- Адеб этмеген, адеб кёрмез.
- Къууут – джелге, берне – бошха.
- Тас болгъан бычакъны сабы – алтын.
- Билимден уллу байлыкъ джокъду.
- Джарлы эскисин джамаса, къууаныр.
- Байны оноуу, джарлыгъа джарамаз.
- Къарт айтханны этмеген, къартаймаз.
- Гугурук къычырмаса да, тангны атары къалмаз.
- Айыбны суу бла джууалмазса.
- Бермеген къол, алмайды.
- Къарнынг ауруса, ауузунгу тый
- Эркиши – от, тиширыу – суу.
- Кёбден умут этиб, аздан къуру къалма.
- Аман адам элни бир-бирине джау этер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Айран тёгюлсе, джугъусу къалыр.
- Байлыкъдан саулукъ ашхыды.
- Акъыллы эркиши атын махтар, акъылсыз эркиши къатынын махтар.
- Мал тутхан – май джалар.
- Адеби болмагъан къыз – тузсуз хант.
- Намыс сатылыб алынмайды.
- Тойгъан джерден туугъан джер игиди.
- Ойнай билмеген, уруб къачар.
- Терек ауса, отунчу – кёб.
- Тил джюрекге джол ишлейди.
- Къуру гыбыт бек дыгъырдар.
- Битмегеннге сакъал – танг.
- Сютню башын джалагъан къутулур, тюбюн ичген тутулур.
- Махтаннган къыз, тойда джукълар.
- Ашхы болсанг, атынг чыгъар, аман болсанг, джанынг чыгъар.
- Джаным-тиним – окъуу, билим.
- Къонакъ аз олтурур, кёб сынар.
- Иги сеники эсе да, сюйген кесимикин этеме.
- Къартха ушагъан джаш – акъыллы, джашха ушагъан къарт – тели.
- Джарлыны тону джаз битер.
- Ауузу бла къуш тута айланады.
- Къулакъдан эсе, кёзге ышан.
- Соргъан айыб тюлдю, билмеген айыбды.
- Суу кетер, таш къалыр.
- Ишлегенде эринме, ишде чолакъ кёрюнме.
- Аллахдан тилесенг, кёб тиле.
- Кёлю джокъну – джолу джокъ.
- Аман киши кеси юйюнде – къонакъ.
- Адам къыйынлыгъын кёлтюрюр, зауукълугъун кёлтюрмез.
- Аш кетер да бет къалыр.
- Ач бёрюге мекям джокъ.
- Ариу джол аджал келтирмез.
- Рысхы – сют юсюнде кёмюк кибикди.
- Джаханимни кёрмей, джандетге кёл салмазса.
- Къарт бла баш аша, джаш бла аякъ аша.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72