- Айраннга суу къош, телиге джол бош.
- Сакъалы текени да бар, мыйыгъы киштикни да бар.
- Аманны эки битли тону болур, бирин сеннге кийдирир, бирин кеси киер.
- Ата – баланы уясы.
- Туз, гырджын аша, тюзлюк бла джаша.
- Ата Джуртча джер болмаз, туугъан элча эл болмаз.
- Джыгъылгъанны сырты джерден тоймаз.
- Кюлме джашха – келир башха.
- Уллу къашыкъ эрин джыртар.
- Битмегеннге сакъал – танг.
- Сакъ юйюне сау барыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Гугук кесини атын айтыб къычыргъанча, мен, мен деб нек тураса?
- Эр сокъур болсун, къатын тилсиз болсун.
- Бозаны арты дауур болур.
- Къарнынг ауруса, ауузунгу тый
- Мухардан ач ычхынмаз.
- Керилген да, ургъан кибикди.
- Къарт айтханны этмеген, къартаймаз.
- Садакъачыны джаны – къапчыгъында.
- Кёбден умут этиб, аздан къуру къалма.
- Кийимни бир кюнню аясанг, минг кюннге джарар.
- Терслик кетер, тюзлюк джетер.
- Ёлюр джаннга, ёкюл джокъ.
- Тил – кесген бычакъ, сёз – атылгъан окъ.
- Кёбге таш атма.
- Илму – джашауну джолу.
- Ётюрюкден тюбю джокъ, кёлтюрюрге джиби джокъ.
- Ашыкъгъанны этеги бутуна чырмалыр.
- Окъуусуз билим – джокъ, билимсиз кюнюнг – джокъ.
- Къозулугъунда тоймагъан, къойлугъунда тоймаз.
- Сагъышы джокъ – джукъучу, акъылы джокъ – къаугъачы.
- Дууулдаса – бал чибин, къонса – къара чибин.
- Байлыкъ тауусулур, билим тауусулмаз.
- Къууут – джелге, берне – бошха.
- Ашарыкъда сайлагъаннга – чий гырджын.
- Кёбню кёрген – кёб билир.
- Намысы болмагъанны, сыйы болмаз.
- Кёб къычыргъандан – къоркъма, тынч олтургъандан – къоркъ.
- Къобан да къуру да къобханлай турмайды, адам да къуру да патчахлай турмайды.
- Билгенни къолу къарны джандырыр.
- Окъугъан – асыу, окъумагъан – джарсыу.
- Хазыр ашха – терен къашыкъ.
- Экеу тутушса, биреу джыгъылыр.
- Къолу уллу – асыу, аягъы уллу – джарсыу.
- Огъурлуну сёзю – суу, огъурсузну сёзю – уу.
- Бир абыннган – минг сюрюнюр.
- Адамгъа аман кюн соруб келмейди.
- Мени джылытмагъан кюн, меннге тиймесин!
- Къарт болгъан джерде, берекет болур, сабий болгъан джерде, оюн болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72