- Адам боллукъ, атламындан белгили болур.
- Къарнынг къанлынга кийирир.
- Ойнай билмеген, уруб къачар.
- Эм уллу байлыкъ – джан саулукъ.
- Иги адамны бир сёзю эки болмаз.
- Къыз чыгъаргъан – къызыл къымжа.
- Чомарт къолда мал къалмаз.
- Артына баргъанны, къатына барма.
- Ёлюр джаннга, ёкюл джокъ.
- Акъыллы башны – тили къысха.
- Байлыкъ болгъан джерде, тынчлыкъ джокъду.
- Рысхы – сют юсюнде кёмюк кибикди.
- Джаш къарыу бла кючлю, къарт акъыл бла кючлю.
- Къатын байлыкъны сюер, эр саулукъну сюер.
- Джырчы ёлсе, джыры къалыр.
- Нёгерсизни джолу узун.
- Орундукъ тюбюнде атылсам да, орта джиликме, де да айлан.
- Къатыны харакетли болса, эри къымсыз болур.
- Ат да турмайды бир териде.
- Битмегеннге сакъал – танг.
- Адамны сабийин сюйген джюреги, бычакъча, джитиди.
- Кёз – сюйген джерде, къол – ауругъан джерде.
- Аман адам элни бир-бирине джау этер.
- Ачылгъан эт джабылыр, кёрген кёз унутмаз.
- Башы джабылгъан челекге, кир тюшмез.
- Агъач – джерни чырайы, кийим – эрни чырайы.
- Окъугъанны бети джарыкъ.
- Тыш элде солтан болгъандан эсе, кесинги элде олтан болгъан игиди!
- Джол бла сёзню къыйыры джокъ.
- Окъуусуз билим – джокъ, билимсиз кюнюнг – джокъ.
- Эл бла кёргенинг эрелей.
- Тил бла келеди джыр да.
- Аш кетер да бет къалыр.
- Аманны къуугъан, аманлыкъ табар.
- Эринчекге кюн узун.
- Эки элинги тыйсанг, джети элде махталырса.
- Къолу уллу – асыу, аягъы уллу – джарсыу.
- Къарт бла баш аша, джаш бла аякъ аша.
- Чомартны къолу берекет.
- Юре билмеген ит, къонакъ келтирир.
- «Ма», - дегенни билмесенг, «бер», - дегенни билмезсе.
- Къумурсхала джыйылсала, пилни да джыгъадыла.
- Акъыллы айтыр эди, акъылсыз къоймайды.
- Кирсизни – саны таза, халалны – къаны таза.
- Ишлегенде эринме, ишде чолакъ кёрюнме.
- Кёл – къызбай, къол – батыр.
- Тай асырагъан, атха минер.
- Акъыл аздырмаз, билим тоздурмаз.
- Айран тёгюлсе, джугъусу къалыр.
- Тойчу джашха къарама, къойчу джашха къара.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72