- Башынга джетмегенни сорма.
- Джылкъыдан – ат чыгъар, тукъумдан – джаш чыгъар.
- Къошда джокъгъа – юлюш джокъ.
- Аджашханны ызындагъы кёреди, джангылгъанны джанындагъы биледи.
- Чёбню кёлтюрсенг, тюбюнден сёз чыгъар.
- Джаш къарыу бла кючлю, къарт акъыл бла кючлю.
- Тенгинг джокъ эсе – изле, бар эсе – сакъла!
- Бети бедерден, намыс сакълама.
- Кирсизни – саны таза, халалны – къаны таза.
- Хар зат кесини орнуна иги.
- Ана къолу ачытмаз.
- Джангыз терек къынгыр ёсер.
- Дуния мал дунияда къалады.
- Аууздан келген, къолдан келсе, ким да патчах болур эди.
- Окъ къызбайны джокълайды.
- Джолунга кёре – джюрюшюнг, джагъанга кёре – юлюшюнг.
- Сабыр джетер муратха, сабырсыз къалыр уятха.
- Ётюрюкню къуйругъу – бир тутум.
- Мадар болса, къадар болур.
- Эринчекге кюн узун.
- Адебни адебсизден юрен.
- Къартха ушагъан джаш – акъыллы, джашха ушагъан къарт – тели.
- Ёксюзню къалачы уллу кёрюнюр.
- Ачылгъан эт джабылыр, кёрген кёз унутмаз.
- Артына баргъанны, къатына барма.
- Акъыл бла адеб эгизледиле.
- Кёл ашады да, кеси ашады.
- Тас болгъан бычакъны сабы – алтын.
- Уллу атлама – абынырса, уллу къабма – къарылырса.
- Уллу суу бла уллу ауруудан башынгы сакъла.
- Оюмсуз атлагъан, аджалсыз ёлюр.
- Джиби бир къат джетмей эди да, эки къат тарта эди.
- Кечеси – аяз, кюню – къыш, джарлы къаргъагъа бир аш тюш!
- Аманны тукъумуна къарама, игини тукъумун сорма.
- Джеринден айырылгъан – джети джылар, джуртундан айырылгъан – ёлгюнчю джылар.
- Тыш элде солтан болгъандан эсе, кесинги элде олтан болгъан игиди!
- Ариу сёз аурууунгу алыр.
- Чакъырылмагъан къонакъ тёрге атламаз.
- Тёзгеннге, джабылгъан эшик ачылыр.
- Тенги кёбню джау алмаз, акъылы кёбню дау алмаз.
- Джырчы джырчыгъа – къарнаш.
- Таш бла ургъанны, аш бла ур.
- Кесине оноу эте билмеген, халкъына да эте билмез.
- Ёзденликни кёбю ётюрюк.
- Аш иеси бла татлыды.
- Дуния аламаты сен эсенг да, игиме деб айтма.
- Юйлю уругъа ит чабмаз.
- Чакъырылмагъан джерге барма, чакъырылгъан джерден къалма.
- Джюз элде джюз ёгюзюм болгъандан эсе, джюз джууугъум болсун.
- Туз, гырджын аша, тюзлюк бла джаша.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72