Эльбрусоид :: Форум :: Архив форумов

Аман киши кеси юйюнде – къонакъ.
Термилгенинги табмазса, кюлгенинге тюберсе.
Рысхы джалгъанды: келген да этер, кетген да этер.
Аш кетер да бет къалыр.
Къартны сыйын кёрмеген, къартлыгъында сыйлы болмаз.
Окъугъан – асыу, окъумагъан – джарсыу.
Минг тенг да азды, бир джау да кёбдю.
Эркишини аманы тиширыуну джылатыр.
Тойгъан антын унутур.
Сормай – алма, чакъырылмай – барма.
Ашына кёре табагъы, балына кёре къалагъы.
Агъач – джерни чырайы, кийим – эрни чырайы.
Ашхы тенг джолгъа салыр, аман тенг джолдан тайдырыр.
Уруну арты – къуру.
Намыс болмагъан джерде, насыб болмаз.
Хар зат кесини орнуна иги.
Орундукъ тюбюнде атылсам да, орта джиликме, де да айлан.
Адам сёзге тынгыла, акъыл сёзню ангыла.
Тенгинг джокъ эсе – изле, бар эсе – сакъла!
Кёл – къызбай, къол – батыр.
Тойну къарнашы – харс, джырны къарнашы – эжиу.
Кюн – узун, ёмюр – къысха.
Тюзлюк тас болмайды.
Олтуруб кёрюнмей эди да, ёрге туруб кёрюне эди.
Къарт бла баш аша, джаш бла аякъ аша.
Джашны джигитлиги сорулур, къызны джигерлиги сорулур.
Эр сокъур болсун, къатын тилсиз болсун.
Байны къызы баймакъ болса да, юйде къалмаз!
Ёзденликни кёбю ётюрюк.
Ишленмеклик адамлыкъды.
Адебни адебсизден юрен.
Къарны аманнга къазан такъдырма, къолу аманнга от джакъдырма.
Акъылсызны джууукъгъа алма, акъыллыны кенгнге салма.
Ашхы адам – халкъ байлыгъы, ашхы джер – джашау байлыгъы.
Джаралыны джастыгъында сау ёлюр.
Къонакъ аз олтурур, кёб сынар.
Ата – билек, ана – джюрек!
Чакъырылмагъан къонакъ къачан кетерин сормаз.
Ашхы – джыяр, аман – джояр.
Эм уллу байлыкъ – джан саулукъ.
Мухарны эси – ашарыкъда.
Чомартны къолу берекет.
Чёбню кёлтюрсенг, тюбюнден сёз чыгъар.
Кёл ашады да, кеси ашады.
Къоркъакъны кёзю экили кёрюр.
Арба аугъандан сора, джол кёргюзтюучю кёб болур.
Тёрени джагъы джокъ.
Орну джокъну – сыйы джокъ.
Бозаны арты дауур болур.
Уллу сёлешме да, уллу къаб.

Логин:
Пароль:
	Запомнить меня на этом компьютере

Забыли свой пароль?
Регистрация