Эльбрусоид :: Форум :: Архив форумов

Кёзю сокъурдан – къоркъма, кёлю сокъурдан – къоркъ.
Ауузу бла къуш тута айланады.
Хата – гитчеден.
Билим ат болуб да чабар, къуш болуб да учар.
Намыс болмагъан джерде, насыб болмаз.
Ашыкъгъан cуу, тенгизге джетмез.
Джигер – джаннга къыйынлыкъ.
Къар – келтирди, суу – элтди.
Рысхы – сют юсюнде кёмюк кибикди.
Ким бла джюрюсенг, аны кёзю бла кёрюнюрсе.
Нарт сёз – тилни бети.
Джогъун бар этген, барын бал этген.
Сабий кёргенин унутмаз.
Этни бети бла шорпасы.
Сескекли кесин билдирир.
Кёрмегеннге кебек – танг, битмегеннге сакъал – танг.
Къартны бурнун сюрт да, оноугъа тут.
Минг тенг да азды, бир джау да кёбдю.
Ачны эсинде – аш.
Биреуню эскиси биреуге джангы болмайды.
Башы джабылгъан челекге, кир тюшмез.
Аякъларынгы джууургъанынга кёре узат.
Халкъны джырын джырласанг, халкъ санга эжиу этер.
Хоншуну тауугъу къаз кёрюнюр, келини къыз кёрюнюр.
Экиндини кеч къылсанг, чабыб джетер ашхам.
Къаллай салам берсенг, аллай джууаб алырса.
Адебсиз адам – джюгенсиз ат.
Ёмюрлюк шохлукъну джел элтмез.
Сибиртки да сыйлы болду, кюрек да кюнлю болду.
Башланнган иш битер, къымылдагъан тиш тюшер.
Суугъа – чабакъ, къаягъа – ыргъакъ.
Иесиз малны бёрю ашар.
Айраннга суу къош, телиге джол бош.
Ачыкъ джюрекге джол – ачыкъ.
Кесинг сынамагъан затны, адамгъа буюрма.
Чомарт джарлы болмаз.
Чакъырылмагъан джерге барма, чакъырылгъан джерден къалма.
Бети къызарыучу адамны, джюреги харам болмаз.
Тешигини къатында, чычхан да батыр болур.
Окъдан джара эртде-кеч болса да бителир, сёз джара, ёмюрге къалыр.
Кёзню ачылгъаны – иги, ауузну джабылгъаны – иги.
Нёгерсизни джолу узун.
Джюз элде джюз ёгюзюм болгъандан эсе, джюз джууугъум болсун.
Аууздан келген, къолдан келсе, ким да патчах болур эди.
Джол бла сёзню къыйыры джокъ.
Къоркъакъны кёзю экили кёрюр.
Айтхан сёзюне табылгъан.
Тёгюлген тюгел джыйылмайды.
Чабар ат – джетген къыз.
Гитче джилтин уллу элни джандырыр.

Логин:
Пароль:
	Запомнить меня на этом компьютере

Забыли свой пароль?
Регистрация