- Къар – келтирди, суу – элтди.
- Шайтан алдады, тюзлюк къаргъады.
- От кюйдюрген, сау болса да, тот кюйдюрген, сау болмаз.
- Ана къойну – балагъа джандет.
- Къайтырыкъ эшигинги, къаты уруб чыкъма.
- Акъыл неден да кючлюдю.
- Бек анасы джыламаз.
- Эллинг бла джау болсанг да, юйюнг бла джау болма.
- Сабыр джетер муратха, сабырсыз къалыр уятха.
- Нёгер болсанг, тенг бол, тенг болмасанг, кенг бол.
- Ауузу аманнга «иги», деме.
- Къонакъ аман болса, къонакъбай джунчур
- Асхат ашлыкъ сата, юйдегиси ачдан къата.
- Ёлген эшек бёрюден къоркъмайды.
- Къарт бла баш аша, джаш бла аякъ аша.
- Ачлыкъда тары гырджын халыуадан татлы.
- Ашына кёре табагъы, балына кёре къалагъы.
- Джангыз торгъай джырламаз.
- Эрни эр этерик да, къара джер этерик да, тиширыуду.
- Гугук кесини атын айтыб къычыргъанча, мен, мен деб нек тураса?
- Эл ауузу – элия.
- Къууут – джелге, берне – бошха.
- Халкъны джырын джырласанг, халкъ санга эжиу этер.
- Мал тутхан – май джалар.
- Аджашханны ызындагъы кёреди, джангылгъанны джанындагъы биледи.
- Узун джолну барсанг, бюгюн келирсе, къысха джолну барсанг, тамбла келирсе.
- Джаным-тиним – окъуу, билим.
- Арпа, будай – ащды, алтын, кюмюш а – ташды.
- Джаш къарыу бла кючлю, къарт акъыл бла кючлю.
- «Ма», - дегенни билмесенг, «бер», - дегенни билмезсе.
- Кёзден кетген, кёлден да кетеди.
- Эшекни не къадар тюйсенг да, ат болмаз.
- Къалгъан ишге къар джауар.
- Ариу сёз – джаннга азыкъ, аман сёз – башха къазыкъ.
- Ёлген ийнек сютлю болур.
- Ёмюрлюк шохлукъну джел элтмез.
- Ойнай билмеген, оюн бузар.
- Ата Джуртча джер болмаз, туугъан элча эл болмаз.
- Джукъу тёшек сайламайды.
- Чомарт къолда мал къалмаз.
- Хансыз джомакъ болмаз.
- Бет бетге къараса, бет да джерге къарар.
- Окъуусуз билим – джокъ, билимсиз кюнюнг – джокъ.
- Кесинг сынамагъан затны, адамгъа буюрма.
- Джигер – джаннга къыйынлыкъ.
- Къонагъынгы артмагъын алма да, алгъышын ал.
- Намыс болмагъан джерде, насыб болмаз.
- Ишлегенде эринме, ишде чолакъ кёрюнме.
- Адамгъа аман кюн соруб келмейди.
- Билим ат болуб да чабар, къуш болуб да учар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72