- Тил джюрекге джол ишлейди.
- Къумурсхала джыйылсала, пилни да джыгъадыла.
- Ашыкъгъанны этеги бутуна чырмалыр.
- Ёксюзню къалачы уллу кёрюнюр.
- Биреуге аманлыкъны тилеме да, кесинге ашхылыкъны тиле.
- Ёлмесенг да, къарт дамы болмазса?
- Сёз сёзню айтдырыр.
- Тойчу джашха къарама, къойчу джашха къара.
- Тамырсыз терекге таянма – джыгъылырса.
- Элни кючю – эмеген.
- Эрни эр этерик да, къара джер этерик да, тиширыуду.
- Аш иеси бла татлыды.
- Билген билмегенни юретген адетди.
- Ариу сёзде ауруу джокъ.
- Уллу атлама – абынырса, уллу къабма – къарылырса.
- Къарнынг бла ёч алма.
- Къонакъ аз олтурур, кёб сынар.
- Ишни ахырын ойламай, аллын башлама.
- Аууз сакълагъан – джан сакълар.
- Мал кёб болса, джууукъ кёб болур.
- Аман къатын сабий табса, бий болур…
- Алтыннга тот къонмаз.
- Джигер – джаннга къыйынлыкъ.
- Кюл тюбюндеги от кёрюнмейди.
- Адам сёзге тынгыла, акъыл сёзню ангыла.
- Кёкдеги болмаса, джердегин кёрмейди.
- Ашаса, ашамаса да, бёрюню ауузу – къан.
- Джангыз терек къынгыр ёсер.
- Айырылгъанланы айю ашар, бёлюннгенлени бёрю ашар.
- Юй ишлеген балта эшикде къалыр.
- Окъ къызбайны джокълайды.
- Адамны джюреги нени кёрюрге сюйсе, кёзю да аны кёрюрге ёч болады.
- Юйюнгден чыкъдынг – кюнюнгден чыкъдынг.
- Билмегенинги, билгеннге сор.
- Ётген ёмюр – акъгъан суу.
- Аджалсыз ёлюм болмаз.
- Ышармагъан – кюлмез, кюлмеген – къууанчны билмез.
- Кийим тукъум сордурур.
- Айырылмаз джууугъунга, унутмаз сёзню айтма.
- Бети – къучакълар, джюреги – бычакълар.
- Эл ауузу – элек, анга ийнаннган – халек.
- Аз айтсам, кёб ангылагъыз.
- Ач да бол, токъ да бол – намысынга бек бол.
- Джыланны къуйругъундан басарынг келсе, аны башы болгъанын унутма.
- Билмезни кёзю кёрмез, этмезни къулагъы эшитмез.
- Дженгил джетерикме деб, узун джолну къоюб, къысхасын барма.
- Айтханы чапыракъдан ётмеген.
- Къарнынг тойгъунчу аша да, белинг талгъынчы ишле.
- Адам туугъан джеринде, ит тойгъан джеринде.
- Джумушакъ терекни къурт ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72