Эльбрусоид :: Форум :: Архив форумов

Сютден ауузу кюйген, суугъа юфгюре эди.
Керилген да, ургъан кибикди.
Мухарны эси – ашарыкъда.
Ишни ахырын ойламай, аллын башлама.
Джыйырма къойну юч джыйырма эбзе кюте эди.
Келинин тута билмеген, къул этер, къызын тута билмеген, тул этер.
Адамгъа аман кюн соруб келмейди.
Джеринден айырылгъан – джети джылар, джуртундан айырылгъан – ёлгюнчю джылар.
Аз айтсам, кёб ангылагъыз.
Босагъа таш юйге кирмей эди, тыбыр таш эшикге чыкъмай эди.
Къатын байлыкъны сюер, эр саулукъну сюер.
Кийимни бичсенг, кенг бич, тар этген къыйын тюлдю.
Джумушакъ терекни къурт ашар.
Адебсиз адам – джюгенсиз ат.
Керек ташны ауурлугъу джокъ.
Тёгюлген тюгел джыйылмайды.
Джерни букъусу кёкге къонмаз.
Таукел тауну аудурур.
Чабар ат – джетген къыз.
Къонакъ аз олтурур, кёб сынар.
Эринчекге кюн узун.
Кёзден кетген, кёлден да кетеди.
Ата – билек, ана – джюрек!
Джылкъыдан – ат чыгъар, тукъумдан – джаш чыгъар.
Билим насыб берир, билим джолну керир.
Бёрю да ач къалмасын, эчки да ашалмасын.
Ётюрюкню башын керти кесер.
Эр абынмай, эл танымаз.
Билимсиз иш бармаз.
Джолда аягъынга сакъ бол, ушакъда тилинге сакъ бол.
Ёнгкюч къууана барыр, джылай келир.
Кёб къычыргъандан – къоркъма, тынч олтургъандан – къоркъ.
Къарт айтханны этмеген, къартаймаз.
Сормай – алма, чакъырылмай – барма.
Аджашханны ызындагъы кёреди, джангылгъанны джанындагъы биледи.
Къонакъ аман болса, къонакъбай джунчур
Башынга джетмегенни сорма.
Айыбны суу бла джууалмазса.
Ишни аллы бла къууанма да, арты бла къууан.
Босагъагъа джууукъ орун болса, ашыгъыб тёрге озма.
Къарт бла баш аша, джаш бла аякъ аша.
Кеси юйюмде мен да ханма.
Аууз сакълагъан – джан сакълар.
Сакъламагъан затынга джолукъсанг, не бек къууанаса, не бек ачыйса.
Алтыда кюлмеген, алтмышда кюлмез.
Сакъалы текени да бар, мыйыгъы киштикни да бар.
Кёзю сокъурдан – къоркъма, кёлю сокъурдан – къоркъ.
Бек анасы джыламаз.
Aдам боллукъ, сыфатындан белгили.
Тёрде – темир таякълы, къаяда – чыпчыкъ аякълы.

Логин:
Пароль:
	Запомнить меня на этом компьютере

Забыли свой пароль?
Регистрация