Эльбрусоид :: Форум :: Архив форумов

Берекет берсин деген джерде, берекет болур.
Ачлыкъ отха секиртир.
Азыкълы ат арымаз, къатыны аман джарымаз.
Намысы болмагъанны, сыйы болмаз.
Акъыл къартда, джашда тюйюлдю – башдады.
Башы ишлегенни, ауузу да ишлер.
Ушамагъан – джукъмаз.
Кёб джашагъан – кёб билир.
Къыз тиширыу кеси юйюнде да къонакъды.
Ёлген аслан – сау чычхан.
Аман къатын алгъан, арыр, иги къатын алгъан джарыр.
Хаухну атма, ёнгкючню сатма.
Ашхылыкъ джерде джатмайды, аманлыкъ суугъа батмайды.
Аман киши кеси юйюнде – къонакъ.
Баланы адам этген анады.
Аман къатын сабий табса, бий болур…
Аман адамны тепсинге олтуртсанг, къызынгы тилер.
Чабакъгъа акъыл, табагъа тюшсе келеди.
Терслик кетер, тюзлюк джетер.
Окъугъан – асыу, окъумагъан – джарсыу.
Игиге айтсанг – билир, аманнга айтсанг – кюлюр.
Зарда марда джокъ.
Айтханы чапыракъдан ётмеген.
Аман адам этегингден тутса, кес да къач.
Иги сеники эсе да, сюйген кесимикин этеме.
Тил бла келеди джыр да.
Бет бетге къараса, бет да джерге къарар.
Байлыкъ тауусулур, билим тауусулмаз.
Эринчекни аурууу – кёб.
Джюз элде джюз ёгюзюм болгъандан эсе, джюз джууугъум болсун.
Тойгъан джерден туугъан джер игиди.
Иги сёз – джаннга азыкъ, аман сёз башха – къазыкъ.
Бермеген къол, алмайды.
Аманны къуугъан, аманлыкъ табар.
Джиби бир къат джетмей эди да, эки къат тарта эди.
Бети къызарыучу адамны, джюреги харам болмаз.
Игилик игилик бла сингдирилиучю затды.
Къонакъ кёб келюучю юйню, къазаны отдан тюшмез.
Сабийни джумушха джибер да, ызындан бар.
Керилген да, ургъан кибикди.
Джолунга кёре – джюрюшюнг, джагъанга кёре – юлюшюнг.
Таукел къуру къалмаз.
Къызны минг тилер, бир алыр.
Дуния малгъа сатылма, кесингден телиге къатылма.
Ёлюк кебинсиз къалмаз.
Кёкдеги болмаса, джердегин кёрмейди.
Сакъалы текени да бар, мыйыгъы киштикни да бар.
Аман хансны – урлугъу кёб.
Байдан умут эте, джарлыдан ёгюз багъасы къорады.
Иги джашны ышаны – аз сёлешиб, кёб тынгылар.

Логин:
Пароль:
	Запомнить меня на этом компьютере

Забыли свой пароль?
Регистрация