Эльбрусоид :: Форум :: Архив форумов

Ач, тоймам, дейди, тойгъан, ач болмам, дейди.
Иги бла джюрюсенг, джетерсе муратынга, аман бла джюрюсенг, къалырса уятха.
Къолу уллу – асыу, аягъы уллу – джарсыу.
Аууз сакълагъан – джан сакълар.
Ёзденликни джайгъан – джокълукъ.
Алтыда кюлмеген, алтмышда кюлмез.
Тенги кёбню джау алмаз, акъылы кёбню дау алмаз.
Ётюрюк хапар аякъ тюбю бла джюрюйдю.
Онгсузну – джакъла, тенгликни – сакъла.
Биреуню эскиси биреуге джангы болмайды.
Эркишиге тары кебек танг кёрюнюр.
Джаханимни кёрмей, джандетге кёл салмазса.
Арба аугъандан сора, джол кёргюзтюучю кёб болур.
Зарда марда джокъ.
Ишлегенден, къарагъан уста.
Намысы джокъну – дуниясы джокъ.
Тилчи тилден къаныкъмаз.
Кёб джат да, бек чаб.
Ишлерге уял да, ашаргъа табма.
Окъуу – билимни ачхычы, окъуу – дунияны бачхычы.
Джырчы ёлсе, джыры къалыр.
Юй кюйдю да, кюйюз чыкъды, ортасындан тюйюш чыкъды.
Джауумдан сора, кюн кюйдюрюр, ётюрюкден сора, айыб кюйдюрюр.
Мадар болса, къадар болур.
Махтаннган къыз, тойда джукълар.
Джарашыу сюйген – джалынчакъ.
Чабакъгъа акъыл, табагъа тюшсе келеди.
Окъдан джара эртде-кеч болса да бителир, сёз джара, ёмюрге къалыр.
Айранны сюйген, ийнек тутар.
Садакъачыны джаны – къапчыгъында.
Хантына кёре тузу, юйюне кёре къызы.
Джыгъылгъанны сырты джерден тоймаз.
Адамны адамлыгъы къыйынлыкъда айгъакъланады.
Гырджын – тепсини тамадасы.
Айран тёгюлсе, джугъусу къалыр.
Мал кёб болса, джууукъ кёб болур.
Артына баргъанны, къатына барма.
Нарт сёз – тилни бети.
Тюзню ётмеги тюзде къалса да, тас болмаз.
Аллахха ийнаннган кишини, Аллах онгдурур ишин.
Тас болгъан бычакъны сабы – алтын.
Ачылгъан эт джабылыр, кёрген кёз унутмаз.
Мухарны эси – ашарыкъда.
Эм уллу байлыкъ – джан саулукъ.
Бёрю да ач къалмасын, эчки да ашалмасын.
Чалманны аллы къалай башланса, арты да алай барады.
Алим болгъандан эсе, адам болгъан къыйынды.
Эл ауузу – элия.
Ата – баланы уясы.
Аш иеси бла татлыды.

Логин:
Пароль:
	Запомнить меня на этом компьютере

Забыли свой пароль?
Регистрация