- Хар зат кесини орнуна иги.
- Айыбны суу бла джууалмазса.
- Ариу джол аджал келтирмез.
- Билген билмегенни юретген адетди.
- Ауурну тюбю бла, дженгилни башы бла джюрюген.
- Адамны джюреги нени кёрюрге сюйсе, кёзю да аны кёрюрге ёч болады.
- Магъанасыз сёз – тауушсуз сыбызгъы.
- Аманнга игилик этсенг, юйюнге сау бармазса.
- Малны кют, джерни тюрт.
- Билимсиз иш бармаз.
- Бал – татлы, балдан да бала – татлы.
- Гугурук къычырмаса да, тангны атары къалмаз.
- Чакъырылмагъан къонакъ къачан кетерин сормаз.
- Ишни ахырын ойламай, аллын башлама.
- Аджашхан тёгерек айланыр.
- Рысхы – сют юсюнде кёмюк кибикди.
- Аджалсыз ёлюм болмаз.
- Эрни эр этерик да, къара джер этерик да, тиширыуду.
- Джарашыу сюйген – джалынчакъ.
- Сабыр джетер муратха, сабырсыз къалыр уятха.
- Тамчы таш тешер.
- Кёбден умут этиб, аздан къуру къалма.
- Билим къая тешер.
- Къатын къылыкъсыз, эр тынчлыкъсыз.
- Билмейме деген – бир сёз
- Баш – акъыл ючюн, акъылман – халкъ ючюн.
- Сууда джау джокъ, кёб сёзде магъана джокъ.
- Кёзден кетген, кёлден да кетеди.
- Баланы адам этген анады.
- Тойну къарнашы – харс, джырны къарнашы – эжиу.
- Чакъырылгъанны аты, чакъырылмагъанны багъасы болур.
- Джигер – джаннга къыйынлыкъ.
- Билеги кючлю, бирни джыгъар, билими кючлю, мингни джыгъар.
- Орну джокъну – сыйы джокъ.
- Тили узунну, намысы – къысха.
- Намыс болмагъан джерде, насыб болмаз.
- Рысхысына кёре, джаш ёсер, къышлыгъына кёре, мал ёсер.
- Тойчу джашха къарама, къойчу джашха къара.
- Зарда марда джокъ.
- Аджашханны ызындагъы кёреди, джангылгъанны джанындагъы биледи.
- Окъумагъан сокъурду, сокъур ташха абыныр!
- Башда акъыл болмаса, эки аякъгъа кюч джетер.
- Къоркъакъны кёзю экили кёрюр.
- Адам къаллай бир ишленмесе, аллай бир кесин уллу кёреди.
- Байны оноуу, джарлыгъа джарамаз.
- Адам къыйынлыгъын кёлтюрюр, зауукълугъун кёлтюрмез.
- Акъыллы эркиши атын махтар, акъылсыз эркиши къатынын махтар.
- Къарны аманнга къазан такъдырма, къолу аманнга от джакъдырма.
- Къыз чыгъаргъан – къызыл къымжа.
- Бюгюн дуния кибик, тамбла ахыратды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72