- Айтылгъан буйрукъ, сёгюлмез
- Ач бёрюге мекям джокъ.
- Ачны эсинде – аш.
- Аманны тукъумуна къарама, игини тукъумун сорма.
- Джангызны оту джарыкъ джанмаз!
- Кёл – къызбай, къол – батыр.
- Джукъу тёшек сайламайды.
- Аш хазыр болса, иш харам болур.
- Тойгъан джерге джети къайт.
- Ётген ёмюр – акъгъан суу.
- Туз, гырджын аша, тюзлюк бла джаша.
- Уясында не кёрсе, учханында аны этер.
- Башы ишлегенни, ауузу да ишлер.
- Эки итни арасына сюек атма, эки адамны арасында сёз чыгъарма.
- Чёбню кёлтюрсенг, тюбюнден сёз чыгъар.
- Уллу айтханны этмеген – уллаймаз.
- Урама да – ёледи, сатама да – келеди.
- Юйюнг бла джау болгъандан эсе, элинг бла джау бол.
- Уллу сёлешме да, уллу къаб.
- Эки элинги тыйсанг, джети элде махталырса.
- Ашына кёре табагъы, балына кёре къалагъы.
- Суу ичген шауданынга тюкюрме.
- Орну джокъну – сыйы джокъ.
- Кимни – тили, тиши онглу, кимни – къолу, иши онглу.
- Акъылсызны джууукъгъа алма, акъыллыны кенгнге салма.
- «Ма», - дегенни билмесенг, «бер», - дегенни билмезсе.
- Сууда джау джокъ, кёб сёзде магъана джокъ.
- Къарт болгъан джерде, берекет болур, сабий болгъан джерде, оюн болур.
- Къатын къылыкъсыз, эр тынчлыкъсыз.
- Къолу уллу – асыу, аягъы уллу – джарсыу.
- Ёзденликни джайгъан – джокълукъ.
- Ата Джуртча джер болмаз, туугъан элча эл болмаз.
- Минг тенг да азды, бир джау да кёбдю.
- Дуния малгъа сатылма, кесингден телиге къатылма.
- Ашхы тенг джолгъа салыр, аман тенг джолдан тайдырыр.
- Адамны сабийин сюйген джюреги, бычакъча, джитиди.
- Этим кетсе да, сюегим къалыр.
- Ауругъан – джашаудан умутчу.
- Кёзю сокъурдан – къоркъма, кёлю сокъурдан – къоркъ.
- Татлы тилде – сёз ариу, чемер къолда – иш ариу.
- Тил – кесген бычакъ, сёз – атылгъан окъ.
- Ишге юренсин къоллары, халкъ бла болсун джоллары.
- Терслик кетер, тюзлюк джетер.
- Джыгъылгъанны сырты джерден тоймаз.
- Болджал ишни бёрю ашар.
- Ушамагъан – джукъмаз.
- Алим болгъандан эсе, адам болгъан къыйынды.
- Бети къызарыучу адамны, джюреги харам болмаз.
- Кесинг сынамагъан затны, адамгъа буюрма.
- Телиге акъыл салгъандан эсе, ёлгеннге джан салырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72