- Таула не мийик болсала да, аууш табылыр.
- Адебни адебсизден юрен.
- Душманны тышы – акъ, ичи – къара.
- Ёлмесенг да, къарт дамы болмазса?
- Джарлы джети элни сёзюн этер.
- Къаллай салам берсенг, аллай джууаб алырса.
- Къыйынлы джети элни къайгъысын этер.
- Атлыны ашхысы, ат тизгининден билинир
- Алим болгъандан эсе, адам болгъан къыйынды.
- Иги адамны бир сёзю эки болмаз.
- Оюмсуз атлагъан, аджалсыз ёлюр.
- Агъач халкъгъа алтынды, иссиликге салкъынды.
- Джети тилни билген джети кишиди.
- Акъыл къартда, джашда тюйюлдю – башдады.
- Чомартха хар кюн да байрамды.
- Кёзю сокъурдан – къоркъма, кёлю сокъурдан – къоркъ.
- Тулпарлыкъ, билекден тюл – джюрекден.
- Тамбла алтындан бюгюн багъыр ашхы.
- Бозанг болмагъан джерге, къалагъынгы сукъма.
- Аман киши кеси юйюнде – къонакъ.
- Адам сёзюнден белгили.
- Кёб джат да, бек чаб.
- Сакъалы текени да бар, мыйыгъы киштикни да бар.
- Битмегеннге сакъал – танг.
- Адам къыйынлыгъын кёлтюрюр, зауукълугъун кёлтюрмез.
- Экиндини кеч къылсанг, чабыб джетер ашхам.
- Джангыз терек къынгыр ёсер.
- Чыкълы кюнде чыкъмагъан, чыкъса къуру кирмеген.
- Телини эшигин, махтау джабар.
- Баш – акъыл ючюн, акъылман – халкъ ючюн.
- Къарт айтханны этмеген, къартаймаз.
- Къонакъны къачан кетерин сорма, къачан келлигин сор.
- Тёрени джагъы джокъ.
- Элни кючю – эмеген.
- Ариу сёз аурууунгу алыр.
- Эркишини аманы тиширыуну джылатыр.
- Къазанда болса, чолпугъа чыгъар.
- Бёрю да ач къалмасын, эчки да ашалмасын.
- Къарт болгъан джерде, берекет болур, сабий болгъан джерде, оюн болур.
- Айтылгъан сёз ызына къайтмаз.
- Айтхан сёзюне табылгъан.
- Сабийни джумушха джибер да, ызындан бар.
- Джахил болса анасы, не билликди баласы?
- Ауурну тюбю бла, дженгилни башы бла джюрюген.
- Аман адам элни бир-бирине джау этер.
- Чомартны къолун джокълукъ байлар.
- Акъыл сабырлыкъ берир.
- Ауузу бла къуш тута айланады.
- Орундукъ тюбюнде атылсам да, орта джиликме, де да айлан.
- Ач къалгъандан, кеч къалгъан къолай.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72