- Къоркъакъны кёзю экили кёрюр.
- Таякъ этден ётер, тил сюекден ётер.
- Ашхы болсанг, атынг чыгъар, аман болсанг, джанынг чыгъар.
- Баланы адам этген анады.
- Бек ашыкъгъан меннге джетсин, дегенди аракъы.
- Кёкдеги болмаса, джердегин кёрмейди.
- Бир абыннган – минг сюрюнюр.
- Ариу сёз аурууунгу алыр.
- Билеги кючлю, бирни джыгъар, билими кючлю, мингни джыгъар.
- Аманны къуугъан, аманлыкъ табар.
- Джюз элде джюз ёгюзюм болгъандан эсе, джюз джууугъум болсун.
- Къыз тиширыу кеси юйюнде да къонакъды.
- Тас болгъан бычакъны сабы – алтын.
- Ариу сёзде ауруу джокъ.
- Ариу сёз – джаннга азыкъ, аман сёз – башха къазыкъ.
- Айтхан – тынч, этген – къыйын.
- Ашын ашагъанынгы, башын да сыйла.
- Аман къатын сабий табса, бий болур…
- Илму – джашауну джолу.
- Терслик кетер, тюзлюк джетер.
- Минг тенг да азды, бир джау да кёбдю.
- Иесиз малны бёрю ашар.
- Уруну арты – къуру.
- Джашлыкъ этмеген, башлыкъ этмез.
- Эркиши – от, тиширыу – суу.
- Байма, деб да, къууанма, джарлыма, деб да, джылама.
- Итли къонакъ джарашмаз.
- Ишни аллы бла къууанма да, арты бла къууан.
- Къобан да къуру да къобханлай турмайды, адам да къуру да патчахлай турмайды.
- Ашхылыкъ джерде джатмайды, аманлыкъ суугъа батмайды.
- Тилчи бир сагъатха айлыкъ хата этер.
- Игини сыйлагъан адетди.
- Джырына кёре эжиую.
- Къозулугъунда тоймагъан, къойлугъунда тоймаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Эл бла кёргенинг эрелей.
- Ариу – кёзге, акъыл – джюрекге.
- Билим къая тешер.
- Шекер бла туз – бир болмаз, ушамагъан – юй болмаз.
- Мал ёлсе, сюек къалыр, адам ёлсе, иши къалыр.
- Тюз сёз баргъан сууну тыяр.
- Башынга джетмегенни сорма.
- Эки итни арасына сюек атма, эки адамны арасында сёз чыгъарма.
- Игилик игилик бла сингдирилиучю затды.
- Алим болгъандан эсе, адам болгъан къыйынды.
- Ач бёрюге мекям джокъ.
- Аллахха ийнаннган кишини, Аллах онгдурур ишин.
- От кюйдюрген, сау болса да, тот кюйдюрген, сау болмаз.
- Харам къарнашдан, халал тенг ашхы.
- Нарт сёз – тилни бети.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72