- Тёгюлген тюгел джыйылмайды.
- Къарт бла баш аша, джаш бла аякъ аша.
- Тилчиден кери бол.
- Башсыз урчукъ тюзюне айланмаз.
- Ат басханны джер билед.
- Мураты болгъанны джюрек тебюую башхады.
- Джети тилни билген джети кишиди.
- Къызны минг тилер, бир алыр.
- Тойну къарнашы – харс, джырны къарнашы – эжиу.
- Эринчекни аурууу – кёб.
- Айранын берсенг, челегин да къызгъанма.
- Ётюрюкню къуйругъу – бир тутум.
- Къонакъ болсанг, ийнакъ бол.
- Адамны джюреги нени кёрюрге сюйсе, кёзю да аны кёрюрге ёч болады.
- Иги – алгъыш этер, аман – къаргъыш этер.
- Булут кёкге джарашыу, уят бетге джарашыу.
- Тенги кёбню джау алмаз, акъылы кёбню дау алмаз.
- Къыйынлы джети элни къайгъысын этер.
- Айтханы чапыракъдан ётмеген.
- Эте билген, этген этеди, эте билмеген, юретген этеди!
- Сескекли кесин билдирир.
- Ауругъанны сау билмез, ач къарынны токъ билмез.
- Къартны сыйын кёрмеген, къартлыгъында сыйлы болмаз.
- Ариу сёз – къылычдан джити.
- Акъыл къартда, джашда тюйюлдю – башдады.
- Душманны тышы – акъ, ичи – къара.
- Сабыр джетер муратха, сабырсыз къалыр уятха.
- Джашлыкъ этмеген, башлыкъ этмез.
- Суу ичген шауданынга тюкюрме.
- Аякъларынгы джууургъанынга кёре узат.
- Мадар болса, къадар болур.
- Тау башында, тау болмаз, джангыз терек, бау болмаз.
- Сагъышы джокъ – джукъучу, акъылы джокъ – къаугъачы.
- Къатын байлыкъны сюер, эр саулукъну сюер.
- Элде адам къалмаса, ит тахтагъа минер.
- Хантына кёре тузу, юйюне кёре къызы.
- Къатын къылыкъсыз, эр тынчлыкъсыз.
- Бет бетге къараса, бет да джерге къарар.
- Тойгъан джерге джети къайт.
- Аман адам элни бир-бирине джау этер.
- Айтхан – тынч, этген – къыйын.
- Окъуу – билимни ачхычы, окъуу – дунияны бачхычы.
- Гырджын – тепсини тамадасы.
- Сабий кёргенин унутмаз.
- Кесине гебен этелмеген, биреуге черен эте эди.
- Хатерли къул болур.
- Ашатыргъа иш – ашхы, ишлетирге аш – ашхы.
- Башы джабылгъан челекге, кир тюшмез.
- Чакъырылмагъан къонакъ – орунсуз.
- Ашаса, ашамаса да, бёрюню ауузу – къан.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72