- Биреуню къыйынлыгъы бла кесинге джол ишлеме.
- Аууз сакълагъан – джан сакълар.
- Адамны аты башхача, акъылы да башхады.
- Къозулугъунда тоймагъан, къойлугъунда тоймаз.
- Тамчы таш тешер.
- Бек ашыкъгъан меннге джетсин, дегенди аракъы.
- Ана къолу ачытмаз.
- Ишни ахырын ойламай, аллын башлама.
- Къызгъанчдан ычхыныр, мухардан ычхынмаз.
- Суу кетер, таш къалыр.
- Бир абыннган – минг сюрюнюр.
- Ашда – бёрю, ишде – ёлю.
- Керти сёзге тёре джокъ.
- Ёлген эшек бёрюден къоркъмайды.
- Кёб джат да, бек чаб.
- Эки итни арасына сюек атма, эки адамны арасында сёз чыгъарма.
- Аман хансны – урлугъу кёб.
- Келгинчи, къонакъ уялыр, келгенден сора, къонакъбай уялыр.
- Байдан умут эте, джарлыдан ёгюз багъасы къорады.
- Ачлыкъда тары гырджын халыуадан татлы.
- Ашхы атаны – джашы ашхы, ашхы ананы – къызы ашхы.
- Къыз тиширыу кеси юйюнде да къонакъды.
- Намыс болмагъан джерде, насыб болмаз.
- Джаш болсун, къыз болсун, акъылы, саны тюз болсун.
- Ётюрюкню башын керти кесер.
- Тиширыусуз юй – отсуз от джагъа.
- Эркишиге тары кебек танг кёрюнюр.
- Аурууну келиую тынч, кетиую – къыйын.
- Нафысынгы айтханын этме, намысынгы айтханын эт.
- Къыйынлы джети элге оноу этер.
- Тил джюрекге джол ишлейди.
- Ишлегенден, къарагъан уста.
- Урама да – ёледи, сатама да – келеди.
- Айыбны суу бла джууалмазса.
- Аз сёлешген, къайгъысыз турур.
- Кечеси – аяз, кюню – къыш, джарлы къаргъагъа бир аш тюш!
- Ач да бол, токъ да бол – намысынга бек бол.
- Туз, гырджын аша, тюзлюк бла джаша.
- Кёзню ачылгъаны – иги, ауузну джабылгъаны – иги.
- Таш бла ургъанны, аш бла ур.
- Сёз сёзню айтдырыр.
- Сабийни джумушха джибер да, ызындан бар.
- Тойгъан джерден туугъан джер игиди.
- Аджалсыз ёлюм болмаз.
- Игилик игилик бла сингдирилиучю затды.
- Къайгъы тюбю – тенгиз.
- Зарда марда джокъ.
- Биреуге аманлыкъны тилеме да, кесинге ашхылыкъны тиле.
- Ёзденликни джайгъан – джокълукъ.
- Адеби болмагъан къыз – тузсуз хант.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72