- Тил – миллетни джаны.
- Кёзю сокъурдан – къоркъма, кёлю сокъурдан – къоркъ.
- Ойнай-ойнай кёз чыгъар.
- Окъуу – билимни ачхычы, окъуу – дунияны бачхычы.
- Къонакъ кёб келюучю юйню, къазаны отдан тюшмез.
- Чомарт бергенин айтмаз.
- Телини эшигин, махтау джабар.
- Нёгерсизни джолу узун.
- Кесине оноу эте билмеген, халкъына да эте билмез.
- Тас болгъан бычакъны сабы – алтын.
- Билеги кючлю, бирни джыгъар, билими кючлю, мингни джыгъар.
- Ашхы адам – халкъ байлыгъы, ашхы джер – джашау байлыгъы.
- Окъугъан – асыу, окъумагъан – джарсыу.
- Эр абынмай, эл танымаз.
- Хата – гитчеден.
- Берекет берсин деген джерде, берекет болур.
- Окъугъан озар, окъумагъан тозар.
- Билимден уллу байлыкъ джокъду.
- Джырчы ёлсе, джыры къалыр.
- Аманнга алтын чыдамаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ёзденликни кёбю ётюрюк.
- Джахил болса анасы, не билликди баласы?
- Башы джабылгъан челекге, кир тюшмез.
- Сыфатында болмагъаны, суратында болмаз.
- Байны къызы баймакъ болса да, юйде къалмаз!
- Керилген да, ургъан кибикди.
- Ата Джуртуму башы болмасам да, босагъасында ташы болайым.
- Ариу сёз аурууунгу алыр.
- Ишленмеген джаш – джюгенсиз ат, ишленмеген къыз – тузсуз хант.
- Башынга джетмегенни сорма.
- Керти сёзге тёре джокъ.
- Акъылсызны джууукъгъа алма, акъыллыны кенгнге салма.
- Акъыллы эркиши атын махтар, акъылсыз эркиши къатынын махтар.
- Джырчы джырчыгъа – къарнаш.
- Аман хансны – урлугъу кёб.
- Ойнай билмеген, оюн бузар.
- Мал ёлсе, сюек къалыр, адам ёлсе, иши къалыр.
- Сабийликде юретмесенг, уллу болса – тюзелмез.
- Мал кёб болса, джууукъ кёб болур.
- Джарлыны тону джаз битер.
- Акъыл сабырлыкъ берир.
- Эм уллу байлыкъ – джан саулукъ.
- Суу кетер, таш къалыр.
- Эринчекни аурууу – кёб.
- Акъыллы башны – тили къысха.
- Аманнга игилик этсенг, юйюнге сау бармазса.
- Тай асырагъан, атха минер.
- Ариу – кёзге, акъыл – джюрекге.
- Окъугъанны бети джарыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72