- Къайгъы тюбю – тенгиз.
- Хаухну атма, ёнгкючню сатма.
- Онгсузну – джакъла, тенгликни – сакъла.
- Аш хазыр болса, иш харам болур.
- Ойнай билмеген, уруб къачар.
- Адамны сыфатына къарама, сёзюне къара.
- Накъырда – кертини келечиси.
- Гугук кесини атын айтыб къычыргъанча, мен, мен деб нек тураса?
- Кесине оноу эте билмеген, халкъына да эте билмез.
- Кесине гебен этелмеген, биреуге черен эте эди.
- Тойгъанлыкъ къойгъа джарашады.
- Ариуну – ауруу кёб.
- Ачны эсинде – аш.
- Кесинге джетмегенни, кёб сёлешме.
- Акъдан къара болмаз.
- Тенгинг джокъ эсе – изле, бар эсе – сакъла!
- Байны оноуу, джарлыгъа джарамаз.
- Насыблы элин сюер, насыбсыз кесин сюер.
- Ачылгъан эт джабылыр, кёрген кёз унутмаз.
- Сакъалы текени да бар, мыйыгъы киштикни да бар.
- Кесинг сынамагъан затны, адамгъа буюрма.
- Кечеси – аяз, кюню – къыш, джарлы къаргъагъа бир аш тюш!
- Ата – билек, ана – джюрек!
- Кёбден умут этиб, аздан къуру къалма.
- Ким бла джюрюсенг, аны кёзю бла кёрюнюрсе.
- Кеси юйюмде мен да ханма.
- Аджалсыз ёлюм болмаз.
- Билмегенинги, билгеннге сор.
- Аякъларынгы джууургъанынга кёре узат.
- Биреуге аманлыкъны тилеме да, кесинге ашхылыкъны тиле.
- Ауурну тюбю бла, дженгилни башы бла джюрюген.
- Мал ёлсе, сюек къалыр, адам ёлсе, иши къалыр.
- Болджал ишни бёрю ашар.
- Адамны сабийин сюйген джюреги, бычакъча, джитиди.
- Ата Джуртча джер болмаз, туугъан элча эл болмаз.
- Керти сёзге тёре джокъ.
- Таякъ этден ётер, тил сюекден ётер.
- Билими азны – ауузунда кирит.
- Къарыусузгъа кюлме, онгсузгъа тийме.
- Сёз къанатсыз учар.
- Ёмюрлюк шохлукъну джел элтмез.
- Ётюрюк хапар аякъ тюбю бла джюрюйдю.
- Джол бла сёзню къыйыры джокъ.
- Джолда аягъынга сакъ бол, ушакъда тилинге сакъ бол.
- Аш иеси бла татлыды.
- Босагъагъа джууукъ орун болса, ашыгъыб тёрге озма.
- Ойнаб айтсанг да, эслеб айт.
- Бир абыннган – минг сюрюнюр.
- Башда акъыл болмаса, эки аякъгъа кюч джетер.
- Таукел тауну аудурур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72