- Ёксюзню къалачы уллу кёрюнюр.
- Джыланны къуйругъундан басарынг келсе, аны башы болгъанын унутма.
- Джан саулукъ бермей, сан саулукъ бермезсе.
- Аман къатын алгъан, арыр, иги къатын алгъан джарыр.
- Къошда джокъгъа – юлюш джокъ.
- Тёрени джагъы джокъ.
- Ишленмеген джаш – джюгенсиз ат, ишленмеген къыз – тузсуз хант.
- Бал ашаргъа сюе эсенг, чибин ургъаннга тёз.
- Зарда марда джокъ.
- Джарлы джети элни сёзюн этер.
- Бозаны арты дауур болур.
- Алгъанда – джууукъ, бергенде – джау.
- Илму – джашауну джолу.
- Намыс болмагъан джерде, насыб болмаз.
- Эм ашхы къайын ана мамукъ бла башынгы тешер.
- Билими азны – ауузунда кирит.
- Тойгъандан сора, ашны сёкме.
- Атлыны ашхысы, ат тизгининден билинир
- Ишлерге уял да, ашаргъа табма.
- Уллу суу бла уллу ауруудан башынгы сакъла.
- Тай асырагъан, атха минер.
- Бёрю да ач къалмасын, эчки да ашалмасын.
- Байлыкъ адамны сокъур этер.
- Душманны тышы – акъ, ичи – къара.
- Аз сёлеш, кёб ишле.
- Элни кючю – эмеген.
- Келинни – келгинчи, бёркню кийгинчи кёр.
- Джырчы ёлсе, джыры къалыр.
- Халкъны джырын джырласанг, халкъ санга эжиу этер.
- Къатыны харакетли болса, эри къымсыз болур.
- Кёл ашады да, кеси ашады.
- Айтылгъан сёз ызына къайтмаз.
- Аз сёлешген, къайгъысыз турур.
- Эркишини аманы тиширыуну джылатыр.
- Ана кёлю – балада, бала кёлю – талада.
- Кюл тюбюндеги от кёрюнмейди.
- Терек ауса, отунчу – кёб.
- Къобан да къуру да къобханлай турмайды, адам да къуру да патчахлай турмайды.
- Ёпкелегенни ашы татлы болады.
- Билмейме деген – бир сёз
- Ашхы болсанг, атынг чыгъар, аман болсанг, джанынг чыгъар.
- Башынга джетмегенни сорма.
- Ханнга да келеди хариблик.
- Чакъырылгъанны аты, чакъырылмагъанны багъасы болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къарын къуру болса, джюрек уру болур.
- Таукел тауну аудурур.
- Ата джурт – алтын бешик.
- Эте билген, этген этеди, эте билмеген, юретген этеди!
- Aдам боллукъ, сыфатындан белгили.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72