- Тюз сёз баргъан сууну тыяр.
- Гыдай эчки суугъа къараб, мюйюзле кёрмесе, джашма алкъын, дегенди.
- Къарыусузгъа кюлме, онгсузгъа тийме.
- Башсыз урчукъ тюзюне айланмаз.
- Ёлюк кебинсиз къалмаз.
- Джыгъылгъанны сырты джерден тоймаз.
- Уллу айтханны этмеген – уллаймаз.
- Мени джылытмагъан кюн, меннге тиймесин!
- Ышармагъан – кюлмез, кюлмеген – къууанчны билмез.
- Ауурну тюбю бла, дженгилни башы бла джюрюген.
- Окъуу – билимни ачхычы, окъуу – дунияны бачхычы.
- Айтылгъан буйрукъ, сёгюлмез
- Чыкълы кюнде чыкъмагъан, чыкъса къуру кирмеген.
- Борчунг бар эсе, хурджунунга ойлаб узал.
- Байма, деб да, къууанма, джарлыма, деб да, джылама.
- Аман адам этегингден тутса, кес да къач.
- Чалманны аллы къалай башланса, арты да алай барады.
- Аджалсыз ёлюм болмаз.
- Ханнга да келеди хариблик.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ойнай билмеген, оюн бузар.
- Ёлген аслан – сау чычхан.
- От этилмеген джерден тютюн чыкъмайды.
- Къарт айтханны этмеген, къартаймаз.
- Ёксюзню тилеги къабыл болур.
- Зар адам ашынгы ашар, кесинги сатар.
- Орундукъ тюбюнде атылсам да, орта джиликме, де да айлан.
- Джаханимни кёрмей, джандетге кёл салмазса.
- Къулакъдан эсе, кёзге ышан.
- Аллахдан тилесенг, кёб тиле.
- Джюрекге ариу – кёзге да ариу.
- Ёксюзню къалачы уллу кёрюнюр.
- Иги сеники эсе да, сюйген кесимикин этеме.
- Тилчи тилден къаныкъмаз.
- Юйюнг бла джау болгъандан эсе, элинг бла джау бол.
- Башда акъыл болмаса, эки аякъгъа кюч джетер.
- Кенгеш болса, уруш болмаз.
- Къолу уллу – асыу, аягъы уллу – джарсыу.
- Адебсиз адам – джюгенсиз ат.
- Адам туугъан джеринде, ит тойгъан джеринде.
- Тели турса – той бузар.
- Ёлген ийнек сютлю болур.
- Элге къуллукъ этмеген, элге ие болмаз.
- Джол бла сёзню къыйыры джокъ.
- Айтылгъан сёз ызына къайтмаз.
- Адамны сыфатына къарама, сёзюне къара.
- Билимли ёлмез, билимсиз кёрмез.
- Битмегеннге сакъал – танг.
- Джукъу тёшек сайламайды.
- Сабий болмагъан джерде, мёлек болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72