- Бек ашыкъгъан меннге джетсин, дегенди аракъы.
- Халкъгъа джарагъан, джарлы къалмаз.
- Эки къатын алгъанны къулагъы тынгнгаймаз.
- Кёб ант этген, кёб ётюрюк айтыр.
- Сескекли кесин билдирир.
- Ёпкелегенни ашы татлы болады.
- Элге къуллукъ этмеген, элге ие болмаз.
- Джарлы тюеге минсе да, ит къабар.
- Арбаз къынгырды да, ийнек сауалмайма.
- Гырджын – тепсини тамадасы.
- Дууулдаса – бал чибин, къонса – къара чибин.
- Бёрю да ач къалмасын, эчки да ашалмасын.
- Аз айтсам, кёб ангылагъыз.
- Тойгъан джерден туугъан джер игиди.
- Окъуусуз билим – джокъ, билимсиз кюнюнг – джокъ.
- Къошда джокъгъа – юлюш джокъ.
- Тик ёргени, тик энгишгеси да болады.
- Хар зат кесини орнуна иги.
- Адамны сыфатына къарама, сёзюне къара.
- Ишни ахырын ойламай, аллын башлама.
- Кеси юйюмде мен да ханма.
- Чомарт къолда мал къалмаз.
- Хар сёзню орну барды.
- Джашда акъыл джокъ, къартда къарыу джокъ.
- Къарны аманнга къазан такъдырма, къолу аманнга от джакъдырма.
- Кёрмегеннге кебек – танг, битмегеннге сакъал – танг.
- Тёзген – тёш ашар!
- Акъыл неден да кючлюдю.
- Аджашхан тёгерек айланыр.
- Нёгерсизни джолу узун.
- Джаралыны джастыгъында сау ёлюр.
- Джыгъылгъанны сырты джерден тоймаз.
- Ачлыкъда тары гырджын халыуадан татлы.
- Кёзден кетген, кёлден да кетеди.
- Ойнай билмеген, уруб къачар.
- Орну джокъну – сыйы джокъ.
- Сууда джау джокъ, кёб сёзде магъана джокъ.
- Джаханимни кёрмей, джандетге кёл салмазса.
- Уллу атлама – абынырса, уллу къабма – къарылырса.
- Байлыкъ адамны сокъур этер.
- Джыланны къуйругъундан басарынг келсе, аны башы болгъанын унутма.
- Бозаны арты дауур болур.
- Суу ичген шауданынга тюкюрме.
- Игиге айтсанг – билир, аманнга айтсанг – кюлюр.
- Танг атмайма десе да, кюн къоярыкъ тюйюлдю.
- Башда акъыл болмаса, эки аякъгъа кюч джетер.
- Тай асырагъан, атха минер.
- Эр абынмай, эл танымаз.
- Кёл ашады да, кеси ашады.
- Билмезни кёзю кёрмез, этмезни къулагъы эшитмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72