- Билимден уллу байлыкъ джокъду.
- Адеб джокъда, намыс джокъ.
- Эшекге миннген – биринчи айыб, андан джыгъылгъан – экинчи айыб.
- Дууулдаса – бал чибин, къонса – къара чибин.
- Келгинчи, къонакъ уялыр, келгенден сора, къонакъбай уялыр.
- Уллу сёлешме да, уллу къаб.
- Огъурлуну сёзю – суу, огъурсузну сёзю – уу.
- Сакъ юйюне сау барыр.
- Байма, деб да, къууанма, джарлыма, деб да, джылама.
- Къыз чыгъаргъан – къызыл къымжа.
- Хар зат кесини орнуна иги.
- Джигер – джаннга къыйынлыкъ.
- Аз сёлешген, къайгъысыз турур.
- Джумушакъ сёз къаты таякъны сындырыр.
- Тойгъа барсанг, тоюб бар, эски тонунгу къоюб бар.
- Къонагъынгы артмагъын алма да, алгъышын ал.
- Ойнай билмеген, уруб къачар.
- Байлыкъ келсе, акъыл кетер.
- Кёл – къызбай, къол – батыр.
- Шекер бла туз – бир болмаз, ушамагъан – юй болмаз.
- Ариу сёзде ауруу джокъ.
- Хоншуну тауугъу къаз кёрюнюр, келини къыз кёрюнюр.
- Сабыр джетер муратха, сабырсыз къалыр уятха.
- Джашны джигитлиги сорулур, къызны джигерлиги сорулур.
- Хар адамгъа кеси миннген тау кибик.
- Бек анасы джыламаз.
- Ачлыкъ отха секиртир.
- Юре билмеген ит, къонакъ келтирир.
- Тилсиз миллет джокъ болур.
- Акъыл аздырмаз, билим тоздурмаз.
- Ашарыкъда сайлагъаннга – чий гырджын.
- Аш хазыр болса, иш харам болур.
- Рысхы – сют юсюнде кёмюк кибикди.
- Сёлеш деб шай берген, тохта деб, сом берген.
- Адеб этмеген, адеб кёрмез.
- Эл ауузу – элек, анга ийнаннган – халек.
- Акъыл бла адеб эгизледиле.
- Ётген ёмюр – акъгъан суу.
- Айраннга суу къош, телиге джол бош.
- Иги джашны ышаны – аз сёлешиб, кёб тынгылар.
- Айтхан сёзюне табылгъан.
- Ач келгенни – тойдур, кеч келгенни – къондур.
- Экеулен сёлеше тура эселе, орталарына барыб кирме.
- Ат да турмайды бир териде.
- Бети къызарыучу адамны, джюреги харам болмаз.
- Чёбню кёлтюрсенг, тюбюнден сёз чыгъар.
- Магъанасыз сёз – тауушсуз сыбызгъы.
- Къолунгдан къуймакъ ашатсанг да, атаны борчундан къутулмазса.
- Джуртун къоругъан озар.
- Айтхан – тынч, этген – къыйын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72