- Уллу айтханны этмеген – уллаймаз.
- Тешик этген тынчды, аны джамагъан къыйынды.
- Кюлме джашха – келир башха.
- Тынгылагъан тынгы бузар.
- Баш – акъыл ючюн, акъылман – халкъ ючюн.
- Къонакъ аз олтурур, кёб сынар.
- Узун джолну барсанг, бюгюн келирсе, къысха джолну барсанг, тамбла келирсе.
- Байлыкъ адамны сокъур этер.
- Иги сёз – джаннга азыкъ, аман сёз башха – къазыкъ.
- Мал ёлсе, сюек къалыр, адам ёлсе, иши къалыр.
- Намыс сатылыб алынмайды.
- Ётюрюкчюню шагъаты – къатында.
- Джангыз торгъай джырламаз.
- Ауузу бла къуш тута айланады.
- Накъырданы арты керти болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Тилсиз миллет джокъ болур.
- Тёзгеннге, джабылгъан эшик ачылыр.
- Джукъу тёшек сайламайды.
- Артына баргъанны, къатына барма.
- Аш хазыр болса, иш харам болур.
- Биреуню къыйынлыгъы бла кесинге джол ишлеме.
- Джиби бир къат джетмей эди да, эки къат тарта эди.
- Олтуруб кёрюнмей эди да, ёрге туруб кёрюне эди.
- Ёмюрлюк шохлукъну джел элтмез.
- Экеулен сёлеше тура эселе, орталарына барыб кирме.
- Адам къыйынлыгъын кёлтюрюр, зауукълугъун кёлтюрмез.
- Орну джокъну – сыйы джокъ.
- Ач да бол, токъ да бол – намысынга бек бол.
- Келгинчи, къонакъ уялыр, келгенден сора, къонакъбай уялыр.
- Тас болгъан бычакъны сабы – алтын.
- Тенги кёбню джау алмаз, акъылы кёбню дау алмаз.
- Душманны тышы – акъ, ичи – къара.
- Сютден ауузу кюйген, суугъа юфгюре эди.
- Ат да турмайды бир териде.
- Ёлюк кебинсиз къалмаз.
- Игиге айтсанг – билир, аманнга айтсанг – кюлюр.
- Къайгъы тюбю – тенгиз.
- Ата Джуртуму башы болмасам да, босагъасында ташы болайым.
- Билим – акъылны чырагъы.
- Джюрекден джюрекге джол барды.
- Таш бла ургъанны, аш бла ур.
- Эринчекге кюн узун.
- Биреуге кёлтюрген таягъынг, кесинги башынга урур.
- Эм уллу байлыкъ – джан саулукъ.
- Къыйынлы джети элге оноу этер.
- Сёз къанатсыз учар.
- Къонакъ аман болса, къонакъбай джунчур
- Тил бла келеди джыр да.
- Аман адам этегингден тутса, кес да къач.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72