- Ишни ахырын ойламай, аллын башлама.
- Тау башында, тау болмаз, джангыз терек, бау болмаз.
- Къонакъны къачан кетерин сорма, къачан келлигин сор.
- Таш ата билмеген, башына урур.
- Джогъун бар этген, барын бал этген.
- Аууз сакълагъан – джан сакълар.
- Кёзю сокъурдан – къоркъма, кёлю сокъурдан – къоркъ.
- Эр абынмай, эл танымаз.
- Уруну арты – къуру.
- Мал ёлсе, сюек къалыр, адам ёлсе, иши къалыр.
- Къайгъы тюбю – тенгиз.
- Ётюрюк хапар аякъ тюбю бла джюрюйдю.
- Халкъны юйю – туугъан джери.
- Аманны эки битли тону болур, бирин сеннге кийдирир, бирин кеси киер.
- Къайгъыны сюйген, къайгъы табар.
- Арыгъан къош чамчы болур.
- Аман къатын сабий табса, бий болур…
- Агъач халкъгъа алтынды, иссиликге салкъынды.
- Окъуу – билимни ачхычы, окъуу – дунияны бачхычы.
- Ачлыкъда тары гырджын халыуадан татлы.
- Адамны джюреги нени кёрюрге сюйсе, кёзю да аны кёрюрге ёч болады.
- Акъыл къартда, джашда тюйюлдю – башдады.
- Бичгенде ашыкъма, тикгенде ашыкъ.
- Этек чакъмакълары баш джаргъан, сёлешген сёзлери таш джаргъан.
- Ашхы болсанг, атынг чыгъар, аман болсанг, джанынг чыгъар.
- Дуния аламаты сен эсенг да, игиме деб айтма.
- Ишни аллы бла къууанма да, арты бла къууан.
- Аджалсыз ёлюм болмаз.
- Байлыкъдан саулукъ ашхыды.
- Бал чибинни ургъаны – ачы, балы – татлы.
- Джол бла сёзню къыйыры джокъ.
- Ач уят къоймаз.
- Тура эдим джата, къайдан чыкъды хата?
- Къарнынг къанлынга кийирир.
- Келлик заман – къартлыкъ келтирир, кетген заман – джашлыкъ ёлтюрюр.
- Дуния мал дунияда къалады.
- Тыш элде солтан болгъандан эсе, кесинги элде олтан болгъан игиди!
- Ата джурт – алтын бешик.
- Аллахдан тилесенг, кёб тиле.
- Джаным-тиним – окъуу, билим.
- Айырылгъанланы айю ашар, бёлюннгенлени бёрю ашар.
- Мал тутхан – май джалар.
- Тамырсыз терекге таянма – джыгъылырса.
- Сангырау къулакъ эл бузар.
- Биреуге аманлыкъ этиб, кесинге игилик табмазса.
- Рысхы – насыбха къор.
- Киштикге къанат битсе, чыпчыкъ къалмаз эди.
- Билим – акъылны чырагъы.
- Къарт болгъан джерде, берекет болур, сабий болгъан джерде, оюн болур.
- Байлыкъ келсе, акъыл кетер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72