- Эртде тургъан джылкъычыны эркек аты тай табар.
- Аджаллыгъа окъсуз шкок атылыр.
- Тойну къарнашы – харс, джырны къарнашы – эжиу.
- Кёб джат да, бек чаб.
- Тас болгъан бычакъны сабы – алтын.
- Суу ичген шауданынга тюкюрме.
- Аш кетер да бет къалыр.
- Акъыллы эркиши атын махтар, акъылсыз эркиши къатынын махтар.
- Аман киши кеси юйюнде – къонакъ.
- Игиге айтсанг – билир, аманнга айтсанг – кюлюр.
- Къатыны харакетли болса, эри къымсыз болур.
- Акъыл неден да кючлюдю.
- Таш ата билмеген, башына урур.
- Тау башында, тау болмаз, джангыз терек, бау болмаз.
- Гугурук къычырмаса да, тангны атары къалмаз.
- Тилде сюек болмаса да, сюек сындырыр.
- Къалгъан ишге къар джауар.
- Эте билген, этген этеди, эте билмеген, юретген этеди!
- Айран ичген – къутулду, джугъусун джалагъан – тутулду.
- Келгинчи, къонакъ уялыр, келгенден сора, къонакъбай уялыр.
- Бермеген къол, алмайды.
- Ханы къызы буюгъа-буюгъа киштик болду.
- Кесинг сынамагъан затны, адамгъа буюрма.
- Сакъламагъан затынга джолукъсанг, не бек къууанаса, не бек ачыйса.
- Ишин билген, аны сыйын чыгъарады.
- Адеби болмагъан къыз – тузсуз хант.
- Джашны джигитлиги сорулур, къызны джигерлиги сорулур.
- Аш иеси бла татлыды.
- Джол бла сёзню къыйыры джокъ.
- Ана къойну – балагъа джандет.
- Аджашхан тёгерек айланыр.
- Аман адамны тепсинге олтуртсанг, къызынгы тилер.
- Гыдай эчки суугъа къараб, мюйюзле кёрмесе, джашма алкъын, дегенди.
- Адам боллукъ, атламындан белгили болур.
- Мени джылытмагъан кюн, меннге тиймесин!
- Аманны къуугъан, аманлыкъ табар.
- Чабакъ башындан чирийди.
- Аманнга да, игиге да оноусуз къатышма.
- Джюз элде джюз ёгюзюм болгъандан эсе, джюз джууугъум болсун.
- Кёзюнде тереги болгъан, чёбю болгъаннга кюле эди.
- Къазанчы аман болса, къазаны къайнамаз.
- Харам къарнашдан, халал тенг ашхы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ёксюзню къалачы уллу кёрюнюр.
- Экеу тутушса, биреу джыгъылыр.
- Олтуруб кёрюнмей эди да, ёрге туруб кёрюне эди.
- Джангыз торгъай джырламаз.
- Ойнаб айтсанг да, эслеб айт.
- Къайтырыкъ эшигинги, къаты уруб чыкъма.
- Адамны артындан къара сабан сюрме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72