- Сёлеш деб шай берген, тохта деб, сом берген.
- Окъуу – билимни ачхычы, окъуу – дунияны бачхычы.
- Кёб ант этген, кёб ётюрюк айтыр.
- Тойгъа барсанг, тоюб бар, эски тонунгу къоюб бар.
- Къайгъыны сюйген, къайгъы табар.
- Тёзгеннге, джабылгъан эшик ачылыр.
- Таш бла ургъанны, аш бла ур.
- Керилген да, ургъан кибикди.
- Аман адамны тепсинге олтуртсанг, къызынгы тилер.
- Аманны къуугъан, аманлыкъ табар.
- Ариу сёз аурууунгу алыр.
- Акъылсызны джууукъгъа алма, акъыллыны кенгнге салма.
- Хар сёзню орну барды.
- Билмейме деген – бир сёз
- Сёз садакъдан кючлюдю.
- Атынг аманнга чыкъгъандан эсе, джанынг тамагъынгдан чыкъсын.
- Джашны джигитлиги сорулур, къызны джигерлиги сорулур.
- Адеб этмеген, адеб кёрмез.
- Кёзю сокъурдан – къоркъма, кёлю сокъурдан – къоркъ.
- Тил джюрекге джол ишлейди.
- Къарт болгъан джерде, берекет болур, сабий болгъан джерде, оюн болур.
- Танг атмайма десе да, кюн къоярыкъ тюйюлдю.
- Эринчекни аурууу – кёб.
- Джангыз торгъай джырламаз.
- Кеси юйюмде мен да ханма.
- «Ма», - дегенни билмесенг, «бер», - дегенни билмезсе.
- Зар адам ашынгы ашар, кесинги сатар.
- Билмезни кёзю кёрмез, этмезни къулагъы эшитмез.
- Ёзденликни кёбю ётюрюк.
- Иги бла джюрюсенг, джетерсе муратынга, аман бла джюрюсенг, къалырса уятха.
- Айтхан – тынч, этген – къыйын.
- Ашхы тенг джолгъа салыр, аман тенг джолдан тайдырыр.
- Уллу атлама – абынырса, уллу къабма – къарылырса.
- Ханы къызы буюгъа-буюгъа киштик болду.
- Босагъа таш юйге кирмей эди, тыбыр таш эшикге чыкъмай эди.
- Халкъны джырын джырласанг, халкъ санга эжиу этер.
- Ашына кёре табагъы, балына кёре къалагъы.
- Юй кюйдю да, кюйюз чыкъды, ортасындан тюйюш чыкъды.
- Джюрекге ариу – кёзге да ариу.
- Бети бедерден, намыс сакълама.
- Къатын къылыкъсыз, эр тынчлыкъсыз.
- Ана къойну – балагъа джандет.
- Биреуге аманлыкъ этиб, кесинге игилик табмазса.
- Айныгъанлы алты кюн, тогъайгъанлы тогъуз кюн.
- Чалманны аллы къалай башланса, арты да алай барады.
- Шайтан алдады, тюзлюк къаргъады.
- Телиге акъыл салгъандан эсе, ёлгеннге джан салырса.
- Башы ишлегенни, ауузу да ишлер.
- Билмегенинги, билгеннге сор.
- Атлыны ашхысы, ат тизгининден билинир
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72