- Ашаса, ашамаса да, бёрюню ауузу – къан.
- Кюн – узун, ёмюр – къысха.
- Аджал соруб келмез, келсе, къайтыб кетмез.
- Биреуге аманлыкъ этиб, кесинге игилик табмазса.
- Босагъа таш юйге кирмей эди, тыбыр таш эшикге чыкъмай эди.
- Кёб къычыргъандан – къоркъма, тынч олтургъандан – къоркъ.
- Ёлмесенг да, къарт дамы болмазса?
- Ариу – кёзге, акъыл – джюрекге.
- Урама да – ёледи, сатама да – келеди.
- Бир абыннган – минг сюрюнюр.
- Адам къыйынлыгъын кёлтюрюр, зауукълугъун кёлтюрмез.
- Ариу джол аджал келтирмез.
- Джюрек кёзден алгъа кёрюр.
- Чоюнну башы ачыкъ болса, итге уят керекди.
- Тойгъанлыкъ къойгъа джарашады.
- Баш болса, бёрк табылыр.
- Телиге акъыл салгъандан эсе, ёлгеннге джан салырса.
- Юреннген ауруу къалмаз.
- Терслик кетер, тюзлюк джетер.
- Къуллукъчума, деб махтанма, къуллукъ – хаух джамчыды!
- Билим ат болуб да чабар, къуш болуб да учар.
- Чабар ат – джетген къыз.
- Ашхы атаны – джашы ашхы, ашхы ананы – къызы ашхы.
- Айтханы чапыракъдан ётмеген.
- Алим болгъандан эсе, адам болгъан къыйынды.
- Ариуну – ауруу кёб.
- Аякъларынгы джууургъанынга кёре узат.
- Ашхы болсанг, атынг чыгъар, аман болсанг, джанынг чыгъар.
- Ашхылыкъ джерде джатмайды, аманлыкъ суугъа батмайды.
- Иги джашны ышаны – аз сёлешиб, кёб тынгылар.
- Ач уят къоймаз.
- Къая джолда джортма, ачыкъ сёзден къоркъма.
- Байны къызы баймакъ болса да, юйде къалмаз!
- Джырчы ёлсе, джыры къалыр.
- Сёз сёзню айтдырыр.
- Намысы болмагъанны, сыйы болмаз.
- Хата – гитчеден.
- Эркиши – от, тиширыу – суу.
- Ариу сёз – джаннга азыкъ, аман сёз – башха къазыкъ.
- Сёз къанатсыз учар.
- Адамны артындан къара сабан сюрме.
- Дуния мал дунияда къалады.
- Мухардан ач ычхынмаз.
- Нарт сёз къарт болмаз.
- Чомарт къолда мал къалмаз.
- Кёлсюзден сёзсюз тууар.
- Ётюрюкню башын керти кесер.
- Кёл – къызбай, къол – батыр.
- Джарлы джети элни сёзюн этер.
- Къайгъыны сюйген, къайгъы табар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72