- Ашатыргъа иш – ашхы, ишлетирге аш – ашхы.
- Къар – келтирди, суу – элтди.
- Чомартха Тейри да борчлуду.
- Эм уллу байлыкъ – джан саулукъ.
- Бети къызарыучу адамны, джюреги харам болмаз.
- Тик ёргени, тик энгишгеси да болады.
- «Ма», - дегенни билмесенг, «бер», - дегенни билмезсе.
- Татлы сёз – балдан татлы.
- Сёз къанатсыз учар.
- Керек ташны ауурлугъу джокъ.
- Аш берме да, къаш бер.
- Кёзню ачылгъаны – иги, ауузну джабылгъаны – иги.
- Кёбге таш атма.
- Ёнгкюч къууана барыр, джылай келир.
- Чыкълы кюнде чыкъмагъан, чыкъса къуру кирмеген.
- Керилген да, ургъан кибикди.
- Ачыу алгъа келсе, акъыл артха къалады.
- Ауузу бла къуш тута айланады.
- Аш иеси бла татлыды.
- Чомарт къонакъ юй иесин сыйлар.
- Къулакъдан эсе, кёзге ышан.
- Ачылгъан эт джабылыр, кёрген кёз унутмаз.
- Айтылгъан сёз ызына къайтмаз.
- Тёрени джагъы джокъ.
- Кечеси – аяз, кюню – къыш, джарлы къаргъагъа бир аш тюш!
- Босагъа таш юйге кирмей эди, тыбыр таш эшикге чыкъмай эди.
- Джол бла сёзню къыйыры джокъ.
- Билмегенинги, билгеннге сор.
- Аурууну келиую тынч, кетиую – къыйын.
- Бозанг болмагъан джерге, къалагъынгы сукъма.
- Танг атмайма десе да, кюн къоярыкъ тюйюлдю.
- Сютню башын джалагъан къутулур, тюбюн ичген тутулур.
- Ётюрюк хапар аякъ тюбю бла джюрюйдю.
- Минг тенг да азды, бир джау да кёбдю.
- Телини эшигин, махтау джабар.
- Къонакъ кёб келюучю юйню, къазаны отдан тюшмез.
- Ачыкъ джюрекге джол – ачыкъ.
- Aдам боллукъ, сыфатындан белгили.
- Тойгъан антын унутур.
- Тёзгеннге, джабылгъан эшик ачылыр.
- Малны кют, джерни тюрт.
- Джюрекге ариу – кёзге да ариу.
- Кёрмегеннге кебек – танг, битмегеннге сакъал – танг.
- Кийимни бир кюнню аясанг, минг кюннге джарар.
- Аууз сакълагъан – джан сакълар.
- Къыз тиширыу кеси юйюнде да къонакъды.
- Акъыл неден да кючлюдю.
- Адебсиз адам – джюгенсиз ат.
- Ат да турмайды бир териде.
- Таукелге нюр джауар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72