Эльбрусоид :: Форум :: Архив форумов

Экеу тутушса, биреу джыгъылыр.
Тилчи тилден къаныкъмаз.
Бал ашаргъа сюе эсенг, чибин ургъаннга тёз.
Окъдан джара эртде-кеч болса да бителир, сёз джара, ёмюрге къалыр.
Таукел къуру къалмаз.
Айранны сюйген, ийнек тутар.
Ёлюк кебинсиз къалмаз.
Аман киши кеси юйюнде – къонакъ.
Къазанны башы ачыкъ болса, итге уят керекди.
Керилген да, ургъан кибикди.
Акъыллы башны – тили къысха.
Джаш къарыу бла кючлю, къарт акъыл бла кючлю.
Адеби болмагъан къыз – тузсуз хант.
Гугук кесини атын айтыб къычыргъанча, мен, мен деб нек тураса?
Хата – гитчеден.
Уллу сёзде уят джокъ.
Алтыннга тот къонмаз.
Тили узунну, намысы – къысха.
Ашыкъгъан cуу, тенгизге джетмез.
Билмегенинги, билгеннге сор.
Бети – къучакълар, джюреги – бычакълар.
Чомарт къолда мал къалмаз.
Къалгъан ишге къар джауар.
Къулакъдан эсе, кёзге ышан.
Тюзню ётмеги тюзде къалса да, тас болмаз.
Ётюрюкден тюбю джокъ, кёлтюрюрге джиби джокъ.
Байны къызы баймакъ болса да, юйде къалмаз!
Кёз – сюйген джерде, къол – ауругъан джерде.
Ач бёрюге мекям джокъ.
Чомартны къолун джокълукъ байлар.
Кюн кёрмеген, кюн кёрсе, кюндюз чыракъ джандырыр.
Кёб къычыргъандан – къоркъма, тынч олтургъандан – къоркъ.
Джюрекден джюрекге джол барды.
Тенгни тенглиги джашай барсанг билинир.
Башы ишлегенни, ауузу да ишлер.
Кёзню ачылгъаны – иги, ауузну джабылгъаны – иги.
Чакъырылмагъан къонакъ – орунсуз.
Иги – алгъыш этер, аман – къаргъыш этер.
Адамны артындан къара сабан сюрме.
Ариу сёз – джаннга азыкъ, аман сёз – башха къазыкъ.
Эм ашхы къайын ана мамукъ бла башынгы тешер.
Суугъа – чабакъ, къаягъа – ыргъакъ.
Кийимни бичсенг, кенг бич, тар этген къыйын тюлдю.
Аш кетер да бет къалыр.
Иги болса, тамадама – махтау, аман болса, меннге – айыб.
Бал чибинни ургъаны – ачы, балы – татлы.
Къарнынг къанлынга кийирир.
Суу ичген шауданынга тюкюрме.
Билимли ёлмез, билимсиз кёрмез.
Адам къыйынлыгъын кёлтюрюр, зауукълугъун кёлтюрмез.

Логин:
Пароль:
	Запомнить меня на этом компьютере

Забыли свой пароль?
Регистрация