- Джангызны оту джарыкъ джанмаз!
- Аманнга алтын чыдамаз.
- Сагъыш – къартлыкъгъа сюйюмчю.
- Тойчу джашха къарама, къойчу джашха къара.
- Ата – баланы уясы.
- Ёлюк кебинсиз къалмаз.
- Телини эшигин, махтау джабар.
- Биреу къой излей, биреу той излей.
- Джумушакъ терекни къурт ашар.
- Тюзлюк тас болмайды.
- Чакъырылмай келген къонакъ сыйланмай кетер.
- Хоншуну тауугъу къаз кёрюнюр, келини къыз кёрюнюр.
- Бети къызарыучу адамны, джюреги харам болмаз.
- Киштикге къанат битсе, чыпчыкъ къалмаз эди.
- Эски джаугъа ышанма.
- Сабий болмагъан джерде, мёлек болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Окъдан джара эртде-кеч болса да бителир, сёз джара, ёмюрге къалыр.
- Ач – эснер, ат – кишнер.
- Рысхы – насыбха къор.
- Бир абыннган – минг сюрюнюр.
- Тилчи бир сагъатха айлыкъ хата этер.
- Намысы джокъну – дуниясы джокъ.
- Арбаз къынгырды да, ийнек сауалмайма.
- Айтылгъан сёз ызына къайтмаз.
- Таукел адам тау тешер.
- Джарашыу сюйген – джалынчакъ.
- Къызын тута билмеген, тул этер, джашын тута билмеген, къул этер.
- Хар зат кесини орнуна иги.
- Къуру гыбыт бек дыгъырдар.
- Ач къарынны, токъ билмез
- Бичгенде ашыкъма, тикгенде ашыкъ.
- Джигер – джаннга къыйынлыкъ.
- Гугук кесини атын айтыб къычыргъанча, мен, мен деб нек тураса?
- Олтуруб кёрюнмей эди да, ёрге туруб кёрюне эди.
- Урама да – ёледи, сатама да – келеди.
- Билим насыб берир, билим джолну керир.
- Эшекге миннген – биринчи айыб, андан джыгъылгъан – экинчи айыб.
- Адеби болмагъан къыз – тузсуз хант.
- Тенгни тенглиги джашай барсанг билинир.
- Джарлы джети элни сёзюн этер.
- Мен да «сен», дейме, сен да «кесим», дейсе.
- Къонакъны къачан кетерин сорма, къачан келлигин сор.
- Тюзню ётмеги тюзде къалса да, тас болмаз.
- Сабыр джетер муратха, сабырсыз къалыр уятха.
- Келгинчи, къонакъ уялыр, келгенден сора, къонакъбай уялыр.
- Тойгъа барсанг, тоюб бар, эски тонунгу къоюб бар.
- Суугъа – таянма, джаугъа – ийнанма.
- Агъач халкъгъа алтынды, иссиликге салкъынды.
- Адамны адамлыгъы къыйынлыкъда айгъакъланады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72