- Джети тилни билген джети кишиди.
- Ышармагъан – кюлмез, кюлмеген – къууанчны билмез.
- Тёгюлген тюгел джыйылмайды.
- Байма, деб да, къууанма, джарлыма, деб да, джылама.
- Кёб джашагъан – кёб билир.
- Ишин билген, аны сыйын чыгъарады.
- Ишленмеклик адамлыкъды.
- Таш ата билмеген, башына урур.
- Байлыкъ адамны сокъур этер.
- Къазанны башы ачыкъ болса, итге уят керекди.
- Элни кючю – эмеген.
- Къууут – джелге, берне – бошха.
- Огъурлуну сёзю – суу, огъурсузну сёзю – уу.
- Аджаллыгъа окъсуз шкок атылыр.
- Ёпкелегенни ашы татлы болады.
- Тойгъандан сора, ашны сёкме.
- Билими азны – ауузунда кирит.
- Къолунгдан къуймакъ ашатсанг да, атаны борчундан къутулмазса.
- Телиге акъыл салгъандан эсе, ёлгеннге джан салырса.
- Къызын тута билмеген, тул этер, джашын тута билмеген, къул этер.
- Телиге от эт десенг, юйюнге от салыр.
- Тели турса – той бузар.
- Джаш болсун, къыз болсун, акъылы, саны тюз болсун.
- Иги джашны ышаны – аз сёлешиб, кёб тынгылар.
- Нёгерсизни джолу узун.
- Къартны бурнун сюрт да, оноугъа тут.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Мал кёб болса, джууукъ кёб болур.
- Азыкълы ат арымаз, къатыны аман джарымаз.
- Бетинги сатма, малынгы сат.
- Агъач халкъгъа алтынды, иссиликге салкъынды.
- Чакъырылмай келген къонакъ сыйланмай кетер.
- Мал тутхан – май джалар.
- Кёл – къызбай, къол – батыр.
- Адам боллукъ, атламындан белгили болур.
- Байлыкъдан саулукъ ашхыды.
- Кечеси – аяз, кюню – къыш, джарлы къаргъагъа бир аш тюш!
- Этим кетсе да, сюегим къалыр.
- Сыфатында болмагъаны, суратында болмаз.
- Джашынгы кесинг юретмесенг, джашау юретир.
- Адамны артындан къара сабан сюрме.
- Ауурну тюбю бла, дженгилни башы бла джюрюген.
- Башда акъыл болмаса, эки аякъгъа кюч джетер.
- Аманны эки битли тону болур, бирин сеннге кийдирир, бирин кеси киер.
- Ишлемеген – тишлемез.
- Адеби болмагъан къыз – тузсуз хант.
- Ёлмесенг да, къарт дамы болмазса?
- Сангырау къулакъ эл бузар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Хунаны тюбюн къазсанг, юсюнге ауар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72