- Орну джокъну – сыйы джокъ.
- Ариу сёз – къылычдан джити.
- Тойгъан антын унутур.
- Къызын тута билмеген, тул этер, джашын тута билмеген, къул этер.
- Акъыл сабырлыкъ берир.
- Дженгил джетерикме деб, узун джолну къоюб, къысхасын барма.
- Къыз келсе, джумуш эте келеди, къатын келсе, ушакъ эте келеди.
- Бойнуму джети джерден кессенг да, мен ол ишни этеллик тюлме.
- Къартны бурнун сюрт да, оноугъа тут.
- Минг тенг да азды, бир джау да кёбдю.
- Къошда джокъгъа – юлюш джокъ.
- Джигер – джаннга къыйынлыкъ.
- Терслик кетер, тюзлюк джетер.
- Алтыда кюлмеген, алтмышда кюлмез.
- Хар адамгъа кеси миннген тау кибик.
- Кимни – тили, тиши онглу, кимни – къолу, иши онглу.
- От кюйдюрген, сау болса да, тот кюйдюрген, сау болмаз.
- Эрине къаргъыш этген къатын, эрнин къабар.
- Аллахдан тилесенг, кёб тиле.
- Эринчекни аурууу – кёб.
- Насыблы элин сюер, насыбсыз кесин сюер.
- Байны къызы баймакъ болса да, юйде къалмаз!
- Нёгерсизни джолу узун.
- Тёзген – тёш ашар!
- Намыс сатылыб алынмайды.
- Дууулдаса – бал чибин, къонса – къара чибин.
- Ётюрюк хапар аякъ тюбю бла джюрюйдю.
- Тил – кесген бычакъ, сёз – атылгъан окъ.
- Бети къызарыучу адамны, джюреги харам болмаз.
- Ойнай билмеген, уруб къачар.
- Кютгени беш эчки, сызгъыргъаны уа, джерни джарады.
- Къарны аманнга къазан такъдырма, къолу аманнга от джакъдырма.
- Къарын къуру болса, джюрек уру болур.
- Аз сёлешген, къайгъысыз турур.
- Аманнга да, игиге да оноусуз къатышма.
- Хунаны тюбюн къазсанг, юсюнге ауар.
- Джыйырма къойну юч джыйырма эбзе кюте эди.
- Ишленмеген джаш – джюгенсиз ат, ишленмеген къыз – тузсуз хант.
- Джукъу тёшек сайламайды.
- Джаз бир кюнню джатсанг, къыш талай кюнню абынырса.
- Алим болгъандан эсе, адам болгъан къыйынды.
- Адамны сабийин сюйген джюреги, бычакъча, джитиди.
- Башы джабылгъан челекге, кир тюшмез.
- Байма, деб да, къууанма, джарлыма, деб да, джылама.
- Эки элинги тыйсанг, джети элде махталырса.
- Урама да – ёледи, сатама да – келеди.
- Ушамагъан – джукъмаз.
- Ашхы болсанг, атынг чыгъар, аман болсанг, джанынг чыгъар.
- Къыз чыгъаргъан – къызыл къымжа.
- Адамны аманы адамны бети бла ойнар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72