- Ата – баланы уясы.
- Ауузу аманнга «иги», деме.
- Тилде сюек болмаса да, сюек сындырыр.
- Адамны сабийин сюйген джюреги, бычакъча, джитиди.
- Къарт бла баш аша, джаш бла аякъ аша.
- Татлы тилде – сёз ариу, чемер къолда – иш ариу.
- Джангыз терек къынгыр ёсер.
- Баланы адам этген анады.
- Садакъачыны джаны – къапчыгъында.
- Уллу суу бла уллу ауруудан башынгы сакъла.
- Тынгылагъан тынгы бузар.
- Олтуруб кёрюнмей эди да, ёрге туруб кёрюне эди.
- Игиге айтсанг – билир, аманнга айтсанг – кюлюр.
- Къонакъ аман болса, къонакъбай джунчур
- Тиширыусуз юй – отсуз от джагъа.
- Кесине гебен этелмеген, биреуге черен эте эди.
- Мураты болгъанны джюрек тебюую башхады.
- Чабар ат – джетген къыз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чакъырылмагъан къонакъ тёрге атламаз.
- Юй ишлеген балта эшикде къалыр.
- Киштикге къанат битсе, чыпчыкъ къалмаз эди.
- Тамчы таш тешер.
- Тюзлюк шохлукъну бегитир.
- Ким бла джюрюсенг, аны кёзю бла кёрюнюрсе.
- Джангыз торгъай джырламаз.
- Къыйынлы джети элге оноу этер.
- Эки итни арасына сюек атма, эки адамны арасында сёз чыгъарма.
- Окъуу – билимни ачхычы, окъуу – дунияны бачхычы.
- Экиндини кеч къылсанг, чабыб джетер ашхам.
- Хантына кёре тузу, юйюне кёре къызы.
- Суу ичген шауданынга тюкюрме.
- Зар адам ашынгы ашар, кесинги сатар.
- Ата джурт – алтын бешик.
- Таякъ этден ётер, тил сюекден ётер.
- Джаш къарыу бла кючлю, къарт акъыл бла кючлю.
- Мени джылытмагъан кюн, меннге тиймесин!
- Уруну арты – къуру.
- Ёксюзню къалачы уллу кёрюнюр.
- Къонакъ хазыр болгъанлыкъгъа, къонакъбай хазыр тюлдю.
- Намысы джокъну – дуниясы джокъ.
- Чомартны къолу берекет.
- Ашаса, ашамаса да, бёрюню ауузу – къан.
- Ишлегенде эринме, ишде чолакъ кёрюнме.
- Къартны бурнун сюрт да, оноугъа тут.
- Къатын байлыкъны сюер, эр саулукъну сюер.
- Ёгюзню мюйюзлери ауурлукъ этмейдиле.
- Чарсда алчыны эл кёреди.
- Уясында не кёрсе, учханында аны этер.
- Уллу сёлешме да, уллу къаб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72