Эльбрусоид :: Форум :: Архив форумов

Ишленмеген джаш – джюгенсиз ат, ишленмеген къыз – тузсуз хант.
Джыгъылгъанны сырты джерден тоймаз.
Ачлыкъда тары гырджын халыуадан татлы.
Айныгъанлы алты кюн, тогъайгъанлы тогъуз кюн.
Садакъачыны джаны – къапчыгъында.
Сёлеш деб шай берген, тохта деб, сом берген.
Кийимни бир кюнню аясанг, минг кюннге джарар.
Джангызны оту джарыкъ джанмаз!
Аджашханны ызындагъы кёреди, джангылгъанны джанындагъы биледи.
Тенгинг джокъ эсе – изле, бар эсе – сакъла!
Къулакъдан эсе, кёзге ышан.
Ёксюзню тилеги къабыл болур.
Башынга джетмегенни сорма.
Уруну арты – къуру.
Тил бла келеди джыр да.
Байлыкъ келсе, акъыл кетер.
Тёрени джагъы джокъ.
Айраннга суу къош, телиге джол бош.
Тёзгеннге, джабылгъан эшик ачылыр.
Келгинчи, къонакъ уялыр, келгенден сора, къонакъбай уялыр.
Экеу тутушса, биреу джыгъылыр.
Хунаны тюбюн къазсанг, юсюнге ауар.
Ишин билген, аны сыйын чыгъарады.
Тешик этген тынчды, аны джамагъан къыйынды.
Къазанны башы ачыкъ болса, итге уят керекди.
Къанны къан бла джуума, аманны аман бла къуума.
Иши джокъну, сыйы джокъ.
Эки къатын алгъанны къулагъы тынгнгаймаз.
Тилсиз миллет джокъ болур.
Юй ишлеген балта эшикде къалыр.
Башы ишлегенни, ауузу да ишлер.
Адам сёзге тынгыла, акъыл сёзню ангыла.
Джылар джаш, атасыны сакъалы бла ойнар.
Ханы къызы буюгъа-буюгъа киштик болду.
Нарт сёз къарт болмаз.
Адамгъа аман кюн соруб келмейди.
Сагъыш – къартлыкъгъа сюйюмчю.
Аманнга алтын чыдамаз.
Байлыкъ адамны сокъур этер.
«Ёгюз, джаргъа джууукъ барма, меннге джюк боллукъса», - дегенди эшек.
Рысхы – насыбха къор.
Ишге юренсин къоллары, халкъ бла болсун джоллары.
Айтылгъан буйрукъ, сёгюлмез
Тойгъандан сора, ашны сёкме.
Къарнынг ауруса, ауузунгу тый
Чыкълы кюнде чыкъмагъан, чыкъса къуру кирмеген.
Ачылгъан эт джабылыр, кёрген кёз унутмаз.
Ишлегенде эринме, ишде чолакъ кёрюнме.
Кёлсюзден сёзсюз тууар.
Кёб къычыргъандан – къоркъма, тынч олтургъандан – къоркъ.

Логин:
Пароль:
	Запомнить меня на этом компьютере

Забыли свой пароль?
Регистрация