- Атлыны ашхысы, ат тизгининден билинир
- Джарлы джети элни сёзюн этер.
- Байлыкъдан саулукъ ашхыды.
- Ариу сёз – джаннга азыкъ, аман сёз – башха къазыкъ.
- Ана къойну – балагъа джандет.
- Джашда акъыл джокъ, къартда къарыу джокъ.
- Бек ашыкъгъан меннге джетсин, дегенди аракъы.
- Кёб джат да, бек чаб.
- Тёзген – тёш ашар!
- Нарт сёз къарт болмаз.
- Къая джолда джортма, ачыкъ сёзден къоркъма.
- Джюрекден джюрекге джол барды.
- Къонакъ аман болса, къонакъбай джунчур
- Танг атмайма десе да, кюн къоярыкъ тюйюлдю.
- Арыгъан къош чамчы болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Бек анасы джыламаз.
- Сормай – алма, чакъырылмай – барма.
- Юйюнгден чыкъдынг – кюнюнгден чыкъдынг.
- Баланы адам этген анады.
- Аман адам элни бир-бирине джау этер.
- Ариу джол аджал келтирмез.
- Урунуу – насыбны анасы.
- Кёбден умут этиб, аздан къуру къалма.
- Къазанчы аман болса, къазаны къайнамаз.
- Кёкдеги болмаса, джердегин кёрмейди.
- Керек ташны ауурлугъу джокъ.
- Керти сёзге тёре джокъ.
- Сабыр джетер муратха, сабырсыз къалыр уятха.
- Къонагъы джокъну – шоху джокъ.
- Адамны артындан къара сабан сюрме.
- Орну джокъну – сыйы джокъ.
- Сёз къанатсыз учар.
- Ачлыкъда тары гырджын халыуадан татлы.
- Эм ашхы къайын ана мамукъ бла башынгы тешер.
- Къарнынг бла ёч алма.
- Кёлсюзден сёзсюз тууар.
- Ёлмесенг да, къарт дамы болмазса?
- Суу да къайтады чыкъгъан джерине.
- Тамбла алтындан бюгюн багъыр ашхы.
- Ариу – кёзге, акъыл – джюрекге.
- Ким бла джюрюсенг, аны кёзю бла кёрюнюрсе.
- Адам боллукъ, атламындан белгили болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Эшекге миннген – биринчи айыб, андан джыгъылгъан – экинчи айыб.
- Тюзню ётмеги тюзде къалса да, тас болмаз.
- Къатыны харакетли болса, эри къымсыз болур.
- Хантына кёре тузу, юйюне кёре къызы.
- Бети къызарыучу адамны, джюреги харам болмаз.
- Ойнай-ойнай кёз чыгъар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72