Эльбрусоид :: Форум :: Архив форумов

Билгенни къолу къарны джандырыр.
Къарны аманнга къазан такъдырма, къолу аманнга от джакъдырма.
Билеги кючлю, бирни джыгъар, билими кючлю, мингни джыгъар.
Акъыллы эркиши атын махтар, акъылсыз эркиши къатынын махтар.
Аз айтсам, кёб ангылагъыз.
Джарлы тюеге минсе да, ит къабар.
Билим – акъылны чырагъы.
Адамны аты башхача, акъылы да башхады.
Хантына кёре тузу, юйюне кёре къызы.
Танг атмайма десе да, кюн къоярыкъ тюйюлдю.
Джумушакъ сёз къаты таякъны сындырыр.
Айыбны суу бла джууалмазса.
Кёбню кёрген – кёб билир.
Окъугъан – асыу, окъумагъан – джарсыу.
Иги бла джюрюсенг, джетерсе муратынга, аман бла джюрюсенг, къалырса уятха.
Биреуню тёрюнден, кесинги эшик артынг игиди.
Тил – кесген бычакъ, сёз – атылгъан окъ.
Къралынгы – душмандан, башынгы от бла суудан сакъла.
Къонакъ кёб келюучю юйню, къазаны отдан тюшмез.
Уруну арты – къуру.
Ана – юйню кюн джарыгъы.
Игиге айтсанг – билир, аманнга айтсанг – кюлюр.
Тулпарлыкъ, билекден тюл – джюрекден.
Тиширыусуз юй – отсуз от джагъа.
Ашлыкъ – бюртюкден, джюн – тюкден.
Билим ат болуб да чабар, къуш болуб да учар.
Аманны къуугъан, аманлыкъ табар.
Чабакъ башындан чирийди.
Адеб базарда сатылмаз.
Къарт айтханны этмеген, къартаймаз.
Ауузу бла къуш тута айланады.
Адамны сыфатына къарама, сёзюне къара.
Ойнай билмеген, уруб къачар.
Кёз – сюйген джерде, къол – ауругъан джерде.
Къызбайны юйюне дери сюрсенг, батыр болур.
Хансыз джомакъ болмаз.
Джерни букъусу кёкге къонмаз.
Башда акъыл болмаса, эки аякъгъа кюч джетер.
Ач къалгъандан, кеч къалгъан къолай.
Чыбыкълыкъда бюгюлмеген, къазыкълыкъда бюгюлмей эди.
Хатерли къул болур.
Ушамагъан – джукъмаз.
Адамны сабийин сюйген джюреги, бычакъча, джитиди.
Адеб джокъда, намыс джокъ.
Ата джурт – алтын бешик.
Таш ата билмеген, башына урур.
Джогъун бар этген, барын бал этген.
Баш болса, бёрк табылыр.
«Ма», - дегенни билмесенг, «бер», - дегенни билмезсе.
Сёлеш деб шай берген, тохта деб, сом берген.

Логин:
Пароль:
	Запомнить меня на этом компьютере

Забыли свой пароль?
Регистрация