Эльбрусоид :: Форум :: Архив форумов

Азыгъы аз, алгъа къабар, аты аман, алгъа чабар.
Адамны адамлыгъы къыйынлыкъда айгъакъланады.
Мал тутхан – май джалар.
Ата джурт – алтын бешик.
Къарт бла баш аша, джаш бла аякъ аша.
Къарын къуру болса, джюрек уру болур.
Узун джолну барсанг, бюгюн келирсе, къысха джолну барсанг, тамбла келирсе.
Аман адам этегингден тутса, кес да къач.
Ойнай билмеген, оюн бузар.
Накъырда – кертини келечиси.
Ачылгъан эт джабылыр, кёрген кёз унутмаз.
Баш болса, бёрк табылыр.
Накъырданы арты керти болур.
Душманны тышы – акъ, ичи – къара.
Аман къатын сабий табса, бий болур…
Малны кют, джерни тюрт.
Ойнаб айтсанг да, эслеб айт.
Айраннга суу къош, телиге джол бош.
Рысхы – сют юсюнде кёмюк кибикди.
Ёпкелегенни ашы татлы болады.
Ачлыкъ отха секиртир.
Кёлсюзден сёзсюз тууар.
Акъыллы эркиши атын махтар, акъылсыз эркиши къатынын махтар.
Тулпарлыкъ, билекден тюл – джюрекден.
Чыкълы кюнде чыкъмагъан, чыкъса къуру кирмеген.
Тас болгъан бычакъны сабы – алтын.
Ёлмесенг да, къарт дамы болмазса?
Адеби болмагъан къыз – тузсуз хант.
Чыбыкълыкъда бюгюлмеген, къазыкълыкъда бюгюлмей эди.
Адам бла мюлк юлешмеген эсенг, ол адамны билиб бошагъанма, деб кесинги алдама.
Эки итни арасына сюек атма, эки адамны арасында сёз чыгъарма.
Эл элде бирер малынг болгъандан эсе, бирер тенгинг болсун.
Адамны сабийин сюйген джюреги, бычакъча, джитиди.
Кёбге таш атма.
Акъылсызны джууукъгъа алма, акъыллыны кенгнге салма.
Бети къызарыучу адамны, джюреги харам болмаз.
Джангыз терек къынгыр ёсер.
Намыс болмагъан джерде, насыб болмаз.
Таукел адам тау тешер.
Юй кюйдю да, кюйюз чыкъды, ортасындан тюйюш чыкъды.
Кёбден умут этиб, аздан къуру къалма.
Сормай – алма, чакъырылмай – барма.
Уллу къазанда бишген эт, чий къалмаз.
Ана – юйню кюн джарыгъы.
Тешигини къатында, чычхан да батыр болур.
Таукел къуру къалмаз.
Къолу уллу – асыу, аягъы уллу – джарсыу.
Шайтан алдады, тюзлюк къаргъады.
Эллинг бла джау болсанг да, юйюнг бла джау болма.
Джылыгъа джылан илешир.

Логин:
Пароль:
	Запомнить меня на этом компьютере

Забыли свой пароль?
Регистрация