- Эл тойса, тоймагъан, эл къойса, къоймагъан.
- Ургъан суудан башынгы сакъла.
- Арпа, будай – ащды, алтын, кюмюш а – ташды.
- Тюзлюк тас болмайды.
- Малны кют, джерни тюрт.
- Тай асырагъан, атха минер.
- От этилмеген джерден тютюн чыкъмайды.
- Башсыз урчукъ тюзюне айланмаз.
- Бичгенде ашыкъма, тикгенде ашыкъ.
- Тамырсыз терекге таянма – джыгъылырса.
- Айыбны суу бла джууалмазса.
- Биреуню тёрюнден, кесинги эшик артынг игиди.
- Чёбню кёлтюрсенг, тюбюнден сёз чыгъар.
- Агъач халкъгъа алтынды, иссиликге салкъынды.
- Джаханимни кёрмей, джандетге кёл салмазса.
- Чомартха Тейри да борчлуду.
- Адамны сыфатына къарама, сёзюне къара.
- Тёрени джагъы джокъ.
- Билимден уллу байлыкъ джокъду.
- Эри аманны, къатыны – аман.
- Арбаз сайлама да, хоншу сайла.
- Ишленмеген джаш – джюгенсиз ат, ишленмеген къыз – тузсуз хант.
- Адеб этмеген, адеб кёрмез.
- Ишлемеген – тишлемез.
- Чакъырылмагъан къонакъ – орунсуз.
- Къарын къуру болса, джюрек уру болур.
- Иги адам абынса да, джангылмаз.
- Гугурук къычырмаса да, тангны атары къалмаз.
- Шекер бла туз – бир болмаз, ушамагъан – юй болмаз.
- Ойнай-ойнай кёз чыгъар.
- Сёз сёзню айтдырыр.
- Байлыкъ тауусулур, билим тауусулмаз.
- Джаш болсун, къыз болсун, акъылы, саны тюз болсун.
- Ишленмеклик адамлыкъды.
- Уллу сёзде уят джокъ.
- Эшекге миннген – биринчи айыб, андан джыгъылгъан – экинчи айыб.
- Ёлюк кебинсиз къалмаз.
- Иги джашны ышаны – аз сёлешиб, кёб тынгылар.
- Кёлсюзден сёзсюз тууар.
- Уруну арты – къуру.
- Ана – юйню кюн джарыгъы.
- Чалманны аллы къалай башланса, арты да алай барады.
- Кёб къычыргъандан – къоркъма, тынч олтургъандан – къоркъ.
- Джумушакъ терекни къурт ашар.
- Ачыкъ джюрекге джол – ачыкъ.
- Къарт болгъан джерде, берекет болур, сабий болгъан джерде, оюн болур.
- Аманнга алтын чыдамаз.
- Джуртун къоругъан озар.
- Эринчекге кюн узун.
- Башы джабылгъан челекге, кир тюшмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72