- Танг атмайма десе да, кюн къоярыкъ тюйюлдю.
- Таула не мийик болсала да, аууш табылыр.
- Биреуню тёрюнден, кесинги эшик артынг игиди.
- Ёлюр джаннга, ёкюл джокъ.
- Къуру гыбыт бек дыгъырдар.
- Таукел тауну аудурур.
- Ёзденликни кёбю ётюрюк.
- Аджашханны ызындагъы кёреди, джангылгъанны джанындагъы биледи.
- Билмегенинги, билгеннге сор.
- Къонакъ хазыр болгъанлыкъгъа, къонакъбай хазыр тюлдю.
- Джарлы эскисин джамаса, къууаныр.
- Кёзден кетген, кёлден да кетеди.
- Аш берме да, къаш бер.
- Эки къатын алгъанны къулагъы тынгнгаймаз.
- Ишге юренсин къоллары, халкъ бла болсун джоллары.
- Адамгъа аман кюн соруб келмейди.
- Тёрени джагъы джокъ.
- Ичимден чыкъды хата, къайры барайым сата?
- Аман къатын алгъан, арыр, иги къатын алгъан джарыр.
- Зарда марда джокъ.
- Къонакъ аз олтурур, кёб сынар.
- Билмейме деген – бир сёз
- Гугук кесини атын айтыб къычыргъанча, мен, мен деб нек тураса?
- Билими азны – ауузунда кирит.
- Кёб ант этген, кёб ётюрюк айтыр.
- Урама да – ёледи, сатама да – келеди.
- Иши джокъну, сыйы джокъ.
- Джетген къыз джерли эшекни танымаз.
- Шапа кёб болса, аш татымсыз болур.
- Биреуню къыйынлыгъы бла кесинге джол ишлеме.
- Джылыгъа джылан илешир.
- Эркишини аманы тиширыуну джылатыр.
- Иги болса, тамадама – махтау, аман болса, меннге – айыб.
- Тик ёргени, тик энгишгеси да болады.
- Аман адам элни бир-бирине джау этер.
- Джаш болсун, къыз болсун, акъылы, саны тюз болсун.
- Джиби бир къат джетмей эди да, эки къат тарта эди.
- Адамны бетине къарама, адетине къара.
- Уясында не кёрсе, учханында аны этер.
- Келинни – келгинчи, бёркню кийгинчи кёр.
- Акъыл къартда, джашда тюйюлдю – башдады.
- Телиге от эт десенг, юйюнге от салыр.
- Чомарт джарлы болмаз.
- Ышармагъан – кюлмез, кюлмеген – къууанчны билмез.
- Гитче джилтин уллу элни джандырыр.
- Ат да турмайды бир териде.
- Джангыз торгъай джырламаз.
- Сескекли кесин билдирир.
- Эшекни не къадар тюйсенг да, ат болмаз.
- Адамны артындан къара сабан сюрме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72