- Элде адам къалмаса, ит тахтагъа минер.
- Ичимден чыкъды хата, къайры барайым сата?
- Адам сёзюнден белгили.
- Хазыр ашха – терен къашыкъ.
- Чакъырылмагъан къонакъ – орунсуз.
- Джылыгъа джылан илешир.
- Адамны артындан къара сабан сюрме.
- Биреуню эскиси биреуге джангы болмайды.
- Ачыкъ джюрекге джол – ачыкъ.
- Окъумагъан сокъурду, сокъур ташха абыныр!
- Ата Джуртча джер болмаз, туугъан элча эл болмаз.
- Тёгюлген тюгел джыйылмайды.
- Байлыкъ келсе, акъыл кетер.
- Окъуу – билимни ачхычы, окъуу – дунияны бачхычы.
- Ашыкъгъанны этеги бутуна чырмалыр.
- Къайгъы тюбю – тенгиз.
- Атлыны кёрсе, джаяуну буту талыр.
- Аманны эки битли тону болур, бирин сеннге кийдирир, бирин кеси киер.
- Уллу айтханны этмеген – уллаймаз.
- Къралынгы – душмандан, башынгы от бла суудан сакъла.
- Борчунг бар эсе, хурджунунга ойлаб узал.
- Элге къуллукъ этмеген, элге ие болмаз.
- Бек ашыкъгъан меннге джетсин, дегенди аракъы.
- Къонакъ болсанг, ийнакъ бол.
- Берекет берсин деген джерде, берекет болур.
- Аджашханны ызындагъы кёреди, джангылгъанны джанындагъы биледи.
- Адамны джюреги нени кёрюрге сюйсе, кёзю да аны кёрюрге ёч болады.
- Джырчы ёлсе, джыры къалыр.
- Къууут – джелге, берне – бошха.
- Аман адам этегингден тутса, кес да къач.
- Бек анасы джыламаз.
- Къатын къылыкъсыз, эр тынчлыкъсыз.
- Рысхы – насыбха къор.
- Билим къая тешер.
- Азыкълы ат арымаз, къатыны аман джарымаз.
- Ишни аллы бла къууанма да, арты бла къууан.
- Окъуусуз билим – джокъ, билимсиз кюнюнг – джокъ.
- Орундукъ тюбюнде атылсам да, орта джиликме, де да айлан.
- Акъыллы эркиши атын махтар, акъылсыз эркиши къатынын махтар.
- Ёмюрлюк шохлукъну джел элтмез.
- Бети бедерден, намыс сакълама.
- Адам туугъан джеринде, ит тойгъан джеринде.
- Эл элде бирер малынг болгъандан эсе, бирер тенгинг болсун.
- Намыс болмагъан джерде, насыб болмаз.
- Айырылгъанланы айю ашар, бёлюннгенлени бёрю ашар.
- Тамбла алтындан бюгюн багъыр ашхы.
- Джаш къарыу бла кючлю, къарт акъыл бла кючлю.
- Ёнгкюч къууана барыр, джылай келир.
- Ойнаб айтсанг да, эслеб айт.
- Башынга джетмегенни сорма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72