- Джашынгы кесинг юретмесенг, джашау юретир.
- Иги джашны ышаны – аз сёлешиб, кёб тынгылар.
- Бети къызарыучу адамны, джюреги харам болмаз.
- Бал – татлы, балдан да бала – татлы.
- Сабыр джетер муратха, сабырсыз къалыр уятха.
- Къонакъ болсанг, ийнакъ бол.
- Уллу къазанда бишген эт, чий къалмаз.
- Иши джокъну, сыйы джокъ.
- Ата Джуртун танымагъан, атасын да танымаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёб ант этген, кёб ётюрюк айтыр.
- От кюйдюрген, сау болса да, тот кюйдюрген, сау болмаз.
- Биреуню эскиси биреуге джангы болмайды.
- Адамны джюреги нени кёрюрге сюйсе, кёзю да аны кёрюрге ёч болады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Айранны сюйген, ийнек тутар.
- Джаралыны джастыгъында сау ёлюр.
- Аман къатын сабий табса, бий болур…
- Суугъа – таянма, джаугъа – ийнанма.
- Аджаллыгъа окъсуз шкок атылыр.
- Айырылмаз джууугъунга, унутмаз сёзню айтма.
- Эри аманны, къатыны – аман.
- Накъырданы арты керти болур.
- Кёлсюзден сёзсюз тууар.
- Ашхы адам – халкъ байлыгъы, ашхы джер – джашау байлыгъы.
- Кёбге таш атма.
- Сыфатында болмагъаны, суратында болмаз.
- Ариу – кёзге, акъыл – джюрекге.
- Башынга джетмегенни сорма.
- Биреуге аманлыкъны тилеме да, кесинге ашхылыкъны тиле.
- Алим болгъандан эсе, адам болгъан къыйынды.
- Ойнай-ойнай кёз чыгъар.
- Иесиз малны бёрю ашар.
- Джарлы эскисин джамаса, къууаныр.
- Эм ашхы къайын ана мамукъ бла башынгы тешер.
- Тик ёргени, тик энгишгеси да болады.
- Окъдан джара эртде-кеч болса да бителир, сёз джара, ёмюрге къалыр.
- Таукелге нюр джауар.
- Юйюнг бла джау болгъандан эсе, элинг бла джау бол.
- Кирсизни – саны таза, халалны – къаны таза.
- Къарнынг къанлынга кийирир.
- Сютден ауузу кюйген, суугъа юфгюре эди.
- Асхат ашлыкъ сата, юйдегиси ачдан къата.
- Сёз къанатсыз учар.
- Ашда – бёрю, ишде – ёлю.
- Ханнга да келеди хариблик.
- Келгинчи, къонакъ уялыр, келгенден сора, къонакъбай уялыр.
- Ат басханны джер билед.
- Тиширыусуз юй – отсуз от джагъа.
- Чомартны къолун джокълукъ байлар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72