыгъар.
- Чыкълы кюнде чыкъмагъан, чыкъса къуру кирмеген.
- Тойгъан джерге джети къайт.
- Кеси юйюмде мен да ханма.
- Тюзлюк тас болмайды.
- Башынга джетмегенни сорма.
- Билим ат болуб да чабар, къуш болуб да учар.
- Окъдан джара эртде-кеч болса да бителир, сёз джара, ёмюрге къалыр.
- Керти сёзге тёре джокъ.
- Эри аманны, къатыны – аман.
- Адеби болмагъан къыз – тузсуз хант.
- Акъыл бла адеб эгизледиле.
- Акъылсызны джууукъгъа алма, акъыллыны кенгнге салма.
- Къолунгдан къуймакъ ашатсанг да, атаны борчундан къутулмазса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72